ਗੈਂਗਸਟਰ ਰਵੀ ਪੁਜਾਰੀ ਨੂੰ ਕਰਨਾਟਕ ਤੋਂ ਲਿਆਂਦਾ ਗਿਆ ਮੁੰਬਈ, ਮਹਾਰਾਸ਼ਟਰ ਵਿਚ 49 ਕੇਸ ਹਨ ਦਰਜ

ਮੁੰਬਈ:  ਗੈਂਗਸਟਰ ਰਵੀ ਪੁਜਾਰੀ ਨੂੰ ਅੱਜ ਕਰਨਾਟਕ ਤੋਂ ਮੁੰਬਈ ਲਿਆਂਦਾ ਗਿਆ ਹੈ। ਉਸ ਨੂੰ ਅੱਜ ਸੈਸ਼ਨ ਕੋਰਟ ਵਿਚ ਪੇਸ਼ ਕੀਤਾ ਜਾਵੇਗਾ। ਸਾਲ 2016 ਦੀ ਗਜ਼ਾਲੀ ਹੋਟਲ ਫਾਇਰਿੰਗ ਮਾਮਲੇ ਵਿਚ ਪੁਜਾਰੀ ਤੋਂ ਪੁੱਛਗਿੱਛ ਕੀਤੀ ਜਾਏਗੀ। ਪੁਜਾਰੀ ਨੂੰ ਮੰਗਲਵਾਰ ਸਵੇਰੇ ਕਰੀਬ 6.10 ਵਜੇ ਮੁੰਬਈ ਪੁਲਿਸ ਨੇ ਬੰਗਲੌਰ ਤੋਂ ਲਿਜਾਇਆ ਸੀ। ਲੋਕਅਪ ਵਿੱਚ ਲਿਜਾਣ ਤੋਂ ਪਹਿਲਾਂ ਉਸਦਾ ਡਾਕਟਰੀ ਚੈਕਅਪ ਕੀਤਾ ਗਿਆ ਸੀ। ਦੱਸ ਦੇਈਏ ਕਿ ਕਰਨਾਟਕ ਹਾਈ ਕੋਰਟ ਦੇ ਆਦੇਸ਼ ਤੋਂ ਬਾਅਦ ਗੈਂਗਸਟਰ ਰਵੀ ਪੁਜਾਰੀ ਦੀ ਹਿਰਾਸਤ ਮੁੰਬਈ ਪੁਲਿਸ ਨੂੰ ਦਿੱਤੀ ਗਈ ਹੈ।

ਦੱਸਣਯੋਗ ਹੈ ਕਿ ਗੈਂਗਸਟਰ ਰਵੀ ਪੁਜਾਰੀ ਦੇ ਖਿਲਾਫ ਮਹਾਰਾਸ਼ਟਰ ਵਿਚ 49 ਕੇਸ ਦਰਜ ਹਨ। ਪਿਛਲੇ 15 ਸਾਲ ਤੋਂ ਫਰਾਰ ਗੈਂਗਸਟਰ ਰਵੀ ਪੁਜਾਰੀ ਨੂੰ ਪਿਛਲੇ ਸਾਲ ਫਰਵਰੀ 'ਚ ਪੱਛਮੀ ਅਫਰੀਕਾ ਦੇ ਸੇਨੇਗਲ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ। ਰਵੀ ਪੁਜਾਰੀ ਖ਼ਿਲਾਫ਼ ਮਹਾਰਾਸ਼ਟਰ, ਗੁਜਰਾਤ ਅਤੇ ਕਰਨਾਟਕ ਵਿੱਚ ਕਤਲ, ਪੈਸੇ ਚੁਕਾਉਣ ਸਮੇਤ ਕਈ ਕੇਸ ਦਰਜ ਹਨ। ਸਾਲ 2000 ਵਿਚ,  ਗੈਂਗਸਟਰ ਰਵੀ ਪੁਜਾਰੀ ਭਰਤ ਨੇਪਾਲੀ, ਹੇਮੰਤ ਪੁਜਾਰੀ, ਵਿਜੇ ਸ਼ੈੱਟੀ ਨੂੰ ਆਪਣੀ ਗਿਰੋਹ ਵਿਚ ਸ਼ਾਮਲ ਕੀਤਾ ਸੀ।