Radhika Merchant and Anant Ambani's pre-wedding festivities

Anant Ambani wedding: ਰਿਲਾਇੰਸ ਗਰੁੱਪ ਦੇ ਚੇਅਰਮੈਨ ਅਤੇ ਸੀਐਮਡੀ ਮੁਕੇਸ਼ ਅੰਬਾਨੀ ਦੇ ਛੋਟੇ ਬੇਟੇ ਅਨੰਤ ਅੰਬਾਨੀ ਅਪਣੀ ਮੰਗੇਤਰ ਰਾਧਿਕਾ ਮਰਚੈਂਟ ਨਾਲ ਵਿਆਹ ਦੇ ਬੰਧਨ ਵਿਚ ਬੱਝਣ ਲਈ ਤਿਆਰ ਹਨ। ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦਾ ਆਯੋਜਨ 1 ਤੋਂ 3 ਮਾਰਚ ਤਕ ਕੀਤਾ ਗਿਆ ਹੈ। ਪ੍ਰੀ-ਵੈਡਿੰਗ ਲਈ 9 ਪੰਨਿਆਂ ਦੀ ਇਵੈਂਟ ਗਾਈਡ ਵੀ ਤਿਆਰ ਕੀਤੀ ਗਈ ਹੈ।

ਇਸ ਵਿਚ ਮਹਿਮਾਨਾਂ ਲਈ ਰਾਤ ਦੀ ਥੀਮ, ਡਰੈੱਸ ਕੋਡ ਅਤੇ ਯਾਤਰਾ ਯੋਜਨਾ ਬਾਰੇ ਦਸਿਆ ਗਿਆ ਹੈ। ਦੱਸ ਦੇਈਏ ਕਿ ਸਾਰੇ ਮਹਿਮਾਨ 1 ਮਾਰਚ ਨੂੰ ਸਵੇਰੇ 8 ਵਜੇ ਤੋਂ ਦੁਪਹਿਰ 1 ਵਜੇ ਦੇ ਵਿਚਕਾਰ ਮੁੰਬਈ ਜਾਂ ਦਿੱਲੀ ਤੋਂ ਚਾਰਟਰਡ ਫਲਾਈਟ ਰਾਹੀਂ ਜਾਮਨਗਰ ਲਈ ਉਡਾਣ ਭਰਨਗੇ। ਮਹਿਮਾਨਾਂ ਲਈ ਹੇਅਰ ਸਟਾਈਲਿਸਟ, ਮੇਕਅੱਪ ਆਰਟਿਸਟ ਅਤੇ ਡਰੈੱਸ ਡਿਜ਼ਾਈਨਰ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ।

ਕਿਹੜੇ ਮਹਿਮਾਨ ਹੋ ਸਕਦੇ ਹਨ ਸ਼ਾਮਲ

ਇਸ ਫੰਕਸ਼ਨ ਵਿਚ ਮੇਟਾ ਦੇ ਸੀਈਓ ਮਾਰਕ ਜ਼ੁਕਰਬਰਗ, ਮੋਰਗਨ ਸਟੈਨਲੇ ਦੇ ਸੀਈਓ ਟੇਡ ਪਿਕ, ਮਾਈਕ੍ਰੋਸਾਫਟ ਦੇ ਸੰਸਥਾਪਕ ਬਿਲ ਗੇਟਸ, ਡਿਜ਼ਨੀ ਦੇ ਸੀਈਓ ਬੌਬ ਇਗਰ, ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਧੀ ਇਵਾਂਕਾ ਟਰੰਪ, ਬਲੈਕਰੌਕ ਦੇ ਸੀਈਓ ਲੈਰੀ ਫਿੰਕ, ਐਡਨੋਕ ਦੇ ਸੀਈਓ ਸੁਲਤਾਨ ਅਹਿਮਦ ਅਲ ਜਾਬਰ ਸ਼ਾਮਲ ਹੋ ਸਕਦੇ ਹਨ।

ਖ਼ਬਰਾਂ ਅਨੁਸਾਰ ਇਨ੍ਹਾਂ ਤੋਂ ਇਲਾਵਾ ਅੰਬਾਨੀ ਪਰਵਾਰ ਦੇ ਸਮਾਗਮ 'ਚ ਈਐੱਲ ਰੋਥਸਚਾਈਲਡ ਦੇ ਚੇਅਰਮੈਨ ਲਿਨ ਫੋਰੈਸਟਰ ਡੀ ਰੋਥਚਾਈਲਡ, ਅਡੋਬ ਦੇ ਸੀਈਓ ਸ਼ਾਂਤਨੂ ਨਾਰਾਇਣ, ਟੈਕ ਇਨਵੈਸਟਰ ਯੂਰੀ ਮਿਲਨਰ ਅਤੇ ਭੂਟਾਨ ਦੇ ਰਾਜਾ ਅਤੇ ਮਹਾਰਾਣੀ ਨੂੰ ਵੀ ਸੱਦਾ ਦਿਤਾ ਗਿਆ ਹੈ।

ਕਾਰੋਬਾਰੀ ਅਤੇ ਸਿਆਸੀ ਆਗੂਆਂ ਦੇ ਨਾਲ-ਨਾਲ ਖੇਡਾਂ, ਬਾਲੀਵੁੱਡ, ਵਿਗਿਆਨ, ਪੱਤਰਕਾਰੀ ਅਤੇ ਸਮਾਜ ਸੇਵਾ ਨਾਲ ਜੁੜੇ ਪ੍ਰਮੁੱਖ ਵਿਅਕਤੀਆਂ ਨੂੰ ਵੀ ਸੱਦਾ ਦਿਤਾ ਗਿਆ ਹੈ। ਬਾਲੀਵੁੱਡ ਸਿਤਾਰੇ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਵੀ ਜਾਮਨਗਰ 'ਚ ਪ੍ਰੀ-ਵੈਡਿੰਗ ਸਮਾਰੋਹ 'ਚ ਪਰਫਾਰਮ ਕਰਨ ਜਾ ਰਹੇ ਹਨ।

ਪ੍ਰੀ-ਵੈਡਿੰਗ ਫੰਕਸ਼ਨ ਵਿਚ ਮਹਿਮਾਨਾਂ ਨੂੰ ਗੁਜਰਾਤ ਦੇ ਕੱਛ ਅਤੇ ਲਾਲਪੁਰ ਦੀਆਂ ਮਹਿਲਾ ਕਾਰੀਗਰਾਂ ਦੁਆਰਾ ਬਣਾਏ ਰਵਾਇਤੀ ਸਕਾਰਫ਼ ਦਿਤੇ ਜਾਣਗੇ। ਸੂਤਰਾਂ ਮੁਤਾਬਕ ਪ੍ਰੀ-ਵੈਡਿੰਗ ਸੈਲੀਬ੍ਰੇਸ਼ਨ 'ਚ ਕਰੀਬ 1000 ਮਹਿਮਾਨ ਸ਼ਾਮਲ ਹੋਣਗੇ।

(For more Punjabi news apart from Radhika Merchant and Anant Ambani's pre-wedding festivities, stay tuned to Rozana Spokesman)