ਮੁਸਲਮਾਨ ਡਰਾਈਵਰ ਹੋਣ ਕਾਰਨ ਕੈਂਸਲ ਕਰ ਦਿਤੀ ਕੈਬ

Cancelled Ola cab as driver a Muslim

ਨਵੀਂ ਦਿੱਲੀ : ਹਾਲ ਹੀ ਵਿਚ ਇਕ ਨੌਜਵਾਨ ਨੇ ਓਲਾ ਕੈਬ ਦੀ ਬੁਕਿੰਗ ਨੂੰ ਸਿਰਫ਼ ਇਸ ਲਈ ਕੈਂਸਲ ਕਰ ਦਿਤਾ ਕਿਉਂਕਿ ਉਸ ਓਲਾ ਕੈਬ ਦਾ ਡਰਾਈਵਰ ਮੁਸਲਮਾਨ ਸੀ। ਉਹ ਇਥੇ ਹੀ ਨਹੀਂ ਰੁਕਿਆ ਉਸ ਨੇ ਇਸ ਘਟਨਾ ਨੂੰ ਪੋਸਟ ਵੀ ਕਰ ਦਿਤਾ, ਫਿਰ ਟਵਿਟਰ 'ਤੇ ਤਾਂ ਇਸ ਮੁੱਦੇ 'ਤੇ ਬਹਿਸ ਹੀ ਛਿੜ ਗਈ। ਦਰਅਸਲ ਮੁਸਲਮਾਨ ਡਰਾਈਵਰ ਹੋਣ ਦੀ ਵਜ੍ਹਾ ਨਾਲ ਕੈਬ ਨੂੰ ਕੈਂਸਲ ਕਰਨ ਵਾਲੇ ਸ਼ਖ਼ਸ ਦਾ ਨਾਮ ਹੈ ਅਭਿਸ਼ੇਕ ਮਿਸ਼ਰਾ। ਅਭਿਸ਼ੇਕ ਮਿਸ਼ਰਾ ਖ਼ੁਦ ਨੂੰ ਵਿਸ਼ਵ ਹਿੰਦੂ ਪ੍ਰੀਸ਼ਦ ਨਾਲ ਜੁੜਿਆ ਹੋਇਆ ਦਸਦੇ ਹਨ। ਉਨ੍ਹਾਂ ਦੇ ਟਵਿਟਰ 'ਤੇ ਕਰੀਬ 14 ਹਜ਼ਾਰ ਫ਼ਾਲੋਅਰ ਹਨ, ਜਿਨ੍ਹਾਂ ਵਿਚ ਰੱਖਿਆ ਮੰਤਰੀ ਨਿਰਮਲਾ ਸੀਤਾਰਮਣ, ਧਰਮਿੰਦਰ ਪ੍ਰਧਾਨ ਅਤੇ ਸਭਿਆਚਾਰ ਮੰਤਰੀ ਮਹੇਸ਼ ਸ਼ਰਮਾ ਵਰਗੇ ਕਈ ਵੱਡੇ ਨਾਮ ਵੀ ਸ਼ਾਮਲ ਹਨ।