Delhi News : ਵੋਟਰਾਂ ਨੂੰ ਵੱਡੀ ਰਾਹਤ, ਪੋਲਿੰਗ ਸਟੇਸ਼ਨਾਂ ’ਤੇ ਮੋਬਾਈਲ ਫੋਨ ਜਮ੍ਹਾਂ ਕਰਵਾਉਣ ਦੀ ਸਹੂਲਤ ਦੇਵੇਗਾ ਚੋਣ ਕਮਿਸ਼ਨ

Delhi News in Punjabi : ਵੋਟਰਾਂ ਨੂੰ ਵੱਡੀ ਰਾਹਤ ਦਿੰਦੇ ਹੋਏ ਚੋਣ ਕਮਿਸ਼ਨ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਉਹ ਪੋਲਿੰਗ ਸਟੇਸ਼ਨਾਂ ’ਤੇ ਮੋਬਾਈਲ ਫੋਨ ਜਮ੍ਹਾ ਕਾਊਂਟਰ ਸਥਾਪਤ ਕਰੇਗਾ। ਪਹਿਲਾਂ ਵੋਟ ਪਾਉਣ ਜਾਣ ਵਾਲੇ ਕਈ ਵੋਟਰ ਅਪਣੇ ਫੋਨ ਵੋਟਿੰਗ ਕੇਂਦਰਾਂ ਤੋਂ ਬਾਹਰ ਰਖਣੇ ਪੈਂਦੇ ਸਨ, ਕਿਉਂਕਿ ਇਸ ਨੂੰ ਜਮ੍ਹਾਂ ਕਰਵਾਉਣ ਦੀ ਸਹੂਲਤ ਨਹੀਂ ਹੁੰਦੀ ਸੀ। 

ਚੋਣ ਕਮਿਸ਼ਨ ਨੇ ਚੋਣਾਂ ਦੇ ਦਿਨ ਪ੍ਰਬੰਧਨ ਨੂੰ ਤਰਕਸੰਗਤ ਬਣਾਉਣ ਲਈ ਪਾਰਟੀਆਂ ਅਤੇ ਉਮੀਦਵਾਰਾਂ ਨੂੰ ਪੋਲਿੰਗ ਸਟੇਸ਼ਨ ਦੇ ਦਰਵਾਜ਼ੇ ਤੋਂ 100 ਮੀਟਰ ਦੀ ਦੂਰੀ ’ਤੇ ਅਣਅਧਿਕਾਰਤ ਵੋਟਰ ਪਛਾਣ ਪਰਚੀਆਂ ਵੰਡਣ ਲਈ ਬੂਥ ਸਥਾਪਤ ਕਰਨ ਦੀ ਇਜਾਜ਼ਤ ਦੇਣ ਦਾ ਵੀ ਫੈਸਲਾ ਕੀਤਾ ਹੈ। ਹੁਣ ਤਕ ਇਹ ਹੱਦ ਪੋਲਿੰਗ ਸਥਾਨ ਤੋਂ 200 ਮੀਟਰ ਦੀ ਦੂਰੀ ’ਤੇ ਸੀ। ਇਹ ਦੋਵੇਂ ਪ੍ਰਮੁੱਖ ਸੁਧਾਰ ਪਹਿਲਾਂ ਬਿਹਾਰ ’ਚ ਲਾਗੂ ਕੀਤੇ ਜਾਣਗੇ, ਜਿੱਥੇ ਇਸ ਸਾਲ ਦੇ ਅਖੀਰ ’ਚ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ।

(For more news apart from  Big relief for voters, Election Commission will provide facility to deposit mobile phones at polling stations News in Punjabi, stay tuned to Rozana Spokesman)