Gangrape Two Minor Siblings

ਬਿਹਾਰ- ਬਿਹਾਰ ਦੇ ਸੀਤਾਗੜੀ ਵਿਚ ਸੋਨਬਰਸਾ ਦੇ ਕਨਹੋਲੀ ਥਾਣਾ ਖੇਤਰ ਦੇ ਇਕ ਪਿੰਡ ਵਿਚ ਨਾਬਾਲਗ ਸਕੀਆਂ ਭੈਣਾਂ ਦੇ ਨਾਲ ਸੱਤ ਨੌਜਵਾਨਾਂ ਨੇ ਗੈਂਗਰੇਪ ਕੀਤਾ। ਦੋਨਾਂ ਪੀੜਤਾਂ ਦੇ ਬਿਆਨ ਤੇ ਮਹਿਲਾ ਥਾਣਾ ਵਿਚ ਐਫਆਈਆਰ ਦਰਜ ਕੀਤੀ ਗਈ। ਇਹਨਾਂ ਵਿਚੋਂ ਸੱਤ ਨਾਮਜ਼ਦ ਅਤੇ ਇਕ ਅਣਪਛਾਤੇ ਵਿਅਕਤੀ ਤੇ ਦੋਸ਼ ਲਗਾਇਆ ਗਿਆ ਹੈ। ਸ਼ੁੱਕਰਵਾਰ ਨੂੰ ਦੋਨਾਂ ਭੈਣਾਂ ਦੀ ਸਦਰ ਹਸਪਤਾਲ ਵਿਚ ਮੈਡੀਕਲ ਜਾਂਚ ਕਰਵਾਈ ਗਈ। ਪੁਲਿਸ ਨੇ ਸਾਰੇ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਕ ਪੀੜਤ ਨੇ ਦੱਸਿਆ ਕਿ 19 ਜੂਨ ਦੀ ਰਾਤ ਨੂੰ ਕਰੀਬ ਸਾਢੇ ਅੱਠ ਵਜੇ ਰੋਟੀ ਖਾਣ ਤੋਂ ਬਾਅਦ ਛੋਟੀ ਭੈਣ ਦਰਵਾਜੇ ਕੋਲ ਟਹਿਲ ਰਹੀ ਸੀ।

ਇਸ ਵਿਚਕਾਰ ਗੁਆਂਢੀਆਂ ਦੀ ਇਕ ਔਰਤ ਨੇ ਆਪਣੇ ਕੋਲ ਬੁਲਾਇਆ ਅਤੇ ਕੋਲ ਟਹਿਲਣ ਲਈ ਕਿਹਾ ਤਾਂ ਅਸੀਂ ਤਿੰਨੋਂ ਸੜਕ ਤੇ ਟਹਿਲਣ ਗਈਆਂ। ਉਸ ਨੇ ਕਿਹਾ ਕਿ ਘਰ ਤੋਂ ਥੋੜ੍ਹੀ ਦੂਰ ਇਕ ਟਾਰਚ ਦੀ ਰੌਸ਼ਨੀ ਦਿਖਾਈ ਦਿੱਤੀ ਜਿਸ ਤੇ ਅਸੀਂ ਦੋਨਾਂ ਨੇ ਵਾਪਸ ਮੁੜਨ ਦਾ ਮਨ ਬਣਾਇਆ। ਇਸ ਤੋਂ ਬਾਅਦ ਨਾਲ ਗਈ ਮਹਿਲਾ ਸਾਨੂੰ ਛੱਡ ਕੇ ਦੌੜ ਗਈ ਅਤੇ ਜਦੋਂ ਤੱਕ ਅਸੀਂ ਕੁੱਝ ਕਰਦੀਆਂ ਉਹਨਾਂ ਦੋਸ਼ੀਆਂ ਨੇ ਸਾਨੂੰ ਫੜ ਲਿਆ ਸੀ।

ਦੋਨਾਂ ਭੈਣਾਂ ਨੇ ਦੱਸਿਆਂ ਕਿ ਉਹਨਾਂ ਨੇ ਪਿਸਤੌਲ ਦਿਖਾ ਕੇ ਸਾਨੂੰ ਮਾਰਨ ਦੀ ਧਮਕੀ ਦਿੱਤੀ ਅਤੇ ਸਾਨੂੰ ਕਿਸੇ ਸੁੰਨਸਾਨ ਜਗ੍ਹਾਂ ਤੇ ਲੈ ਕੇ ਜਿੱਥੇ ਉਹਨਾਂ ਸਾਰਿਆਂ ਨੇ ਮਿਲ ਕੇ ਇਹ ਘਟਨਾ ਕੀਤੀ। ਉਹਨਾਂ ਦੱਸਿਆ ਕਿ ਦੋਸ਼ੀਆਂ ਨੇ ਉਹਨਾਂ ਨੂੰ ਕਿਸੇ ਨੂੰ ਵੀ ਇਹ ਜਾਣਕਾਰੀ ਦੇਣ ਤੇ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ। ਸੀਤਾਮੜੀ ਦੇ ਐਸਪੀ ਅਨਿਲ ਕੁਮਾਰ ਨੇ ਦੱਸਿਆ ਕਿ ਦੋਨਾਂ ਪੀੜਤਾਂ ਦੀ ਮੈਡੀਕਲ ਜਾਂਚ ਕਰਵਾਈ ਗਈ ਹੈ। ਪੀੜਤਾਂ ਦੇ ਬਿਆਨ ਤੇ ਐਫਆਈਆਰ ਦਰਜ ਕਰ ਲਈ ਗਈ ਹੈ। ਪੁਲਿਸ ਨੇ ਸਾਰੇ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।