Malappuram (Kerala) : ਤਕਨੀਕੀ ਖ਼ਰਾਬੀ ਕਾਰਨ ਏਅਰ ਇੰਡੀਆ ਐਕਸਪ੍ਰੈਸ ਦੀ ਦੋਹਾ ਜਾਣ ਵਾਲੀ ਉਡਾਣ ਕਾਲੀਕਟ ਪਰਤੀ

ਤਕਨੀਕੀ ਖ਼ਰਾਬੀ ਕਾਰਨ ਏਅਰ ਇੰਡੀਆ ਐਕਸਪ੍ਰੈਸ ਦੀ ਦੋਹਾ ਜਾਣ ਵਾਲੀ ਉਡਾਣ ਕਾਲੀਕਟ ਪਰਤੀ

Malappuram (Kerala) News in Punjabi :  ਦੋਹਾ ਜਾ ਰਹੀ ਏਅਰ ਇੰਡੀਆ ਐਕਸਪ੍ਰੈਸ ਦੀ ਇਕ ਉਡਾਣ ਤਕਨੀਕੀ ਖਰਾਬੀ ਕਾਰਨ ਬੁਧਵਾਰ ਨੂੰ ਉਡਾਣ ਭਰਨ ਦੇ ਦੋ ਘੰਟੇ ਬਾਅਦ ਕਾਲੀਕਟ ਕੌਮਾਂਤਰੀ ਹਵਾਈ ਅੱਡੇ ਉਤੇ ਵਾਪਸ ਆ ਗਈ। ਅਧਿਕਾਰੀਆਂ ਨੇ ਕਿਹਾ ਕਿ ਬਾਅਦ ਵਿਚ ਫਸੇ ਮੁਸਾਫ਼ਰਾਂ ਲਈ ਇਕ ਬਦਲਵੀਂ ਉਡਾਣ ਦਾ ਪ੍ਰਬੰਧ ਕੀਤਾ ਗਿਆ ਸੀ। 

ਹਵਾਈ ਅੱਡੇ ਦੇ ਇਕ ਅਧਿਕਾਰੀ ਨੇ ਦਸਿਆ ਕਿ ਚਾਲਕ ਦਲ ਸਮੇਤ 188 ਲੋਕਾਂ ਨੂੰ ਲੈ ਕੇ ਉਡਾਣ ਨੰਬਰ ਐਕਸ.ਆਈ.375 ਨੇ ਕਾਲੀਕਟ ਤੋਂ ਸਵੇਰੇ ਕਰੀਬ 9:07 ਵਜੇ ਉਡਾਣ ਭਰੀ ਸੀ ਪਰ ਵਾਪਸ ਮੁੜ ਗਈ ਅਤੇ ਸਵੇਰੇ 11:12 ਵਜੇ ਸੁਰੱਖਿਅਤ ਉਤਰ ਗਈ। ਉਨ੍ਹਾਂ ਕਿਹਾ ਕਿ ਜਹਾਜ਼ ਦੇ ਕੈਬਿਨ ਏ.ਸੀ. ’ਚ ਕੁੱਝ ਤਕਨੀਕੀ ਖਰਾਬੀ ਸੀ। ਅਧਿਕਾਰੀ ਨੇ ਕਿਹਾ ਕਿ ਇਹ ਐਮਰਜੈਂਸੀ ਲੈਂਡਿੰਗ ਨਹੀਂ ਸੀ। ਦੋਹਾ ਲਈ ਬਦਲਵੀਂ ਉਡਾਣ ਦੁਪਹਿਰ 2:16 ਵਜੇ ਮੁਸਾਫ਼ਰਾਂ ਨੂੰ ਲੈ ਕੇ ਰਵਾਨਾ ਹੋਈ।

ਏਅਰਲਾਈਨ ਨੇ ਇਕ ਬਿਆਨ ’ਚ ਕਿਹਾ, ‘‘ਸਾਨੂੰ ਖੇਚਲ ਉਤੇ ਅਫਸੋਸ ਹੈ ਅਤੇ ਅਸੀਂ ਦੁਹਰਾਉਂਦੇ ਹਾਂ ਕਿ ਸਾਡੇ ਸੰਚਾਲਨ ਦੇ ਹਰ ਪਹਿਲੂ ’ਚ ਸੁਰੱਖਿਆ ਸਾਡੀ ਪਹਿਲੀ ਤਰਜੀਹ ਹੈ।’’ 

(For more news apart from Air India Express flight to Doha returns Calicut due to technical snag News in Punjabi, stay tuned to Rozana Spokesman)