Lucknow Accident News: ਲਖਨਊ 'ਚ ਦੋ ਟਰੱਕਾਂ ਵਿਚਾਲੇ ਕੁਚਲੀ ਗਈ ਵੈਨ, ਮਾਂ-ਪੁੱਤ ਸਮੇਤ 4 ਲੋਕਾਂ ਦੀ ਮੌਤ
Lucknow Accident News: ਦਰਵਾਜ਼ੇ ਕੱਟ ਕੇ ਬਾਹਰ ਕੱਢੀਆਂ ਮਾਂ-ਪੁੱਤ ਦੀਆਂ ਲਾਸ਼ਾਂ
Lucknow Accident News in punjabi : ਲਖਨਊ 'ਚ ਵੀਰਵਾਰ ਰਾਤ ਨੂੰ ਹੋਏ ਸੜਕ ਹਾਦਸੇ 'ਚ ਚਾਰ ਲੋਕਾਂ ਦੀ ਮੌਤ ਹੋ ਗਈ। ਜਦਕਿ 9 ਜ਼ਖ਼ਮੀ ਹਨ। ਹਾਦਸਾ ਅਨਵਰਗੰਜ ਨੇੜੇ ਕਿਸਾਨ ਮਾਰਗ 'ਤੇ ਵਾਪਰਿਆ। ਰਾਤ ਕਰੀਬ 10 ਵਜੇ ਚਾਰ ਵਾਹਨ ਆਪਸ ਵਿੱਚ ਟਕਰਾ ਗਏ। ਦੋ ਟਰੱਕਾਂ ਵਿਚਕਾਰ ਫਸੀ ਹੋਈ ਵੈਨ ਦੇ ਟੋਟੇ-ਟੋਟੇ ਹੋ ਗਏ। ਜਿਸ 'ਚ ਵੈਨ 'ਚ ਸਵਾਰ 3 ਅਤੇ ਇਨੋਵਾ 'ਚ ਸਵਾਰ 1 ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਹਾਦਸੇ ਵਿੱਚ ਇਨੋਵਾ ਅਤੇ ਵੈਨ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ। ਵਾਹਨਾਂ ਵਿੱਚ ਸਫ਼ਰ ਕਰ ਰਹੇ ਲੋਕ ਫਸ ਗਏ। ਪੁਲਿਸ ਨੇ ਰਾਹਗੀਰਾਂ ਦੀ ਮਦਦ ਨਾਲ ਦੋਵਾਂ ਵਾਹਨਾਂ ਦੀਆਂ ਬਾਰੀਆਂ ਕੱਟ ਕੇ ਲੋਕਾਂ ਨੂੰ ਬਾਹਰ ਕੱਢਿਆ। ਪੁਲਿਸ 13 ਲੋਕਾਂ ਨੂੰ ਰਾਮ ਮਨੋਹਰ ਲੋਹੀਆ ਹਸਪਤਾਲ ਲੈ ਗਈ। ਜਿੱਥੇ ਡਾਕਟਰਾਂ ਨੇ 4 ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਇਨੋਵਾ ਚਾਲਕ ਮੁਹੰਮਦ ਆਰਿਫ ਖਾਨ ਨੇ ਦੱਸਿਆ, ਇਨੋਵਾ ਕਿਸਾਨ ਮਾਰਗ 'ਤੇ ਜਾ ਰਹੀ ਸੀ। ਮੈਂ ਕਾਰ ਰੋਕਣ ਲਈ ਸਪੀਡ ਘਟਾ ਦਿੱਤੀ। ਉਦੋਂ ਪਿੱਛੇ ਤੋਂ ਆ ਰਹੇ ਟਰੱਕ ਨੇ ਉਸ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ। ਇਸ ਕਾਰਨ ਇਨੋਵਾ ਡਿਵਾਈਡਰ 'ਤੇ ਚੜ੍ਹ ਕੇ ਪਲਟ ਗਈ। ਹਾਦਸੇ ਵਿੱਚ ਸਾਡੇ ਨਾਲ ਸਫ਼ਰ ਕਰ ਰਹੇ ਸਾਰੇ ਲੋਕ ਜ਼ਖ਼ਮੀ ਹੋ ਗਏ। ਜਦਕਿ ਸ਼ਹਿਜ਼ਾਦ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਇਸ ਦੌਰਾਨ ਪਿੱਛੇ ਆ ਰਹੀ ਵੈਨ ਗੱਡੀ ਟਰੱਕ ਨਾਲ ਟਕਰਾ ਗਈ। ਪਿੱਛੇ ਆ ਰਹੇ ਟਰੱਕ ਨੇ ਉਸ ਨੂੰ ਬੁਰੀ ਤਰ੍ਹਾਂ ਟੱਕਰ ਮਾਰ ਦਿੱਤੀ। ਇਸ ਕਾਰਨ ਵੈਨ ਦੇ ਪਰਖੱਚੇ ਉੱਡ ਗਏ। ਕਾਰ ਪੂਰੀ ਤਰ੍ਹਾਂ ਤਬਾਹ ਹੋ ਗਈ। ਲੋਕ ਵੈਨ ਵਿੱਚ ਫਸੇ ਰਹੇ। ਰਾਹਗੀਰਾਂ ਤੋਂ ਸੂਚਨਾ ਮਿਲਣ 'ਤੇ ਮੌਕੇ 'ਤੇ ਪਹੁੰਚੀ ਪੁਲਿਸ ਨੇ ਤੁਰੰਤ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤਾ। ਗੈਸ ਕਟਰਾਂ ਨਾਲ ਵਾਹਨਾਂ ਦੇ ਦਰਵਾਜ਼ੇ ਕੱਟ ਕੇ ਲੋਕਾਂ ਨੂੰ ਬਾਹਰ ਕੱਢਿਆ ਗਿਆ।
ਚਿਨਹਾਟ ਦੇ ਖੰਦਕ ਪਿੰਡ ਦਾ ਸ਼ੁਭਮ (20) ਆਪਣੀ ਮਾਂ ਕਿਰਨ ਯਾਦਵ (45) ਨੂੰ ਡਾਕਟਰ ਕੋਲ ਲੈ ਕੇ ਜੱਗੌਰ ਤੋਂ ਵਾਪਸ ਆ ਰਿਹਾ ਸੀ। ਉਸ ਦੇ ਨਾਲ ਗੁਆਂਢੀ ਹਿਮਾਂਸ਼ੂ ਉਰਫ ਬੰਟੀ (17) ਅਤੇ ਸ਼ੋਭਿਤ ਉਰਫ ਲਾਲੇ (22) ਵੀ ਸਨ। ਹਾਦਸੇ 'ਚ ਮਾਂ, ਪੁੱਤਰ ਅਤੇ ਗੁਆਂਢੀ ਹਿਮਾਂਸ਼ੂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਜਦਕਿ ਸ਼ੋਭਿਤ ਜ਼ਖ਼ਮੀ ਹੈ।