Lok Sabha Election 2024: ਕਾਂਗਰਸ ਨੇ 5ਵੀਂ ਸੂਚੀ ਕੀਤੀ ਜਾਰੀ, ਰਾਜਸਥਾਨ ਤੋਂ ਦੋ ਤੇ ਮਹਾਰਾਸ਼ਟਰ ਤੋਂ 1 ਉਮੀਦਵਾਰ ਦਾ ਐਲਾਨ 

Congress released the 5th list For Lok Sabha Election

Lok Sabha Election 2024: ਨਵੀਂ ਦਿੱਲੀ - ਕਾਂਗਰਸ ਨੇ ਐਤਵਾਰ (24 ਮਾਰਚ) ਨੂੰ ਅਪਣੀ 5ਵੀਂ ਲਿਸਟ ਜਾਰੀ ਕੀਤੀ ਹੈ। ਇਸ ਲਿਸਟ ਵਿਚ ਤਿੰਨ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਗਿਆ ਹੈ। ਰਾਜਸਥਾਨ ਤੋਂ ਦੋ ਅਤੇ ਮਹਾਰਾਸ਼ਟਰ ਤੋਂ ਇੱਕ ਉਮੀਦਵਾਰ ਦਾ ਐਲਾਨ ਕੀਤਾ ਗਿਆ ਹੈ। ਰਾਜਸਥਾਨ ਦੇ ਜੈਪੁਰ ਤੋਂ ਪ੍ਰਤਾਪ ਸਿੰਘ ਖਚਰੀਆਵਾਸ ਨੂੰ ਟਿਕਟ ਦਿੱਤੀ ਗਈ ਹੈ। ਸੁਨੀਲ ਸ਼ਰਮਾ ਨੂੰ ਜੈਪੁਰ ਤੋਂ ਪਹਿਲਾਂ ਟਿਕਟ ਦਿੱਤੀ ਗਈ ਸੀ। ਇਸ ਦੌਰਾਨ ਦੌਸਾ ਤੋਂ ਵਿਧਾਇਕ ਮੁਰਾਰੀ ਲਾਲ ਮੀਨਾ ਨੂੰ ਉਮੀਦਵਾਰ ਬਣਾਇਆ ਗਿਆ ਹੈ।

ਮਹਾਰਾਸ਼ਟਰ ਦੀ ਚੰਦਰਪੁਰ ਸੀਟ ਤੋਂ ਕਾਂਗਰਸ ਨੇ ਪ੍ਰਤਿਭਾ ਧਨੋਰਕਰ ਨੂੰ ਟਿਕਟ ਦਿੱਤੀ ਹੈ। ਪ੍ਰਤਿਭਾ ਦੇ ਪਤੀ ਸੁਰੇਸ਼ ਧਨੋਰਕਰ ਨੇ 2019 ਦੀਆਂ ਲੋਕ ਸਭਾ ਚੋਣਾਂ ਵਿਚ ਚੰਦਰਪੁਰ ਸੀਟ ਤੋਂ ਜਿੱਤ ਹਾਸਲ ਕੀਤੀ ਸੀ। ਸੁਰੇਸ਼ ਦੀ ਪਿਛਲੇ ਸਾਲ ਮਈ ਵਿਚ ਮੌਤ ਹੋ ਗਈ ਸੀ। ਕਾਂਗਰਸ ਨੇ 23 ਮਾਰਚ ਨੂੰ 45 ਨਾਵਾਂ ਦਾ ਐਲਾਨ ਕੀਤਾ ਸੀ। ਕਾਂਗਰਸ ਨੇ ਹੁਣ ਤੱਕ 186 ਉਮੀਦਵਾਰਾਂ ਦਾ ਐਲਾਨ ਕੀਤਾ ਹੈ।

ਕਾਂਗਰਸ ਨੇ ਸ਼ਨੀਵਾਰ (23 ਮਾਰਚ) ਨੂੰ ਲੋਕ ਸਭਾ ਚੋਣਾਂ ਲਈ ਚੌਥੀ ਸੂਚੀ ਜਾਰੀ ਕੀਤੀ। ਇਸ ਵਿਚ 11 ਰਾਜਾਂ ਅਤੇ 2 ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ 45 ਨਾਮ ਸ਼ਾਮਲ ਹਨ। ਨਾਗੌਰ ਇਸ ਸੂਚੀ ਵਿੱਚ ਰਾਜਸਥਾਨ ਦੀਆਂ ਤਿੰਨ ਸੀਟਾਂ ਵਿੱਚੋਂ ਇੱਕ ਹੈ। ਕਾਂਗਰਸ ਨੇ ਇਸ ਨੂੰ ਆਪਣੇ ਸਹਿਯੋਗੀ ਆਰਐਲਪੀ 'ਤੇ ਛੱਡ ਦਿੱਤਾ ਹੈ।