ਮੱਧ ਪ੍ਰਦੇਸ਼ : ਅੰਬੇਦਕਰ ਦੀ ਮੂਰਤੀ ਨੁਕਸਾਨੀ

Damage Statue of Ambedkar

ਸ਼ਾਜਾਪੁਰ (ਮੱਧ ਪ੍ਰਦੇਸ਼) : ਜ਼ਿਲ੍ਹਾ ਹੈੱਡਕੁਆਰਟਰ ਦੇ ਲਗਭਗ 28 ਕਿਲੋਮੀਟਰ ਦੂਰ ਕਾਲੀਸਿੰਧ ਪਿੰਡ 'ਚ ਬੀਤੀ ਰਾਤ ਅਣਪਛਾਤੇ ਲੋਕਾਂ ਨੇ ਡਾ. ਭੀਮਰਾਉ ਅੰਬੇਦਕਰ ਦੀ ਮੂਰਤੀ ਨੂੰ ਦੀ ਤੋੜਭੰਨ ਕੀਤੀ। ਇਸ ਘਟਨਾ ਮਗਰੋਂ ਦਲਿਤਾਂ 'ਚ ਗੁੱਸਾ ਫੈਲ ਗਿਆ। ਕਾਲੀਸਿੰਧ 'ਚ ਪਿੰਡ ਬਾਹਰ ਡਾ. ਅੰਬੇਦਕਰ ਦੀ ਮੂਰਤੀ ਸਥਾਪਤ ਹੈ। ਕਲ ਰਾਤ ਅਣਪਛਾਤੇ ਲੋਕਾਂ ਨੇ ਮੂਰਤੀ ਦੇ ਹੱਥ ਅਤੇ ਚਸ਼ਮੇ ਨੂੰ ਤੋੜ ਦਿਤਾ। ਘਟਨਾ ਦਾ ਪਤਾ ਲੱਗਣ ਮਗਰੋਂ ਵੱਡੀ ਗਿਣਤੀ 'ਚ ਲੋਕ ਇੱਥੇ ਇਕੱਠੇ ਹੋ ਗਏ। ਸੁਰੱਖਿਆ ਦੇ ਲਿਹਾਜ਼ ਨਾਲ ਕਾਲੀਸਿੰਧ 'ਚ ਪੁਲਿਸ ਤੈਨਾਤ ਕੀਤੀ ਗਈ ਹੈ।  (ਪੀਟੀਆਈ)