ਪੁੱਤ ਦੀ ਪੜ੍ਹਾਈ ਲਈ ਪਿਓ ਨੇ ਵੇਚੀ ਜ਼ਮੀਨ, ਪੁੱਤ ਨੇ IPS ਬਣ ਕੇ ਪੂਰਾ ਕੀਤਾ ਸੁਪਨਾ
ਪੁੱਤ ਦੀ ਪੜ੍ਹਾਈ ਲਈ ਕਿਡਨੀ ਵੇਚਣ ਨੂੰ ਵੀ ਤਿਆਰ ਸੀ ਗਰੀਬ ਪਿਓ
ਨਵੀਂ ਦਿੱਲੀ: ਮਾਪੇ ਆਪਣੇ ਬੱਚਿਆਂ ਦੇ ਸੁਪਨੇ ਪੂਰੇ ਕਰਨ ਲਈ ਆਪਣਾ ਆਪ ਵੀ ਕੁਰਬਾਨ ਕਰ ਦਿੰਦੇ ਹਨ। ਕਿਉਂਕਿ ਮਾਪੇ ਆਪਣੇ ਬੱਚਿਆਂ ਨੂੰ ਦੁਖੀ ਨਹੀਂ ਵੇਖ ਸਕਦੇ। ਅਜਿਹੇ ਹੀ ਪਿਓ ਦੀ ਕਹਾਣੀ ਝਾਰਖੰਡ ਤੋਂ ਸੁਣਨ ਨੂੰ ਮਿਲੀ। ਜਿਥੇ ਪਿਓ (Land sold by father for son's education) ਨੇ ਪੁੱਤ ਦੀ ਪੜ੍ਹਾਈ ਲਈ ਜ਼ਮੀਨ ਵੇਚ ਦਿੱਤੀ ਤੇ ਆਪਣਾ ਗੁਰਦਾ ਵੇਚਣ ਲਈ ਤਿਆਰ ਸੀ। ਬਦਲੇ ਵਿੱਚ ਪੁੱਤ ਨੇ ਵੀ ਆਈਪੀਐਸ ਅਫਸਰ ਬਣ ਕੇ ਆਪਣੇ ਪਿਓ ਦੀ ਕੁਰਬਾਨੀ ਦਾ ਮੁੱਲ ਮੋੜਿਆ। ਆਈਪੀਐਸ ਇੰਦਰਜੀਤ ਮਹਾਥਾ ਦਾ ਜਨਮ ਝਾਰਖੰਡ ਦੇ ਬੋਕਾਰੋ ਜ਼ਿਲ੍ਹੇ ਦੇ ਇੱਕ ਛੋਟੇ ਜਿਹੇ ਪਿੰਡ ਵਿੱਚ ਇੱਕ ਬਹੁਤ ਹੀ ਗਰੀਬ ਪਰਿਵਾਰ ਵਿੱਚ ਹੋਇਆ ਸੀ।
ਜਦੋਂ ਇੰਦਰਜੀਤ ਪੰਜਵੀਂ ਜਮਾਤ ਵਿੱਚ ਸੀ, ਉਸਨੇ ਇੱਕ ਅਫਸਰ ਬਣਨ ਦੇ ਸੁਪਨੇ ਨੂੰ ਆਪਣੀਆਂ ਅੱਖਾਂ ਵਿੱਚ ਸਜਾਇਆ। ਇੰਦਰਜੀਤ ਦਾ ਕਹਿਣਾ ਹੈ ਕਿ ਉਸਨੇ ਇੱਕ ਅਧਿਕਾਰੀ ਬਣਨ ਦਾ ਫੈਸਲਾ ਉਦੋਂ ਲਿਆ ਜਦੋਂ ਉਸਦੇ ਇੱਕ ਅਧਿਆਪਕ ਨੇ ਪੰਜਵੀਂ ਜਮਾਤ ਵਿੱਚ ਜ਼ਿਲ੍ਹਾ ਪ੍ਰਸ਼ਾਸਨ ਬਾਰੇ ਇੱਕ ਅਧਿਆਇ ਪੜ੍ਹਾਇਆ।
ਜਾਣਕਾਰੀ ਅਨੁਸਾਰ ਇੰਦਰਜੀਤ ਦੇ ਪਿਤਾ ਇੱਕ ਗਰੀਬ ਕਿਸਾਨ (Land sold by father for son's education) ਸਨ ਅਤੇ ਕਿਸੇ ਤਰ੍ਹਾਂ ਦੋ ਵੇਲੇ ਦੀ ਰੋਟੀ ਦਾ ਪ੍ਰਬੰਧ ਭਰੀ ਮੁਸ਼ਕਿਲ ਨਾਲ ਕਰਦੇ। ਜਿਸ ਘਰ ਵਿੱਚ ਇੰਦਰਜੀਤ ਰਹਿੰਦਾ ਸੀ, ਉਹ ਵੀ ਕੱਚਾ ਸੀ।
ਇਸ ਦੇ ਨਾਲ ਹੀ ਘਰ ਦੀਆਂ ਕੰਧਾਂ ਵੀ ਟੁੱਟਣੀਆਂ ਸ਼ੁਰੂ ਹੋ ਗਈਆਂ ਸਨ, ਘਰ ਦੀ ਹਾਲਤ ਦੇਖ ਕੇ ਉਸਦੀ ਮਾਂ ਨਾਨਕੇ ਘਰ ਵਿੱਚ ਰਹਿਣ ਲੱਗੀ। ਪਰ ਪੜ੍ਹਾਈ ਦੇ ਕਾਰਨ, ਇੰਦਰਜੀਤ ਨੇ ਘਰ ਨਹੀਂ ਛੱਡਿਆ ਅਤੇ ਉਸੇ ਘਰ ਵਿੱਚ ਰਿਹਾ। ਕਿਸੇ ਤਰ੍ਹਾਂ ਇੰਦਰਜੀਤ ਨੇ ਆਪਣੀ ਪੜ੍ਹਾਈ ਜਾਰੀ ਰੱਖੀ। ਪੈਸੇ ਨਾ ਹੋਣ ਕਾਰਨ ਇੰਦਰਜੀਤ ਨਵੀਆਂ ਕਿਤਾਬਾਂ ਨਹੀਂ ਖਰੀਦ ਸਕਿਆ। ਇਸ ਲਈ ਉਹ ਕਬਾੜੀਏ ਦੀ ਦੁਕਾਨ ਤੋਂ ਕਿਤਾਬਾਂ ਪੜ੍ਹਨ (Land sold by father for son's education) ਲਈ ਲਿਆਉਂਦਾ ਸੀ। ਉਸਦੀ ਪੜ੍ਹਾਈ ਸਿਰਫ ਪੁਰਾਣੀਆਂ ਕਿਤਾਬਾਂ ਤੇ ਨਿਰਭਰ ਸੀ।
ਇੰਦਰਜੀਤ ਨੂੰ ਦਿੱਲੀ ਤੋਂ ਗ੍ਰੈਜੂਏਸ਼ਨ ਕਰਵਾਉਣ ਲਈ, ਉਸਦੇ ਪਿਤਾ ਨੇ ਆਪਣੀ ਜ਼ਮੀਨ ਵੀ ਵੇਚ ਦਿੱਤੀ ਸੀ ਇੰਦਰਜੀਤ ਜਦੋਂ ਆਪਣੀ ਪਹਿਲੀ ਕੋਸ਼ਿਸ਼ ਵਿੱਚ ਅਸਫਲ ਰਿਹਾ ਤਾਂ ਵੀ ਉਸਦੇ ਪਿਤਾ ਨੇ ਉਸਨੂੰ ਉਤਸ਼ਾਹਤ ਕੀਤਾ। ਉਸਦੇ ਪਿਤਾ ਕਹਿੰਦੇ ਸਨ ਕਿ ਜੇ ਖੇਤ ਵਿਕ ਗਿਆ ਤਾਂ ਕੀ ਹੋਇਆ। ਤੈਨੂੰ ਪੜ੍ਹਾਉਣ ਲਈ ਮੈਂ ਆਪਣੀ ਕਿਡਨੀ ਵੀ ਵੇਚ ਦੇਵਾਂਗਾ। ਪੈਸੇ ਦੀ ਬਿਲਕੁਲ ਵੀ ਚਿੰਤਾ ਨੀ ਕਰਨੀ। ਪਿਤਾ ਦੀ ਕੁਰਬਾਨੀ ਅਤੇ ਇੰਦਰਜੀਤ ਦੀ ਸਖਤ ਮਿਹਨਤ ਨੇ ਉਸਦੇ ਸੁਪਨਿਆਂ ਨੂੰ ਹਕੀਕਤ ਵਿੱਚ ਬਦਲ ਦਿੱਤਾ ਅਤੇ ਉਸਨੇ ਆਪਣੀ ਦੂਜੀ ਕੋਸ਼ਿਸ਼ ਵਿੱਚ ਯੂ.ਪੀ.ਐਸ.ਸੀ. ਪਾਸ ਕੀਤ। (Land sold by father for son's education) ਇੰਨਾ ਹੀ ਨਹੀਂ, ਇੰਦਰਜੀਤ ਆਪਣੇ ਪੂਰੇ ਖੇਤਰ ਵਿੱਚ ਯੂਪੀਐਸਸੀ ਨੂੰ ਪਾਸ ਕਰਨ ਵਾਲਾ ਪਹਿਲਾ ਵਿਅਕਤੀ ਬਣ ਗਿਆ।