ਰੈਸਟੋਰੈਂਟ ਨੇ ਨਹੀਂ ਦਿੱਤੀ ਸਾੜੀ ਪਾ ਕੇ ਪਹੁੰਚੀ ਮਹਿਲਾ ਨੂੰ ਐਂਟਰੀ, ਮਹਿਲਾ ਕਮਿਸ਼ਨ ਨੇ ਲਿਆ ਐਕਸ਼ਨ
ਮਹਿਲਾ ਅਨੀਤਾ ਨੇ ਹੋਟਲ ਕਰਮਚਾਰੀ ਨਾਲ ਬਹਿਸ ਦਾ ਵੀਡੀਓ ਵੀ ਸਾਂਝਾ ਕੀਤਾ ਹੈ, ਜਿਸ ਤੋਂ ਬਾਅਦ ਇਸ ਮੁੱਦੇ ਨੇ ਜ਼ੋਰ ਫੜ ਲਿਆ ਹੈ।
ਨਵੀਂ ਦਿੱਲੀ - ਦਿੱਲੀ ਦੇ ਅੰਸਲ ਪਲਾਜ਼ਾ ਸਥਿਤ AQUILA ਰੈਸਟੋਰੈਂਟ 'ਤੇ ਕਥਿਤ ਤੌਰ' ਤੇ ਇਕ ਔਰਤ ਨੂੰ ਇਸ ਲਈ ਰੋਕਿਆ ਗਿਆ ਕਿਉਂਕਿ ਉਹ ਸਾੜ੍ਹੀ ਪਾ ਕੇ ਰੈਸਟੋਰੈਂਟ ਵਿਚ ਆਈ ਸੀ। ਜਦੋਂ ਪੀੜਤ ਅਨੀਤਾ ਚੌਧਰੀ ਨੇ ਸਟਾਫ ਨੂੰ ਪੁੱਛਿਆ ਕਿ ਕੀ ਸਾੜੀ ਪਹਿਨ ਕੇ ਆਉਣ ਦੀ ਇਜਾਜ਼ਤ ਨਹੀਂ ਸੀ? ਇਸ ਦੇ ਲਈ ਕਰਮਚਾਰੀ ਨੇ ਜਵਾਬ ਦਿੱਤਾ ਕਿ ਸਾੜ੍ਹੀਆਂ ਨੂੰ ਸਮਾਰਟ ਕੈਜੁਅਲਸ ਵਿਚ ਨਹੀਂ ਗਿਣਿਆ ਜਾਂਦਾ ਅਤੇ ਇੱਥੇ ਸਿਰਫ ਸਮਾਰਟ ਕੈਜੁਅਲਸ ਦੀ ਆਗਿਆ ਹੈ।
ਮਹਿਲਾ ਅਨੀਤਾ ਨੇ ਹੋਟਲ ਕਰਮਚਾਰੀ ਨਾਲ ਬਹਿਸ ਦਾ ਵੀਡੀਓ ਵੀ ਸਾਂਝਾ ਕੀਤਾ ਹੈ, ਜਿਸ ਤੋਂ ਬਾਅਦ ਇਸ ਮੁੱਦੇ ਨੇ ਜ਼ੋਰ ਫੜ ਲਿਆ ਹੈ।
ਰਾਸ਼ਟਰੀ ਮਹਿਲਾ ਕਮਿਸ਼ਨ ਨੇ ਇਸ 'ਤੇ ਨੋਟਿਸ ਲੈਂਦਿਆਂ ਖ਼ੁਦ ਦਿੱਲੀ ਪੁਲਿਸ ਨੂੰ ਪੱਤਰ ਲਿਖਿਆ ਹੈ। ਕਮਿਸ਼ਨ ਦੀ ਚੇਅਰਪਰਸਨ ਰੇਖਾ ਸ਼ਰਮਾ ਨੇ ਕਿਹਾ ਹੈ ਕਿ ਜੇਕਰ ਔਰਤ ਦੇ ਇਲਜ਼ਾਮ ਸਹੀ ਹਨ ਤਾਂ ਰੈਸਟੋਰੈਂਟ ਦੇ ਖਿਲਾਫ਼ ਕਾਰਵਾਈ ਹੋਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ, ਰੈਸਟੋਰੈਂਟ ਦੇ ਮਾਰਕੀਟਿੰਗ ਅਤੇ ਪੀਆਰ ਡਾਇਰੈਕਟਰ ਨੂੰ ਵੀ 28 ਸਤੰਬਰ ਨੂੰ ਕਮਿਸ਼ਨ ਦੇ ਸਾਹਮਣੇ ਪੇਸ਼ ਹੋਣ ਲਈ ਕਿਹਾ ਗਿਆ ਹੈ।
ਇਸ ਘਟਨਾ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਘਟਨਾ ਦਾ ਵੀਡੀਓ ਸਾਂਝਾ ਕਰਦੇ ਹੋਏ ਲੇਖਿਕਾ ਸ਼ੇਫਾਲੀ ਵੈਦਿਆ ਨੇ ਕਿਹਾ ਹੈ - ਇਸ ਔਰਤ ਨੂੰ ਸਾੜ੍ਹੀ ਪਹਿਨਣ ਦੇ ਕਾਰਨ ਰੈਸਟੋਰੈਂਟ ਵਿਚ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਸੀ, ਕਿਉਂਕਿ ਹੋਸਟੈਸ ਦੇ ਅਨੁਸਾਰ, ਸਾੜੀ ਸਮਾਰਟ ਕੈਜੁਅਲ ਨਹੀਂ ਹੈ। ਇਹ ਸਭ ਤੋਂ ਅਜੀਬ ਚੀਜ਼ ਹੈ ਜੋ ਮੈਂ ਸੁਣਿਆ ਹੈ!
ਦੱਸ ਦਈਏ ਕਿ ਰੈਸਟੋਰੈਂਟ ਨੇ ਔਰਤ ਨਾਲ ਬਦਸਲੂਕੀ ਦੇ ਦੋਸ਼ਾਂ ਬਾਰੇ ਸੋਸ਼ਲ ਮੀਡੀਆ ਰਾਹੀਂ ਸਪੱਸ਼ਟੀਕਰਨ ਦਿੱਤਾ ਹੈ। ਰੈਸਟੋਰੈਂਟ ਵੱਲੋਂ ਜਾਰੀ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਅਸੀਂ ਵਿਚਾਰ ਕਰ ਰਹੇ ਸੀ ਕਿ ਮਹਿਲਾ ਨੂੰ ਕਿ ਮਹਿਲਾ ਨੂੰ ਕਿੱਥੇ ਬਿਠਾਇਆ ਜਾਵੇ ਇਸੇ ਵਿਚਕਾਰ ਉਹ ਅੰਦਰ ਆਈ ਤੇ ਉਸ ਨੇ ਸਟਾਫ ਨੂੰ ਗਾਲਾ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ ਤੇ ਲੜਨ ਲੱਗੀ। ਇਸ ਤੋਂ ਬਾਅਦ ਔਰਤ ਨੇ ਸਾਡੇ ਮੈਨੇਡਰ ਨੂੰ ਥੱਪੜ ਵੀ ਮਾਰਿਆ ਜਿਸ ਦੀ ਸੀਸੀਟੀਵੀ ਫੁਟੇਜ ਵੀ ਅਸੀਂ ਦੇਖ ਰਹੇ ਹਾਂ।