ਭਾਰਤ-ਪਾਕਿ ਸਰਹੱਦ: ਬੀ.ਐੱਸ.ਐੱਫ ਨੇ ਪਿੰਡ ਮੇਤਲਾ ਚੌਕੀ 'ਤੇ ਡਰੋਨ ਦੀ ਆਵਾਜ਼ ਸੁਣ ਕੇ ਕੀਤੇ ਫਾਇਰ
ਤਲਾਸ਼ੀ ਮੁਹਿੰਮ ਜਾ ਰਹੀ ਹੈ ਚਲਾਈ
Drone at village metla
ਨਵੀਂ ਦਿੱਲੀ: ਸ਼ੁੱਕਰਵਾਰ ਸਵੇਰੇ, ਬੀਐਸਐਫ ਨੇ ਡੇਰਾ ਬਾਬਾ ਨਾਨਕ ਦੀ ਭਾਰਤ-ਪਾਕਿ ਸਰਹੱਦ ਨਾਲ ਲੱਗਦੇ ਇੱਕ ਪਿੰਡ ਮੇਤਲਾ ਨੇੜੇ ਡਰੋਨ ਦੀ ਆਵਾਜ਼ ਸੁਣਦਿਆਂ ਹੀ ਫਾਇਰਿੰਗ ਕੀਤੀ। ਗੋਲੀਬਾਰੀ ਤੋਂ ਬਾਅਦ ਡਰੋਨ ਵਾਪਸ ਪਰਤਿਆ।
ਇਸ ਤੋਂ ਬਾਅਦ ਬੀਐਸਐਫ ਅਤੇ ਪੁਲਿਸ ਵੱਲੋਂ ਸਾਂਝੇ ਤਲਾਸ਼ੀ ਮੁਹਿੰਮ ਚਲਾਈ ਗਈ। ਸ਼ੁੱਕਰਵਾਰ ਸਵੇਰੇ 5:40 ਵਜੇ 89 ਬਟਾਲੀਅਨ ਬੀਐਸਐਫ ਦੇ ਜਵਾਨਾਂ ਨੇ ਡਰੋਨ ਵਰਗੀ ਚੀਜ਼ ਦੀ ਆਵਾਜ਼ ਸੁਣਦਿਆਂ ਹੀ ਬੀਓਪੀ ਮੇਤਲਾ ‘ਤੇ ਫਾਇਰਿੰਗ ਕੀਤੀ। ਫਾਇਰਿੰਗ ਤੋਂ ਬਾਅਦ ਡਰੋਨ ਵਰਗੀ ਚੀਜ਼ ਵਾਪਸ ਪਾਕਿਸਤਾਨ ਚਲੀ ਗਈ।
ਇਸ ਤੋਂ ਬਾਅਦ ਅੱਧੇ ਕਿਲੋਮੀਟਰ ਦੇ ਖੇਤਰ ਵਿਚ ਤਲਾਸ਼ੀ ਮੁਹਿੰਮ ਚਲਾਈ ਗਈ। ਉਥੇ ਬੀਐਸਐਫ ਦੇ 120 ਅਤੇ ਇਸ ਦੇ 40 ਜਵਾਨ ਉੱਚ ਅਧਿਕਾਰੀ ਸਮੇਤ ਸਰਚ ਅਭਿਆਨ ਵਿੱਚ ਸ਼ਾਮਲ ਹੋਏ। ਫਿਲਹਾਲ ਸਰਚ ਮੁਹਿੰਮ 'ਚ ਕੁਝ ਵੀ ਨਹੀਂ ਮਿਲਿਆ ਹੈ, ਪਰ ਪਿਛਲੇ ਕੁਝ ਦਿਨਾਂ ਤੋਂ ਡਰੋਨ ਦੀ ਹਰਕਤ ਜ਼ਿਆਦਾ ਵੇਖੀ ਜਾ ਰਹੀ ਹੈ, ਜਿਸ ਕਾਰਨ ਕਈ ਏਜੰਸੀਆਂ ਚੌਕਸ ਹੋ ਰਹੀਆਂ ਹਨ।