ਸ਼ਰਮਨਾਕ! ਤਿੰਨ ਬੋਰੀਆਂ 'ਚ ਲਪੇਟ ਕੇ ਸੁੱਟੀ ਨਵਜਾਤ, ਘੰਟਿਆਂ ਬਾਅਦ ਵੀ ਨਿਕਲੀ ਜਿਊਂਦੀ
ਬੱਚੀ ਨੂੰ ਇਲਾਜ ਲਈ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ ਹੈ ਤੇ ਜਾਂਚ ਸ਼ੁਰੂ ਹੋ ਗਈ ਹੈ।
ਮੇਰਠ - ਉੱਤਰ ਪ੍ਰਦੇਸ਼ ਦੇ ਮੇਰਠ 'ਚ ਦਿਲ ਦਹਿਲਾਉਣ ਵਾਲੀ ਘਟਨਾ ਸਾਹਮਣੇ ਆਈ ਹੈ ਦਰਅਸਲ ਇੱਥੇ ਇਕ ਲਾਵਾਰਸ ਬੱਚੀ ਮਿਲੀ ਹੈ। ਨਵਜਾਤ ਬੱਚੀ ਸੀਮੈਂਟ ਦੀਆਂ ਤਿੰਨ ਖਾਲੀ ਬੋਰੀਆਂ ਦੇ ਅੰਦਰ ਕੰਬਲ ਵਿਚ ਲਪੇਟ ਕੇ ਸੁੱਟੀ ਗਈ ਸੀ। ਝਾੜੀਆਂ ਵਿਚੋਂ ਬੱਚੀ ਦੀ ਰੋਣ ਦੀ ਆਵਾਜ਼ ਸੁਣ ਕੇ ਸਥਾਨਕ ਲੋਕਾਂ ਨੇ ਨਵਜਾਤ ਬੱਚੀ ਨੂੰ ਬੋਰੀਆਂ 'ਚੋ ਬਾਹਰ ਕੱਢਿਆ।
ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਕੰਬਲ ਅਤੇ ਤਿੰਨ ਬੋਰੀਆਂ ਅੰਦਰ ਲਿਪਟੇ ਰਹਿਣ ਦੇ ਬਾਵਜੂਦ ਨਵਜਾਤ ਜਿਊਂਦੀ ਸੀ। ਉਸ ਨੂੰ ਇਲਾਜ ਲਈ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਹੈ। ਸੋਮਵਾਰ ਦੇਰ ਰਾਤ ਲੋਕਾਂ ਨੂੰ ਝਾੜੀਆਂ ਤੋਂ ਕਿਸੇ ਬੱਚੇ ਦੇ ਰੋਣ ਦੀ ਆਵਾਜ਼ ਸੁਣਾਈ ਦਿੱਤੀ ਸੀ। ਕੁਝ ਦੇਰ ਬਾਅਦ ਉੱਥੇ ਲੋਕਾਂ ਦੀ ਭੀੜ ਜਮ੍ਹਾ ਹੋ ਗਈ ਤੇ ਝਾੜੀਆਂ ਵਿਚ ਪਈ ਇਕ ਬੋਰੀ ਵਿਚ ਨਵਜਾਤ ਬੱਚੀ ਨੂੰ ਲੋਕਾਂ ਨੇ ਬਾਹਰ ਕੱਢਿਆ।
ਲੋਕਾਂ ਨੇ ਇਹ ਸਾਰੀ ਘਟਨਾ ਪੁਲਿਸ ਨੂੰ ਦੱਸੀ। ਨਵਜਾਤ ਨੂੰ ਹਸਪਤਾਲ ਲਿਜਾਇਆ ਗਿਆ। ਡਾਕਟਰਾਂ ਨੇ ਦੱਸਿਆ ਕਿ ਨਵਜਾਤ ਪ੍ਰੀ-ਮੈਚਿਓਰ ਹੈ। ਉਸ ਦੀ ਗਰਭਨਾਲ ਵੀ ਨਹੀਂ ਕੱਟੀ ਗਈ ਸੀ। ਨਵਜਾਤ ਨੂੰ ਦੇਖ ਕੇ ਸਾਫ਼ ਪਤਾ ਲੱਗਾ ਰਿਹਾ ਸੀ ਕਿ ਉਸ ਦਾ ਜਨਮ ਕੁਝ ਹੀ ਦੇਰ ਪਹਿਲਾਂ ਹੋਇਆ ਸੀ। ਪੁਲਿਸ ਨੇ ਇਲਾਕੇ ਦੇ ਸੀ.ਸੀ.ਟੀ.ਵੀ. ਫੁਟੇਜ ਦੇਖ ਣੇ ਸ਼ੁਰੂ ਕਰ ਦਿੱਤੇ ਹਨ ਤਾਂ ਕਿ ਪਤਾ ਲੱਗ ਸਕੇ ਕਿ ਬੱਚੀ ਨੂੰ ਝਾੜੀਆਂ 'ਚ ਕੌਣ ਸੁੱਟ ਕੇ ਗਿਆ ਸੀ।