IT-BPM Industry to Hire 3.75 Lakh Employees in Next Financial Year

ਨਵੀਂ ਦਿੱਲੀ: 'ਟੀਮਲੀਜ਼ ਡਿਜੀਟਲ ਰੁਜ਼ਗਾਰ ਆਉਟਲੁੱਕ' ਰਿਪੋਰਟ ਅਨੁਸਾਰ ਮਾਰਚ 2022 ਤੱਕ IT-BPM ਵਿਚ ਕਰਮਚਾਰੀਆਂ ਦੀ ਗਿਣਤੀ 44.7 ਲੱਖ ਤੋਂ ਵੱਧ ਕੇ 48.5 ਲੱਖ ਹੋ ਜਾਵੇਗੀ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਆਈਟੀ-ਬੀਪੀਐਮ ਸੈਕਟਰ ਵਿਚ ਵੱਧ ਰਹੇ ਨਿਵੇਸ਼ ਅਤੇ ਦੇਸ਼ ਵਿਚ ਉਦਯੋਗਾਂ ਦੁਆਰਾ ਤਕਨਾਲੋਜੀ ਨੂੰ ਤੇਜ਼ੀ ਨਾਲ ਅਪਣਾਉਣ ਨਾਲ ਉਦਯੋਗ ਭਰਤੀ ਦੇ ਮਾਮਲੇ ਸਕਾਰਾਤਮਕ ਰਾਹ 'ਤੇ ਹੈ।

ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਮਾਰਚ 2022 ਤੱਕ ਆਈਟੀ ਸੈਕਟਰ ਵਿੱਚ ਠੇਕਾ ਕਰਮਚਾਰੀਆਂ ਦੀ ਗਿਣਤੀ 1.48 ਲੱਖ ਤੱਕ ਪਹੁੰਚਣ ਦੀ ਉਮੀਦ ਹੈ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਆਈਟੀ-ਬੀਪੀਐਮ ਖੇਤਰ ਵਿੱਚ ਇਸ ਸਮੇਂ ਡਿਜੀਟਲ ਸਕਿਲ ਦੀ ਬਹੁਤ ਜ਼ਿਆਦਾ ਮੰਗ ਹੈ ਅਤੇ ਉਦਯੋਗ ਵਿੱਚ ਡਿਜੀਟਲ ਹੁਨਰ ਨਾਲ ਟੈਲੇਂਟ ਨੂੰ ਬਿਹਤਰੀਨ ਮੌਕੇ ਦਿੱਤੇ ਜਾ ਰਹੇ ਹਨ। ਡਿਜੀਟਲ ਹੁਨਰ ਦੀ ਗੱਲ ਕਰੀਏ ਤਾਂ ਇਸ ਸਮੇਂ 13 ਸਕਿੱਲ ਸੈੱਟਾਂ ਦੀ ਭਾਰੀ ਮੰਗ ਹੈ।

ਵਿੱਤੀ ਸਾਲ 21 ਵਿੱਚ ਡਿਜੀਟਲ ਹੁਨਰ ਦੇ ਨਾਲ ਟੈਲੇਂਟ ਦੀ ਮੰਗ 7.5% ਵਧਣ ਦੀ ਉਮੀਦ ਹੈ। ਇਹੀ ਰੁਝਾਨ ਠੇਕਾ ਮੁਲਾਜ਼ਮਾਂ ਦੀ ਥਾਂ ’ਤੇ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਰਿਪੋਰਟ ਵਿੱਚ ਅੰਦਾਜ਼ਾ ਲਗਾਇਆ ਗਿਆ ਹੈ ਕਿ ਕੰਟਰੈਕਟ ਸਟਾਫਿੰਗ ਦੇ ਮਾਮਲੇ ਵਿੱਚ ਡਿਜ਼ੀਟਲ ਸਕੇਲ ਵਾਲੇ ਟੈਲੇਂਟ ਦੀ ਮੰਗ 50% ਤੱਕ ਵਧ ਸਕਦੀ ਹੈ, ਜੋ ਕਿ ਪਿਛਲੇ ਸਾਲ ਨਾਲੋਂ 19% ਵੱਧ ਹੈ।