ਭਾਰਤੀ ਮੂਲ ਦੇ ਅਮਰੀਕੀ ਡਾਕਟਰ ਨੇ ਦਿੱਤੀ ਚੇਤਾਵਨੀ,ਕਿਹਾ ਲਗਾਤਾਰ ਰੂਪ ਬਦਲ ਰਿਹਾ 'ਕੋਰੋਨਾ ਵਾਇਰਸ

ਨਵੀਂ ਦਿੱਲੀ: ਭਾਰਤੀ-ਅਮਰੀਕੀ ਫਿਜੀਸ਼ੀਅਨ ਡਾਕਟਰ ਵਿਵੇਕ ਮੂਰਤੀ ਨੇ ਐਤਵਾਰ ਨੂੰ ਸਾਰਿਆਂ ਨੂੰ ਕੋਵਿਡ -19 ਬਾਰੇ ਚੇਤਾਵਨੀ ਦਿੱਤੀ। ਡਾ. ਮੂਰਤੀ ਨੂੰ ਯੂਐਸ ਦੇ ਰਾਸ਼ਟਰਪਤੀ ਜੋ ਬਿਡੇਨ ਨੇ ਦੇਸ਼ ਦਾ ਸਰਜਨ ਜਰਨਲ ਚੁਣਿਆ ਹੈ। ਮੂਰਤੀ ਨੇ ਕਿਹਾ ਕਿ ਮਾਰੂ ਕੋਵਿਡ -19 ਨਿਰੰਤਰ ਆਪਣਾ ਰੂਪ ਬਦਲ ਰਿਹਾ ਹੈ ਅਤੇ ਦੇਸ਼ ਨੂੰ ਇਸ ਦੇ ਲਈ ਤਿਆਰ ਰਹਿਣਾ ਪਏਗਾ।

43 ਸਾਲਾ ਮੂਰਤੀ ਨੇ ਬਿਡੇਨ ਪ੍ਰਸ਼ਾਸਨ ਦੀ ਕੋਵਿਡ -19 ਨੀਤੀ ਵਿੱਚ ਮੁੱਖ ਭੂਮਿਕਾ ਨਿਭਾਈ, ਨੇ ਸੰਕਟ ਨਾਲ ਨਜਿੱਠਣ ਲਈ ਜੀਨ-ਅਧਾਰਤ ਵਧੀਆ ਨਿਗਰਾਨੀ ਅਤੇ ਸੰਪਰਕ ਟਰੇਸਿੰਗ ਵਿੱਚ ਵਧੇਰੇ ਨਿਵੇਸ਼ ਕਰਨ ਦੀ ਅਪੀਲ ਕੀਤੀ।

ਉਹਨਾਂ ਨੇ ਕਿਹਾ, ਵਾਇਰਸ ਸਾਨੂੰ ਦੱਸ ਰਿਹਾ ਹੈ ਕਿ ਇਹ ਨਿਰੰਤਰ ਰੂਪ ਨਾਲ ਬਦਲ ਰਿਹਾ ਹੈ ਅਤੇ ਸਾਨੂੰ ਇਸਦੇ ਲਈ ਤਿਆਰ ਰਹਿਣਾ ਪਏਗਾ। ਇਸਦਾ ਮਤਲਬ ਹੈ ਕਿ ਸਾਨੂੰ ਪਹਿਲੇ ਨੰਬਰ ਤੇ ਹੋਣਾ ਹੈ। ਜੀਨ ਅਧਾਰਤ ਬਹੁਤ ਬਿਹਤਰ ਨਿਗਰਾਨੀ ਅਪਣਾਉਣੀ ਪਵੇਗੀ, ਤਾਂ ਜੋ ਅਸੀਂ ਨਵੇਂ ਸੰਸਕਰਣ ਆਉਣ ਦੇ ਨਾਲ ਹੀ ਵਾਇਰਸਾਂ ਦੀ ਪਛਾਣ ਕਰ ਸਕੀਏ।