ਐੱਨਡੀਏ ਦੇ ਨਾਲ ਹੁਣ ਕੇਂਦਰ 'ਚ ਨਵੀਂ ਪਾਰੀ ਦੀ ਤਿਆਰੀ 'ਚ ਨੀਤਿਸ਼ !

ਬਿਹਾਰ ਦੇ ਮੁੱਖ ਮੰਤਰੀ ਨੀਤਿਸ਼ ਕੁਮਾਰ ਨੇ ਜੁਲਾਈ ਮਹੀਨੇ ਦੇ ਅੰਤ 'ਚ ਮਹਾਂਗਠਬੰਧਨ ਤੋਂ ਵੱਖ ਹੋ ਕੇ ਭਾਜਪਾ ਦੇ ਨਾਲ ਦੁਬਾਰਾ ਤੋਂ ਮਿਲ ਕੇ ਨਵੀਂ ਸਰਕਾਰ  ਦੇ ਗਠਨ ਦਾ ਫੈਸਲਾ ਲਿਆ ਸੀ। ਆਰਜੇਡੀ ਸੁਪਰੀਮੋ ਲਾਲੂ ਪ੍ਰਸਾਦ ਯਾਦਵ ਦੇ ਨਾਲ ਦੋ ਸਾਲ ਤੋਂ ਵੀ ਘੱਟ ਦੀ ਦੋਸਤੀ ਨੂੰ ਤੋੜ ਦੇ ਹੋਏ ਨੀਤਿਸ਼ ਕੁਮਾਰ ਦੁਆਰਾ ਭਾਜਪਾ ਦੇ ਨਾਲ ਮਿਲ ਕੇ ਨਵੀਂ ਸਰਕਾਰ ਬਣਾਉਣ ਦਾ ਫੈਸਲਾ ਸਾਰਿਆਂ ਲਈ ਚਰਚਾ ਦਾ ਵਿਸ਼ਾ ਬਣ ਗਿਆ।

ਨੀਤਿਸ਼ ਕੁਮਾਰ ਦੇ ਇਸ ਫੈਸਲੇ 'ਤੇ ਆਰਜੇਡੀ ਖੇਮਾ ਦੇ ਨਾਲ ਹੀ ਜੇਡੀਯੂ ਦੇ ਕੁਝ ਪ੍ਰਮੁੱਖ ਨੇਤਾਵਾਂ ਨੇ ਇਤਰਾਜ਼ ਜਤਾਉਂਦੇ ਹੋਏ ਆਪਣਾ ਵਿਰੋਧ ਦਰਜ ਕਰਾਇਆ। ਇਸ ਕੜੀ 'ਚ ਜੇਡੀਯੂ ਦੇ ਸਾਬਕਾ ਰਾਸ਼ਟਰੀ ਪ੍ਰਧਾਨ ਸ਼ਰਦ ਯਾਦਵ ਅਤੇ ਰਾਜ ਸਭਾ ਮੈਂਬਰ ਅਲੀ ਅਨਵਰ ਨੀਤਿਸ਼ ਕੁਮਾਰ ਦੇ ਇਸ ਫੈਸਲੇ 'ਤੇ ਨਰਾਜਗੀ ਜਾਹਿਰ ਕਰਨ ਵਾਲੇ ਪਾਰਟੀ ਦੇ ਪ੍ਰਮੁੱਖ ਨੇਤਾਵਾਂ 'ਚ ਸ਼ਾਮਿਲ ਸਨ।

ਬਗਾਵਤੀ ਤੇਵਰ ਦੇ ਮੱਦੇਨਜਰ ਅਲੀ ਅਨਵਰ ਦੇ ਬਾਅਦ ਸ਼ਰਦ ਯਾਦਵ 'ਤੇ ਜੇਡੀਯੂ ਨੇ ਕਾਰਵਾਈ ਸ਼ੁਰੂ ਕਰਦੇ ਹੋਏ ਉਨ੍ਹਾਂ ਨੂੰ ਰਾਜ ਸਭਾ 'ਚ ਪਾਰਟੀ  ਦੇ ਨੇਤਾ ਪਦ ਤੋਂ ਹਟਾ ਦਿੱਤਾ ਹੈ। ਹੁਣ ਚਰਚਾ ਹੈ ਕਿ ਨੀਤਿਸ਼ ਕੁਮਾਰ ਐੱਨਡੀਏ ਦੇ ਨਾਲ ਕੇਂਦਰ 'ਚ ਨਵੀਂ ਪਾਰੀ ਖੇਡਣ ਦੀ ਤਿਆਰੀ 'ਚ ਜੁਟੇ ਹੋਏ ਹਨ।