104 ਸਾਲਾ ਦੇ ਬਾਪੂ ਨੇ ਕੋਰੋਨਾ ਨੂੰ ਦਿੱਤੀ ਮਾਤ, ਕਿਹਾ- ਡਰੋ ਨਾ, ਲੜੋ

Birdi Chand Gothi

ਨਵੀਂ ਦਿੱਲੀ: ਕੋਰੋਨਾ ਨੂੰ ਲੈ ਕੇ ਦੇਸ਼ ਵਿਚ ਹਹੰਕਾਰ ਮਚਿਆ ਹੋਇਆ ਹੈ। ਮਰੀਜ਼ਾਂ ਨੂੰ ਹਸਪਤਾਲਾਂ ਵਿੱਚ ਜਗ੍ਹਾ ਨਹੀਂ ਲੱਭ ਰਹੀ ਹਸਪਤਾਲਾਂ ਵਿਚ ਆਕਸੀਜਨ ਦੀ ਘਾਟ ਹੈ। ਅਜਿਹੀ ਸਥਿਤੀ ਵਿਚ ਰਾਹਤ ਦੀ ਖ਼ਬਰ ਆਈ, ਜਿਸ ਨੂੰ ਦੇਖ ਕੇ ਲੋਕਾਂ ਦਾ ਹੌਸਲਾ ਜ਼ਰੂਰ  ਵਧੇਗਾ।

ਦਰਅਸਲ, ਮੱਧ ਪ੍ਰਦੇਸ਼ ਦੇ ਬੈਤੂਲ ਵਿੱਚ, ਇੱਕ 104 ਸਾਲਾ ਬਜ਼ੁਰਗ ਨੇ ਕੋਰੋਨਾ ਨੂੰ ਮਾਤ ਦਿੱਤੀ ਅਤੇ ਹੁਣ ਤੰਦਰੁਸਤ ਹੈ। ਬੈਤੂਲ ਦੇ ਸੁਤੰਤਰਤਾ ਸੈਨਾਨੀ ਬਿਰਦੀ ਚੰਦ ਗੋਠੀ ਕੋਰੋਨਾ ਨੂੰ ਹਰਾ ਕੇ ਸੁਰੱਖਿਅਤ ਘਰ ਪਰਤੇ ਹਨ।

 ਬਿਰਦੀ ਚੰਦ ਗੋਠੀ ਨੇ ਜਿਸ ਤਰ੍ਹਾਂ ਦੇਸ਼ ਨੂੰ ਆਜ਼ਾਦ ਕਰਾਉਣ ਲਈ ਸੁਤੰਤਰਤਾ ਅੰਦੋਲਨ ਵਿਚ ਯੋਗਦਾਨ ਪਾਇਆ ਅਤੇ ਦੇਸ਼ ਨੂੰ ਸੁਤੰਤਰ ਬਣਾਇਆ ਉਸੇ  ਤਰ੍ਹਾਂ  ਇਸ ਉਮਰ ਵਿਚ ਉਹਨਾਂ ਨੇ ਕੋਰੋਨਾ  ਨੂੰ ਮਾਤ ਦੇ ਕੇ ਇਸ ਲੜਾਈ ਵਿਚ ਜਿੱਤ ਹਾਸਲ ਕੀਤੀ। 

ਬਿਰਦੀ ਚੰਦ ਗੋਠੀ  ਦੇ ਕੋਰੋਨਾ ਪਾਜ਼ੇਟਿਵ ਆਉਣ ਤੋਂ ਬਾਅਦ ਡਾਕਟਰਾਂ ਦੀ ਸਲਾਹ 'ਤੇ ਉਹਨਾਂ ਦਾ ਘਰ ਇਲਾਜ ਕੀਤਾ ਗਿਆ ਅਤੇ ਸਮੇਂ ਸਮੇਂ' ਤੇ ਉਹਨਾਂ ਨੂੰ ਦਵਾਈਆਂ ਦਿੱਤੀਆਂ ਗਈਆਂ ਅਤੇ ਆਕਸੀਜਨ ਦਿੱਤੀ  ਗਈ। ਡਾਕਟਰ ਵੀ ਉਹਨਾਂ ਦੀ ਸਥਿਤੀ 'ਤੇ ਨਜ਼ਰ ਰੱਖ ਰਹੇ ਸਨ। ਪਰਿਵਾਰਕ ਮੈਂਬਰ  ਉਨ੍ਹਾਂ ਦੀ ਦੇਖਭਾਲ  ਲਈ ਦਿਨ ਅਤੇ ਰਾਤ ਸੇਵਾ  ਕਰ ਰਹੇ ਸਨ।  ਜਿਸਦੇ ਚਲਦੇ  ਬਾਪੂ ਜੀ 10 ਦਿਨਾਂ ਦੇ ਅੰਦਰ-ਅੰਦਰ ਠੀਕ ਹੋ ਗਏ ਅਤੇ ਹੁਣ ਸਿਹਤਮੰਦ ਹਨ।