ਪਿਤਾ ਦੀ ਮੌਤ 'ਤੇ ਰੋਂਦੇ-ਰੋਂਦੇ ਪੁੱਤ ਨੇ ਲਿਆ ਖੰਭੇ ਦਾ ਸਹਾਰਾ, ਲੱਗਿਆ ਕਰੰਟ, ਹੋਈ ਮੌਤ

pole

ਪਟਨਾ: ਪਿਤਾ ਦੀ ਹੋਈ ਅਚਾਨਕ ਮੌਤ ਦਾ ਸੋਗ ਅਜੇ ਠੰਡਾ ਨਹੀਂ ਪਿਆ ਸੀ ਕਿ ਪੁੱਤ ਦੀ ਵੀ ਮੌਤ ਹੋ ਗਈ। ਜੀ ਹਾਂ ਬਿਹਾਰ ਦੇ ਦਰਭੰਗਾ ਜ਼ਿਲੇ ਵਿਚ ਪਿਤਾ ਦੀ ਮੌਤ ਤੋਂ ਬਾਅਦ ਘਰ ਵਿਚ ਉਸਦੇ ਸਸਕਾਰ ਦੀ ਤਿਆਰੀ ਚੱਲ ਰਹੀ ਸੀ। ਪਿਤਾ ਦੀ ਮੌਤ 'ਤੇ ਇਕਲੌਤੇ ਪੁੱਤ ਦਾ ਰੋ-ਰੋ ਬੁਰਾ ਹਾਲ  ਸੀ।

ਰੋਂਦੇ ਰੋਂਦੇ ਪੁੱਤ ਨੇ ਬਿਜਲੀ ਦੇ ਖੰਭੇ ਦਾ ਸਹਾਰਾ ਲਿਆ ਤਾਂ ਉਸਨੂੰ ਕਰੰਟ ਲੱਗ ਗਿਆ ਜਿਸ ਨਾਲ ਉਸਦੀ ਵੀ ਮੌਤ ਹੋ ਗਈ। ਘਰ ਵਿੱਚ ਇਕੱਠੇ ਦੋ ਮੌਤਾਂ ਹੋਣ ਕਾਰਨ ਰੌਲਾ ਪੈ ਗਿਆ। ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਤੋਂ ਬਾਅਦ ਪੂਰੇ ਇਲਾਕੇ ਵਿਚ ਸੋਗ ਦੀ ਲਹਿਰ ਫੈਲ ਗਈ। 

ਦਰਅਸਲ, 18 ਸਾਲਾ ਰੰਜਨ ਦੇ ਪਿਤਾ ਮੋਹਨ ਮਹਾਤੋ ਦੀ ਬਿਮਾਰੀ ਕਾਰਨ ਹਸਪਤਾਲ ਵਿੱਚ ਮੌਤ ਹੋ ਗਈ। ਮੋਹਨ ਦੀ ਮ੍ਰਿਤਕ ਦੇਹ ਨੂੰ ਘਰ ਲਿਆਂਦਾ ਗਿਆ ਅਤੇ ਪਰਿਵਾਰਕ ਮੈਂਬਰ ਅਜੇ ਉਸਦੇ ਅੰਤਿਮ ਸਸਕਾਰ ਲਈ ਤਿਆਰੀ ਕਰ ਰਹੇ ਸਨ।

ਦੂਜੇ ਪਾਸੇ, ਰੰਜਨ ਆਪਣੇ ਪਿਤਾ ਦੀ ਮ੍ਰਿਤਕ ਦੇਹ ਨੂੰ ਵੇਖਦੇ ਹੋਏ ਨਿਰੰਤਰ ਰੋ ਰਿਹਾ ਸੀ। ਇਸ ਦੌਰਾਨ ਰੰਜਨ ਨੇ ਰੋਂਦੇ ਹੋਏ ਬਿਜਲੀ ਦੇ ਖੰਭੇ ਦਾ ਸਹਾਰਾ ਲੈ ਲਿਆ ਜਿਸ ਨਾਲ ਉਸਨੂੰ ਕਰੰਟ ਲੱਗ ਗਿਆ ਤੇ ਉਸਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਹਾਲਾਂਕਿ ਆਸ ਪਾਸ ਦੇ ਲੋਕਾਂ ਨੇ ਰੰਜਨ ਨੂੰ ਹਸਪਤਾਲ ਦਾਖਲ ਕਰਵਾਇਆ ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ।