ਦਰਦਨਾਕ ਹਾਦਸਾ: ਝੂਲਾ ਝੂਟਦੇ ਸਮੇਂ ਗਰਦਨ ਦੁਆਲੇ ਫਸੀ ਰੱਸੀ, ਹੋਈ ਮੌਤ

ਨੋਇਡਾ: ਥਾਣਾ ਸੈਕਟਰ 39 ਖੇਤਰ ਦੇ ਸੈਕਟਰ 104 ਦੇ ਨੇੜੇ ਰਹਿਣ ਵਾਲੀ 11 ਸਾਲਾ ਬੱਚੇ  ਨੂੰ ਝੂਲੇ ਨਾਲ ਝੂਟਦੇ ਹੋਏ ਫਾਹਾ ਆ ਗਿਆ ਅਤੇ ਦਮ ਘੁਟਣ ਨਾਲ ਉਸਦੀ ਮੌਤ ਹੋ ਗਈ। ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।

ਸੈਕਟਰ 39 ਦੇ ਥਾਣੇਦਾਰ ਰਾਜੀਵ ਵਾਲੀਆ ਨੇ ਦੱਸਿਆ ਕਿ ਸੈਕਟਰ 104 ਵਿੱਚ ਰਹਿਣ ਵਾਲੇ ਹਰੀ ਕੁਮਾਰ ਦੀ 11 ਸਾਲਾ ਬੱਚੀ ਸ਼ੁੱਕਰਵਾਰ ਨੂੰ ਆਪਣੇ ਘਰ ਦੇ ਬਾਹਰ ਝੂਲ ਰਹੀ ਸੀ। ਝੂਲੇ ਨੂੰ ਹਿਲਾਉਂਦੇ ਹੋਏ ਉਸਦਾ ਗਲਾ ਝੂਲੇ ਦੀ ਰੱਸੀ ਵਿੱਚ ਫਸ ਗਿਆ ਅਤੇ ਫਾਹਾ ਆ ਗਿਆ। ਉਨ੍ਹਾਂ ਦੱਸਿਆ ਕਿ ਸਿਮਰਨ ਨੂੰ ਗੰਭੀਰ ਹਾਲਤ ਵਿੱਚ ਹਸਪਤਾਲ ਦਾਖਲ ਕਰਵਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।