67ਵਾਂ ਰਾਸ਼ਟਰੀ ਫ਼ਿਲਮ ਅਵਾਰਡ 'ਚ ਗਾਇਕ ਬੀ. ਪਰਾਕ ਨੂੰ 'ਤੇਰੀ ਮਿੱਟੀ' ਗੀਤ ਲਈ ਮਿਲਿਆ ਪੁਰਸਕਾਰ

ਨਵੀਂ ਦਿੱਲੀ: 67 ਵੇਂ ਰਾਸ਼ਟਰੀ ਫਿਲਮ ਪੁਰਸਕਾਰ ਸਮਾਰੋਹ ਵਿੱਚ ਉਪ ਰਾਸ਼ਟਰਪਤੀ ਐਮ ਵੈਂਕਈਆ ਨਾਇਡੂ ਦੁਆਰਾ  ਗਾਇਕ ਬੀ. ਪਰਾਕ ਨੂੰ 'ਸਰਬੋਤਮ ਮਰਦ (ਮੇਲ) ਪਲੇਬੈਕ ਗਾਇਕ'  ਵਜੋਂ 'ਤੇਰੀ ਮਿੱਟੀ' ਲਈ ਪੁਰਸਕਾਰ ਦਿੱਤਾ ਗਿਆ ਹੈ |  

ਇਸਦੇ ਨਾਲ ਹੀ ਸੁਪਰਸਟਾਰ ਰਜਨੀਕਾਂਤ ਨੂੰ ਦਾਦਾ ਸਾਹਿਬ ਫਾਲਕੇ ਪੁਰਸਕਾਰ ਨਾਲ  ਸਨਮਾਨਿਤ ਕੀਤਾ ਗਿਆ।   ਅਦਾਕਾਰ ਮਨੋਜ ਬਾਜਪਾਈ ਨੂੰ ਸਰਵੋਤਮ ਅਦਾਕਾਰ ਦਾ ਐਵਾਰਡ ਦਿੱਤਾ ਗਿਆ।

 ਦੱਖਣ ਦੇ ਸੁਪਰਸਟਾਰ ਰਜਨੀਕਾਂਤ ਨੇ ਆਪਣਾ ਪੁਰਸਕਾਰ ਸਮਰਪਿਤ ਕਰਦੇ ਹੋਏ ਕਿਹਾ, 'ਮੈਨੂੰ ਇਸ ਪੁਰਸਕਾਰ ਨਾਲ ਨਿਵਾਜਣ ਲਈ ਮੈਂ ਭਾਰਤ ਸਰਕਾਰ ਦਾ ਬਹੁਤ ਧੰਨਵਾਦ ਕਰਦਾ ਹਾਂ। ਮੈਂ ਇਹ ਪੁਰਸਕਾਰ ਆਪਣੇ ਗੁਰੂ ਕੇ ਬਾਲਚੰਦਰ, ਮੇਰੇ ਭਰਾ ਸੱਤਿਆਨਾਰਾਇਣ ਰਾਓ ਅਤੇ ਮੇਰੇ ਟਰਾਂਸਪੋਰਟ ਡਰਾਈਵਰ ਦੋਸਤ ਰਾਜ ਬਹਾਦਰ ਨੂੰ ਸਮਰਪਿਤ ਕਰਦਾ ਹਾਂ।