Apps cortana microsoft app will be shut down on 31st january 2020

ਨਵੀਂ ਦਿੱਲੀ: ਮਾਈਕ੍ਰੋਸਾਫਟ ਨੇ ਹਾਲ ਹੀ ਵਿਚ ਅਪਣੇ ਵਿੰਡੋਜ਼ 7 ਲਈ ਸਪੋਰਟ ਬੰਦ ਕੀਤਾ ਹੈ ਅਤੇ ਹੁਣ ਕੰਪਨੀ ਨੇ ਅਪਣੀ ਇਕ ਹੋਰ ਸਰਵਿਸ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਮਾਈਕ੍ਰੋਸਾਫਟ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਉਹ ਐਂਡਰੋਇਡ ਅਤੇ ਆਈਓਐਸ ਲਈ ਅਪਣੇ ਵਰਚੂਅਲ ਅਸਿਸਟੈਂਟ ਕੋਰਟਾਨਾ (Virtual assistant cortana) ਨੂੰ ਬੰਦ ਕਰ ਰਿਹਾ ਹੈ।

ਕੰਪਨੀ ਨੇ ਦਸਿਆ ਕਿ ਉਹ ਐਂਡਰੋਇਡ ਲਈ ਅਪਣੇ ਲਾਂਚਰ ਐਪ ਤੋਂ ਇਸ ਨੂੰ 31 ਜਨਵਰੀ ਤੋਂ ਹਟਾ ਦੇਵੇਗਾ। ਕੰਪਨੀ ਨੇ ਹੁਣ ਕਿਹਾ ਹੈ ਕਿ ਇਹ ਐਪ ਸਿਰਫ ਅਮਰੀਕਾ ਵਿਚ ਕੰਮ ਕਰੇਗਾ। ਮਾਈਕ੍ਰੋਸਾਫਟ ਦੇ ਸਪੋਰਟ ਪੇਜ਼ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਮਾਈਕ੍ਰੋਸਾਫਟ 31 ਜਨਵਰੀ 2020 ਨੂੰ ਇੰਡੀਆ, ਆਸਟ੍ਰੇਲੀਆ, ਕੇਨੈਡਾ, ਚੀਨ, ਜਰਮਨੀ, ਮੈਕਸਿਕੋ, ਸਪੇਨ ਅਤੇ ਇੰਗਲੈਂਡ ਵਿਚ ਕਾਰਟਾਨਾ ਐਪ ਨੂੰ ਸਪੋਰਟ ਖਤਮ ਕਰ ਦੇਵੇਗਾ।

ਕੋਰਟਾਨਾ ਟੀਮ ਦੇ ਅਗੁਲਾ ਐਂਡਰਯੂ ਸ਼ੁਮੈਨ ਨੇ ਵੈਂਚਰਬੀਚ ਨੂੰ ਦਸਿਆ ਕਿ ਕੋਰਟਾਨਾ ਮੋਬਾਇਲ ਐਪ ਅਮਰੀਕਾ ਨੂੰ ਛੱਡ ਕੇ ਸਾਰੇ ਦੇਸ਼ਾਂ ਚੋਂ 31 ਜਨਵਰੀ ਨੂੰ ਖ਼ਤਮ ਹੋ ਰਿਹਾ ਹੈ। ਸ਼ੁਮੈਨ ਨੇ ਕਿਹਾ ਕਿ ਅਮਰੀਕਾ ਵਿਚ ਹੁਣ ਵੀ ਅਜਿਹੇ ਯੂਜ਼ਰਸ ਹਨ ਜੋ ਅਪਣੇ ਹੈਡਫੋਨ ਆਪਰੇਸ਼ਨਸ ਨੂੰ ਮੈਨੇਜ ਕਰਨ ਲਈ ਕੋਰਟਾਨਾ ਐਪ ਦਾ ਇਸਤੇਮਾਲ ਕਰਦੇ ਹਨ। ਉਹਨਾਂ ਨੇ ਕਿਹਾ ਕਿ ਜੇ ਤੁਹਾਡੇ ਕੋਲ ਸਰਫੇਸ ਹੈਡਫੋਨਸ ਹਨ ਤਾਂ ਤੁਸੀਂ ਉਹਨਾਂ ਨੂੰ ਕੋਰਟਾਨਾ ਐਪ ਨਾਲ ਯੂਜ਼ ਕਰ ਸਕਦੇ ਹੋ ਕਿਉਂ ਕਿ ਉਹ ਹੁਣ ਵੀ ਸਪੋਰਟ ਕਰ ਰਹੇ ਹਨ।

ਮਾਈਕ੍ਰੋਸਾਫਟ ਨੇ ਐਂਡਰਾਇਡ ਅਤੇ iOS ਲਈ Cortana ਦਸੰਬਰ 2015 ਵਿਚ ਲਾਂਚ ਕੀਤਾ ਸੀ ਅਤੇ ਇਸ ਨੂੰ ਵਿੰਡੋਜ਼ 10 ਅਤੇ ਮੋਬਾਇਲ ਲਈ ਡਿਜ਼ਾਇਨ ਕੀਤਾ ਗਿਆ ਸੀ। ਕੋਰਟਾਨਾ ਮਾਈਕ੍ਰੋਸਾਫਟ ਦਾ ਇਕ ਆਰਟੀਫੀਸ਼ੀਅਲ ਇੰਟੇਲੀਜੈਂਸ ਸਾਫਟਵੇਅਰ ਹੈ ਜੋ ਕਿ ਕੰਪਿਊਟਰ ਅਤੇ ਮੋਬਾਇਲ ਵਿਚ ਲੋਕਾਂ ਲਈ ਡਿਜ਼ੀਟਲ ਅਸਿਸਟੈਂਟ ਦੇ ਤੌਰ ਤੇ ਕੰਮ ਕਰਦਾ ਹੈ।

ਉਦਾਹਰਨ ਦੇ ਤੌਰ ਤੇ ਤੁਸੀਂ ਕੋਰਟਾਨਾ ਓਪਨ ਕਰ ਕੇ ਬੋਲੋਗੇ Navigate Me to Taj Mahal ਤੁਹਾਡੇ ਇੰਨਾ ਬੋਲਦੇ ਹੀ ਕੋਰਟਾਨਾ ਮੋਬਾਇਲ ਦੇ ਮੈਪ ਦੁਆਰਾ ਤੁਹਾਨੂੰ ਤਾਜ ਮਹਿਲ ਤਕ ਦਾ ਰਸਤਾ ਦਿਖਾਵੇਗਾ। ਇਸ ਤਰ੍ਹਾਂ ਹੋਰ ਵੀ ਕਮਾਂਡਸ ਦੇ ਕੇ ਤੁਸੀਂ ਕੋਰਟਾਨਾ ਤੋਂ ਕੁੱਝ ਵੀ ਪੁੱਛ ਸਕਦੇ ਹੋ।    

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow  ਕਰੋ।