Train Accident News : ਪੱਛਮੀ ਬੰਗਾਲ ’ਚ ਵਾਪਰਿਆ ਰੇਲ ਹਾਦਸਾ, ਹਾਵੜਾ ’ਚ ਦੋ ਰੇਲਗੱਡੀਆਂ ਦੀ ਭਿਆਨਕ ਟੱਕਰ

ਪਟੜੀ ਤੋਂ ਉਤਾਰਿਆ ਹੋਇਆ ਡੱਬਾ

Train Accident News in Punjabi : ਪੱਛਮੀ ਬੰਗਾਲ ਦੇ ਹਾਵੜਾ ’ਚ ਸੰਤਰਾਗਾਚੀ ਅਤੇ ਸ਼ਾਲੀਮਾਰ ਸਟੇਸ਼ਨਾਂ ਵਿਚਕਾਰ ਦੋ ਰੇਲਗੱਡੀਆਂ ਦੀ ਆਹਮੋ-ਸਾਹਮਣੇ ਟੱਕਰ ਕਾਰਨ ਇੱਕ ਵੱਡਾ ਹਾਦਸਾ ਵਾਪਰਿਆ ਹੈ। ਦਰਅਸਲ, ਸੰਤਰਾਗਾਚੀ-ਤਿਰੂਪਤੀ ਐਕਸਪ੍ਰੈਸ (ਖਾਲੀ) ਸੰਤਰਾਗਾਚੀ ਤੋਂ ਸ਼ਾਲੀਮਾਰ ਵੱਲ ਜਾ ਰਹੀ ਸੀ। ਇਸ ਦੌਰਾਨ ਇੱਕ ਇੰਜਣ ਦੋ ਬੋਗੀਆਂ ਨੂੰ ਸਾਈਡ ਲਾਈਨ 'ਤੇ ਖਿੱਚ ਰਿਹਾ ਸੀ। ਇਸ ਤੋਂ ਬਾਅਦ ਦੋਵੇਂ ਰੇਲਗੱਡੀਆਂ ਇੱਕ ਦੂਜੇ ਨਾਲ ਟਕਰਾ ਗਈਆਂ। ਇਸ ਹਾਦਸੇ ਵਿੱਚ 3 ਡੱਬੇ ਪਟੜੀ ਤੋਂ ਉਤਰ ਗਏ।

ਹਾਦਸੇ ਕਾਰਨ ਤਿੰਨ ਡੱਬੇ ਪਟੜੀ ਤੋਂ ਉਤਰ ਗਏ; ਸਲੀਮਾਰ-ਸੰਤਰਾਗਾਚੀ ਲਾਈਨ 'ਤੇ ਰੇਲ ਆਵਾਜਾਈ ’ਚ ਵਿਘਨ ਪਿਆ ਹੈ। ਇਸ ਹਾਦਸੇ ਤੋਂ ਬਾਅਦ ਦੋ ਰੇਲਗੱਡੀਆਂ ਦੇ ਸਮੇਂ ਨੂੰ ਬਦਲਣਾ ਪਿਆ। ਹਾਦਸੇ ਦੌਰਾਨ ਤਿਰੂਪਤੀ ਐਕਸਪ੍ਰੈਸ ਦੇ ਦੋ ਡੱਬੇ ਅਤੇ ਇੱਕ ਹੋਰ ਰੇਲਗੱਡੀ ਦਾ ਇੱਕ ਡੱਬਾ ਪਟੜੀ ਤੋਂ ਉਤਰ ਗਿਆ। ਰੇਲਵੇ ਅਧਿਕਾਰੀਆਂ ਨੇ ਇਸ ਹਾਦਸੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਰੇਲਗੱਡੀਆਂ ਦੇ ਸੰਚਾਲਨ ਨੂੰ ਜਲਦੀ ਹੀ ਆਮ ਬਣਾਉਣ ਦੇ ਯਤਨ ਕੀਤੇ ਜਾ ਰਹੇ ਹਨ।

 ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਮਹਾਰਾਸ਼ਟਰ ਦੇ ਜਲਗਾਓਂ ਜ਼ਿਲ੍ਹੇ ’ਚ ਇੱਕ ਰੇਲ ਹਾਦਸਾ ਵਾਪਰਿਆ ਸੀ। ਹਾਦਸੇ ’ਚ 13 ਲੋਕਾਂ ਦੀ ਜਾਨ ਚਲੀ ਗਈ। ਜਦੋਂ ਕਿ 10 ਲੋਕ ਗੰਭੀਰ ਜ਼ਖ਼ਮੀ ਹੋ ਗਏ। ਜਾਣਕਾਰੀ ਅਨੁਸਾਰ ਪੁਸ਼ਪਕ ਐਕਸਪ੍ਰੈਸ ਟ੍ਰੇਨ ਦੀ ਬ੍ਰੇਕ ਲੱਗਣ ਕਾਰਨ ਚੰਗਿਆੜੀਆਂ ਨਿਕਲਣ ਲੱਗੀਆਂ। ਇਸ ਦੌਰਾਨ, ਇੱਕ ਅਫਵਾਹ ਫੈਲ ਗਈ ਕਿ ਟ੍ਰੇਨ ਵਿੱਚ ਅੱਗ ਲੱਗ ਗਈ ਹੈ। ਇਸ ਨਾਲ ਰੇਲਗੱਡੀ ’ਚ ਸਵਾਰ ਯਾਤਰੀਆਂ ਵਿਚ ਦਹਿਸ਼ਤ ਫੈਲ ਗਈ। ਇਸ ਤੋਂ ਬਾਅਦ, ਆਪਣੀ ਜਾਨ ਬਚਾਉਣ ਲਈ, ਯਾਤਰੀਆਂ ਨੇ ਚੇਨ ਖਿੱਚਣੀ ਸ਼ੁਰੂ ਕਰ ਦਿੱਤੀ ਅਤੇ ਟ੍ਰੇਨ ਤੋਂ ਛਾਲ ਮਾਰਨੀ ਸ਼ੁਰੂ ਕਰ ਦਿੱਤੀ। ਇਸ ਤੋਂ ਬਾਅਦ ਕੁਝ ਯਾਤਰੀ ਦੂਜੇ ਟਰੈਕ ਵੱਲ ਜਾਣ ਲੱਗੇ। ਕੁਝ ਯਾਤਰੀ ਰੇਲਗੱਡੀ ਤੋਂ ਉਤਰ ਗਏ ਅਤੇ ਦੂਜੇ ਟਰੈਕ 'ਤੇ ਪਹੁੰਚਣ ਲਈ ਪੁਲੀ ਦੇ ਨੇੜੇ ਕੰਧ ਪਾਰ ਕੀਤੀ।

(For more news apart from  train accident occurred in West Bengal, terrible collision two trains in Howrah News in Punjabi, stay tuned to Rozana Spokesman)