ਡੈਟਾ ਲੀਕ ਮਾਮਲਾ : ਭਾਜਪਾ ਦੇ ਹਮਲੇ ਮਗਰੋਂ ਕਾਂਗਰਸ ਨੇ ਪਲੇਅ ਸਟੋਰ ਤੋਂ ਅਪਣਾ 'ਐਪ'

Congress Deletes Official Mobile Application After BJP Allegation

ਨਵੀਂ ਦਿੱਲੀ : ਹੁਣ ਭਾਜਪਾ ਨੇ ਵੀ ਰਾਹੁਲ ਗਾਂਧੀ ਵਲੋਂ ਨਮੋ ਐਪ 'ਤੇ ਲਗਾਏ ਗਏ ਡੈਟਾ ਸ਼ੇਅਰਿੰਗ ਦੇ ਦੋਸ਼ਾਂ ਦਾ ਜਵਾਬ ਦਿਤਾ ਹੈ। ਭਾਜਪਾ ਦੇ ਆਈਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਆ ਨੇ ਦੋਸ਼ ਲਗਾਇਆ ਹੈ ਕਿ ਰਾਹੁਲ ਗਾਂਧੀ ਦੀ ਪਾਰਟੀ ਦਾ ਐਪ ਲੋਕਾਂ ਦੀ ਇਜਾਜ਼ਤ ਤੋਂ ਬਿਨਾ ਉਨ੍ਹਾਂ ਦਾ ਡਾਟਾ ਸਿੰਗਾਪੁਰ ਦੀ ਫ਼ਰਮ ਨਾਲ ਸ਼ੇਅਰ ਕਰ ਰਿਹਾ ਹੈ। ਭਾਜਪਾ ਦੇ ਇਸ ਪਲਟਵਾਰ ਤੋਂ ਬਾਅਦ ਕਾਂਗਰਸ ਨੇ ਪਲੇਅ ਸਟੋਰ ਤੋਂ ਆਪਣਾ ਐਪ ਹਟਾ ਦਿਤਾ ਹੈ।

ਮਾਲਵੀਆ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ ਵਿਚ ਉਨ੍ਹਾਂ ਨੇ ਸਾਈਟ ਦਾ ਡਿਸਕਲੇਮਰ ਸ਼ੇਅਰ ਕਰਦੇ ਹੋਏ ਕਾਂਗਰਸ 'ਤੇ ਲੋਕਾਂ ਦਾ ਡੈਟਾ ਥਰਡ ਪਾਰਟੀ ਨਾਲ ਸ਼ੇਅਰ ਦੀ ਗੱਲ ਮੰਨਣ ਨੂੰ ਲੈ ਕੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਆਖਿਆ ਕਿ ਆਖ਼ਰ ਕਾਂਗਰਸ ਕੀ ਲੁਕਾ ਰਹੀ ਹੈ। 

ਉਨ੍ਹਾਂ ਟਵੀਟ ਵਿਚ ਲਿਖਿਆ ਕਿ ਰਾਹੁਲ ਗਾਂਧੀ ਨੇ ਅਪਣੇ ਟਵਿੱਟਰ ਪੇਜ਼ 'ਤੇ ਲਿਖਿਆ #DeleteNaMoApp। ਇਸ ਤੋਂ ਬਾਅਦ ਕਾਂਗਰਸ ਨੇ ਐਪ ਸਟੋਰ ਤੋਂ ਅਪਣਾ ਹੀ ਐਪ ਹਟਾ ਦਿਤਾ। ਉਨ੍ਹਾਂ ਪੁੱਛਿਆ ਕਿ ਆ਼ਖਰ ਕਾਂਗਰਸ ਕੀ ਲੁਕਾ ਰਹੀ ਹੈ। ਮਾਲਵੀ ਨੇ ਅਪਣੇ ਟਵੀਟ ਵਿਚ ਲਿਖਿਆ ''Hi! ਮੇਰਾ ਨਾਂਅ ਰਾਹੁਲ ਗਾਂਧੀ ਹੈ, ਮੈਂ ਦੇਸ਼ ਦੀ ਸਭ ਤੋਂ ਪੁਰਾਣੀ ਰਾਜਨੀਤਕ ਪਾਰਟੀ ਦਾ ਪ੍ਰਧਾਨ ਹਾਂ। ਜਦੋਂ ਸਾਡੇ ਅਧਿਕਾਰਕ ਐਪ ਨੂੰ ਸਾਈਨ ਅਪ ਕਰੋਗੇ ਤਾਂ ਅਸੀਂ ਤੁਹਾਡੇ ਨਾਲ ਜੁੜਿਆ ਪੂਰਾ ਡੈਟਾ ਸਿੰਗਾਪੁਰ ਦੇ ਦੋਸਤਾਂ ਨੂੰ ਦੇ ਦੇਵਾਂਗੇ।''

ਇਕ ਹੋਰ ਟਵੀਟ ਵਿਚ ਉਨ੍ਹਾਂ ਲਿਖਿਆ ਕਿ ਕਾਂਗਰਸ ਨੂੰ ਇਸ ਗੱਲ ਦੇ ਲਈ ਪੂਰੇ ਅੰਕ ਜਿਸ ਵਿਚ ਉਸ ਨੇ ਪਹਿਲਾਂ ਤੋਂ ਕਿਹਾ ਹੈ ਕਿ ਉਹ ਯੂਜ਼ਰ ਦੀ ਇਜਾਜ਼ਤ ਤੋਂ ਬਿਨਾਂ ਉਸ ਦੀ ਜਾਣਕਾਰੀ ਕਿਸੇ ਨੂੰ ਵੀ ਦੇ ਸਕਦੀ ਹੈ, ਚਾਹੇ ਉਹ ਅਣਜਾਣੇ ਵੇਂਜਰਸ ਹੋਣ ਜਾਂ ਵਾਲੰਟੀਅਰਜ਼। ਮਾਲਵੀਆ ਨੇ ਇਕ ਹੋਰ ਟਵੀਟ ਵਿਚ ਦੋਸ਼ ਲਗਾਇਆ ਕਿ 'ਜਦੋਂ ਕਾਂਗਰਸ ਕਹਿੰਦੀ ਹੈ ਕਿ ਉਹ ਅਪਣਾ ਡੈਟਾ ਲਾਈਕ ਮਾਈਂਡਡ ਗਰੁੱਪਸ ਦੇ ਨਾਲ ਸ਼ੇਅਰ ਕਰੇਗੀ ਤਾਂ ਇਸ ਦੇ ਪ੍ਰਭਾਵ ਗੰਭੀਰ ਹੋ ਸਕਦੇ ਹਨ। ਇਨ੍ਹਾਂ ਵਿਚ ਮਾਓਵਾਦੀਆਂ ਦੇ ਇਲਾਵਾ ਪੱਥਰਬਾਜ਼, ਭਾਰਤ ਦੇ ਟੁਕੜੇ ਗੈਂਗ, ਚੀਨੀ ਦੂਤਾਵਾਸ ਤੋਂ ਇਲਾਵਾ ਕੈਂਬ੍ਰਿਜ਼ ਏਨਾਲਿਟਿਕਾ ਵੀ ਹੋ ਸਕਦੇ ਹਨ।'

ਦਸ ਦਈਏ ਕਿ ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਰਾਹੁਲ ਗਾਂਧੀ ਨੇ ਟਵੀਟ ਕਰ ਕੇ ਲਿਖਿਆ ਸੀ ਕਿ ਮੇਰਾ ਨਾਂਅ ਨਰਿੰਦਰ ਮੋਦੀ ਹੈ। ਮੈਂ ਭਾਰਤ ਦਾ ਪ੍ਰਧਾਨ ਮੰਤਰੀ ਹਾਂ। ਜਦੋਂ ਤੁਸੀਂ ਮੇਰੇ ਐਪ ਦੇ ਲਈ ਸਾਈਟ ਅਪ ਕਰੋਗੇ ਤਾਂ ਮੈਂ ਤੁਹਾਡਾ ਸਾਰਾ ਡੈਟਾ ਅਮਰੀਕੀ ਕੰਪਨੀਆਂ ਦੇ ਦੋਸਤਾਂ ਨੂੰ ਦੇਵਾਂਗਾ।