Mahadev Betting App Case: ਦੁਬਈ 'ਚ ਮਾਸਟਰਮਾਈਂਡ, ਭਾਰਤ 'ਚ ਆਨਲਾਈਨ ਅਰਬਾਂ ਦੀ ਠੱਗੀ

Mahadev Betting App Case: ਮਹਾਦੇਵ ਸੱਟੇਬਾਜ਼ੀ ਐਪ ਮਾਮਲੇ 'ਚ UP STF ਨੂੰ ਵੱਡੀ ਸਫਲਤਾ ਮਿਲੀ ਹੈ। ਮਹਾਦੇਵ ਗੇਮਿੰਗ ਅਤੇ ਸੱਟੇਬਾਜ਼ੀ ਐਪ ਰਾਹੀਂ ਲੋਕਾਂ ਨਾਲ ਅਰਬਾਂ ਰੁਪਏ ਦੀ ਠੱਗੀ ਮਾਰੀ ਜਾ ਰਹੀ ਹੈ। ਭਾਰਤ ਵਿੱਚ ਇਸ ਧੋਖਾਧੜੀ ਗਰੋਹ ਦਾ ਮੁਖੀ ਅਭੈ ਸਿੰਘ ਹੈ, ਜਿਸ ਨੂੰ ਐਸਟੀਐਫ ਨੇ ਲਖਨਊ ਤੋਂ ਗ੍ਰਿਫ਼ਤਾਰ ਕੀਤਾ ਹੈ। ਉਸ ਦੇ ਨਾਲ ਇੱਕ ਹੋਰ ਮੁਲਜ਼ਮ ਸੰਜੀਵ ਸਿੰਘ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਫੜੇ ਗਏ ਮੁਲਜ਼ਮ ਵਟਸਐਪ ਅਤੇ ਟੈਲੀਗ੍ਰਾਮ ਗਰੁੱਪਾਂ ਰਾਹੀਂ ਵਰਤੇ ਜਾਂਦੇ ਕਾਰਪੋਰੇਟ ਸਿਮਾਂ ਨੂੰ ਪੋਰਟ ਕਰ ਕੇ ਦੁਬਈ ਭੇਜਦੇ ਸਨ। ਆਓ ਜਾਣਦੇ ਹਾਂ ਇਸ ਗਿਰੋਹ ਦਾ ਭਾਰਤ 'ਚ ਹੈਡ ਕੌਣ ਹੈ ?

ਇਸ ਗਿਰੋਹ ਦਾ ਭਾਰਤ 'ਚ ਹੈਡ ਕੌਣ ?

ਮਹਾਦੇਵ ਸੱਟੇਬਾਜ਼ੀ ਐਪ ਦਾ ਭਾਰਤ 'ਚ ਹੈਡ ਅਭੈ ਸਿੰਘ ਹੈ, ਜੋ ਮੂਲ ਰੂਪ ਵਿੱਚ ਸੌਨਲਕਸ਼ਮਣ, ਗੌਰੀਬਾਜ਼ਾਰ, ਦੇਵਰੀਆ ਦਾ ਵਸਨੀਕ ਹੈ। ਉਸਨੇ ਸਾਲ 2021 ਵਿੱਚ 12ਵੀਂ ਪਾਸ ਕੀਤੀ ਸੀ। ਉਸਦੀ ਮਾਸੀ ਦਾ ਬੇਟਾ ਦੁਬਈ ਵਿੱਚ ਰਹਿੰਦਾ ਹੈ, ਜਿਸਦਾ ਨਾਮ ਅਭਿਸ਼ੇਕ ਹੈ। ਅਭੈ ਸਿੰਘ ਨੇ ਐਸਟੀਐਫ ਨੂੰ ਦੱਸਿਆ ਕਿ 2021 ਵਿੱਚ ਉਨ੍ਹਾਂ ਨੂੰ ਅਭਿਸ਼ੇਕ ਦਾ ਇੱਕ ਕਾਲ ਆਇਆ ਸੀ, ਉਸਨੇ ਕਿਹਾ ਸੀ ਕਿ ਗਰੀਬ ਅਤੇ ਅਨਪੜ੍ਹ ਲੋਕਾਂ ਦੇ ਨਾਮ 'ਤੇ ਸਿਮ ਕਾਰਡ ਖਰੀਦਣੇ ਹਨ ਅਤੇ ਫਿਰ ਸਿਮ ਨੂੰ ਕਿਸੇ ਹੋਰ ਕੰਪਨੀ ਵਿੱਚ ਪੋਰਟ ਕਰਨਾ ਹੈ। ਇਸ ਦੇ ਬਦਲੇ ਤੁਹਾਨੂੰ ਹਰ ਮਹੀਨੇ 25 ਹਜ਼ਾਰ ਰੁਪਏ ਤਨਖਾਹ ਅਤੇ 500 ਰੁਪਏ ਪ੍ਰਤੀ ਸਿਮ ਕਾਰਡ ਮਿਲਣਗੇ।

ਆਪਣੇ ਚਚੇਰੇ ਭਰਾ ਦੀ ਸਲਾਹ 'ਤੇ ਮਹਾਦੇਵ ਸੱਟੇਬਾਜ਼ੀ ਐਪ ਨਾਲ ਜੁੜਿਆ ਸੀ ਅਭੈ ਸਿੰਘ

ਅਭਿਸ਼ੇਕ ਦੇ ਕਹਿਣ 'ਤੇ ਅਭੈ ਸਿੰਘ ਨੇ ਮਹਾਦੇਵ ਸੱਟੇਬਾਜ਼ੀ ਐਪ ਕੰਪਨੀ ਨਾਲ ਜੁੜ ਗਿਆ। ਇਸ ਤੋਂ ਬਾਅਦ ਉਸ ਨੇ ਛੱਤੀਸਗੜ੍ਹ ਦੇ ਰਹਿਣ ਵਾਲੇ ਚੇਤਨ ਰਾਹੀਂ ਸਿਮ ਕਾਰਡ ਦੁਬਈ ਭੇਜਣੇ ਸ਼ੁਰੂ ਕਰ ਦਿੱਤੇ। ਹੌਲੀ-ਹੌਲੀ ਉਸ ਦੀ ਤਨਖਾਹ ਵਧ ਕੇ 75 ਹਜ਼ਾਰ ਰੁਪਏ ਹੋ ਗਈ। 4 ਹਜ਼ਾਰ ਤੋਂ ਵੱਧ ਕਾਰਪੋਰੇਟ ਸਿਮ ਕਾਰਡ ਫਰਜ਼ੀ ਦਸਤਾਵੇਜ਼ਾਂ ਨਾਲ ਦੁਬਈ ਭੇਜੇ ਗਏ ਸਨ। ਬਲੀਆ ਥਾਣੇ ਵਿੱਚ ਅਭੈ ਸਿੰਘ ਖ਼ਿਲਾਫ਼ ਐਫਆਈਆਰ ਦਰਜ ਕੀਤੀ ਗਈ ਹੈ।

ਇਨ੍ਹਾਂ ਸ਼ਹਿਰਾਂ ਵਿੱਚ ਮਾਰੀ ਠੱਗੀ 

ਅਭੈ ਸਿੰਘ ਨੇ ਦੱਸਿਆ ਕਿ ਵਾਰਾਣਸੀ, ਪ੍ਰਯਾਗਰਾਜ, ਗੋਰਖਪੁਰ, ਮੁੰਬਈ, ਪੁਣੇ, ਜੈਪੁਰ, ਉੜੀਸਾ ਆਦਿ ਸ਼ਹਿਰਾਂ ਵਿੱਚ ਠੱਗੀ ਮਾਰੀ ਗਈ। ਇਨ੍ਹਾਂ ਸ਼ਹਿਰਾਂ ਵਿੱਚ ਧੋਖੇ ਨਾਲ ਸਿਮ ਨੂੰ ਪੋਰਟਿੰਗ ਅਤੇ ਐਕਟੀਵੇਟ ਕਰਕੇ ਖਰੀਦਿਆ ਗਿਆ। ਮੁੰਬਈ ਦੇ ਸਾਈਬਰ ਸੈੱਲ ਨੇ ਅਭੈ ਸਿੰਘ ਦਾ ਬੈਂਕ ਖਾਤਾ ਜ਼ਬਤ ਕਰ ਲਿਆ ਹੈ। ਯੂਪੀ ਐਸਟੀਐਫ ਨੇ ਅਭੈ ਸਿੰਘ ਦੇ ਨਾਲ ਸੰਜੀਵ ਸਿੰਘ ਵਾਸੀ ਇਕੌਨਾ, ਦਿਓਰੀਆ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਹੈ।