ਕੋਰੋਨਾ ਦਾ ਕਹਿਰ: Work From Home ਕਰ ਰਹੇ ਦੋ ਸਕੇ ਭਰਾਵਾਂ ਦੀ ਕੋਰੋਨਾ ਨਾਲ ਹੋਈ ਮੌਤ

ਅਲਵਰ: ਕੋਰੋਨਾ ਵਾਇਰਸ ਦੀ ਦੂਜੀ ਲਹਿਰ ਨੇ ਕਹਿਰ ਢਾਹਿਆ ਹੋਇਆ ਹੈ।  ਕੋਰੋਨਾ ਨੇ ਕਈ ਪਰਿਵਾਰਾਂ ਦੇ ਚਿਰਾਗ ਬੁਝਾ ਦਿੱਤੇ ਹਨ। ਇਨ੍ਹਾਂ ਵਿਚ ਰਾਜਸਥਾਨ ਦੇ ਅਲਵਰ ਜ਼ਿਲੇ ਵਿਚ ਵਿਲਾਸਪੁਰ ਦਾ ਪਰਿਵਾਰ ਸ਼ਾਮਲ ਹੈ, ਜਿਥੇ ਦੋ ਸਕੇ ਭਰਾਵਾਂ ਦੀ ਕੋਰੋਨਾ ਨਾਲ ਮੌਤ ਹੋ ਗਈ।

ਜਾਣਕਾਰੀ ਅਨੁਸਾਰ ਵਿਲਾਸਪੁਰ ਦਾ 42 ਸਾਲਾ ਹਰਨੇਕ ਸਿੰਘ ਅਤੇ ਉਸਦਾ ਛੋਟਾ ਭਰਾ 37 ਸਾਲਾ ਸੁਬੇਕ ਸਿੰਘ ਵੈੱਬ ਡਿਜ਼ਾਈਨਰ ਸਨ। ਦੋਵੇਂ ਦਿੱਲੀ ਸਥਿਤ ਇਕ ਕੰਪਨੀ ਵਿਚ ਕੰਮ ਕਰਦੇ ਸਨ। ਕੋਰੋਨਾ ਮਹਾਂਮਾਰੀ ਦੇ ਕਾਰਨ, ਦੋਵੇਂ ਭਰਾ ਆਪਣੇ ਪਿੰਡ ਵਿੱਚ ਰਹਿ ਰਹੇ ਸਨ ਅਤੇ ਘਰ ਤੋਂ ਕੰਮ ਕਰ ਰਹੇ ਸਨ। ਪਿੰਡ ਵਿਚ ਹੀ ਉਹ ਦੋਵੇਂ ਕੋਰੋਨਾ ਸੰਕਰਮਿਤ ਹੋ ਗਏ।

ਪਰਿਵਾਰ 'ਤੇ  ਦੁੱਖਾਂ ਦਾ ਪਹਾੜ ਉਦੋਂ ਟੁੱਟਿਆ ਜਦੋਂ ਦੋਵਾਂ ਭਰਾਵਾਂ ਦੀ ਸਿਰਫ ਅੱਧੇ ਘੰਟੇ ਵਿਚ ਮੌਤ ਹੋ ਗਈ ਅਤੇ ਦੋਵਾਂ ਦੀ ਇਕੱਠਿਆਂ ਦੀ ਅਰਥੀ ਉੱਠੀ। ਹਰਨੇਕ ਸਿੰਘ ਦੀ ਇੱਕ ਚਾਰ ਸਾਲ ਦੀ ਬੇਟੀ ਹੈ ਅਤੇ ਸੂਬੇ ਕੇ ਸਿੰਘ ਦੀ ਇੱਕ ਦੋ ਸਾਲਾਂ ਦੀ ਬੇਟੀ ਹੈ।