ਰੋਡਵੇਜ਼ ਦੇ ਅਧਿਕਾਰੀ ਨੂੰ ਰਿਸ਼ਵਤ ਲੈਂਦੇ ਫੜਿਆ ਰੰਗੇ ਹੱਥੀਂ
ਆਗਰਾ ਦੇ ਭ੍ਰਿਸ਼ਟਾਚਾਰ ਰੋਕੂ ਇਕਾਈ ਨੇ ਰੋਡਵੇਜ਼ ਬੱਸ ਸਟੈਂਡ 'ਤੇ ਰੂਟ...
ਨਵੀਂ ਦਿੱਲੀ: ਆਗਰਾ ਦੇ ਭ੍ਰਿਸ਼ਟਾਚਾਰ ਰੋਕੂ ਇਕਾਈ ਨੇ ਰੋਡਵੇਜ਼ ਬੱਸ ਸਟੈਂਡ 'ਤੇ ਰੂਟ ਬਦਲਣ ਦੇ ਏਵਜ਼ ਵਿਚ ਸਹਾਇਕ ਖੇਤਰੀ ਪ੍ਰਬੰਧਕ ਨੂੰ ਇਕ ਕੰਟਰੈਕਟ ਡ੍ਰਾਈਵਰ ਤੋਂ ਛੇ ਹਜ਼ਾਰ ਰੁਪਏ ਰਿਸ਼ਵਤ ਲੈਂਦੇ ਰੰਗੇ ਹੱਥੀ ਫੜਿਆ ਹੈ। ਭ੍ਰਿਸ਼ਟਾਚਾਰ ਰੋਕੂ ਇਕਾਈ ਦੇ ਇੰਸਪੈਕਟਰ ਜਸਪਾਲ ਸਿੰਘ ਨੇ ਵੀਰਵਾਰ ਦੇਰ ਸ਼ਾਮ ਕੋਤਵਾਲੀ ਵਿਚ ਭ੍ਰਿਸ਼ਟਾਚਾਰ ਰੋਕੂ ਕਾਨੂੰਨ ਤਹਿਤ ਐਫਆਈਆਰ ਦਰਜ ਕਰਵਾਈ।
ਏਆਰਐਮ ਨੇ ਹਾਲਾਂਕਿ ਇਹਨਾਂ ਆਰੋਪਾਂ ਤੋਂ ਇਨਕਾਰ ਕੀਤਾ ਹੈ ਅਤੇ ਉਸ ਦਾ ਕਹਿਣਾ ਹੈ ਕਿ ਉਸ ਨੂੰ ਸਾਜ਼ਿਸ਼ ਤਹਿਤ ਫਸਾਇਆ ਗਿਆ ਹੈ। ਅਧਿਕਾਰੀ ਨੇ ਦਸਿਆ ਕਿ ਯੂਪੀ ਰੋਡਵੇਜ਼ ਵਿਚ ਕੰਟਰੈਕਟ ਡ੍ਰਾਈਵਰ ਦੇ ਰੂਪ ਵਿਚ ਕੰਮ ਕਰਦੇ ਮਨੀਪੁਰ ਦੇ ਨਖਤਪੁਰ ਪਿੰਡ ਦੇ ਨਿਵਾਸੀ ਸੱਤਿਆਦੇਵ ਯਾਦਵ ਅਪਣਾ ਰੂਟ ਬਦਲਣਾ ਚਾਹੁੰਦੇ ਸਨ ਜਿਸ ਦੇ ਲਈ ਉਹਨਾਂ ਨੇ ਮੈਨਪੁਰੀ ਦੇ ਏਆਰਐਮ ਹਰਿਦਾਸ ਚਕ ਨੂੰ ਅਪੀਲ ਕੀਤੀ ਸੀ।
ਉਹਨਾਂ ਦਸਿਆ ਕਿ ਯਾਦਵ ਦਾ ਆਰੋਪ ਹੈ ਕਿ ਏਆਰਐਮ ਨੇ ਰੂਟ ਬਦਲਣ ਲਈ ਸ਼ਿਕਾਇਤਾਂ ਮਿਲਣ 'ਤੇ ਰਿਸ਼ਵਤ ਮੰਗੀ ਸੀ ਪਰ ਅੰਤ ਮਾਮਲਾ ਛੇ ਹਜ਼ਾਰ ਰੁਪਏ ਵਿਚ ਤੈਅ ਹੋਇਆ। ਉਹਨਾਂ ਦਸਿਆ ਕਿ ਡ੍ਰਾਈਵਰ ਨੇ ਰਿਸ਼ਵਤ ਦੇਣ ਦੀ ਬਜਾਏ ਭ੍ਰਿਸ਼ਟਾਚਾਰ ਰੋਕੂ ਇਕਾਈ ਆਗਰਾ ਨੂੰ ਸ਼ਿਕਾਇਤ ਕਰ ਦਿੱਤੀ ਜਿਸ ਤੋਂ ਬਾਅਦ ਇਕਾਈ ਦੇ ਇੰਸਪੈਕਟਰ ਜਸਪਾਲ ਸਿੰਘ ਨੇ ਵੀਰਵਾਰ ਨੂੰ ਚਕ ਨੂੰ ਛੇ ਹਜ਼ਾਰ ਰੁਪਏ ਰਿਸ਼ਵਤ ਲੈਂਦੇ ਰੰਗੇ ਹੱਥੀ ਫੜਿਆ।
ਜ਼ਿਲ੍ਹਾ ਅਧਿਕਾਰੀ ਪ੍ਰਮੋਦ ਕੁਮਾਰ ਉਪਧਿਆਏ ਨੇ ਦਸਿਆ ਕਿ ਦੋ ਦਿਨ ਪਹਿਲਾਂ ਹੀ ਕਈ ਸ਼ਿਕਾਇਤਾਂ ਮਿਲਣ 'ਤੇ ਉਹਨਾਂ ਨੇ ਚਕ ਨੂੰ ਚੇਤਾਵਨੀ ਦਿੱਤੀ ਸੀ ਪਰ ਉਸ ਨੇ ਅਪਣਾ ਚਰਿੱਤਰ ਨਹੀਂ ਸੁਧਾਰਿਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।