ਰੈਟਲ ਸਨੇਕ ਅਤੇ ਕੋਰਲ ਸਨੇਕ ਦੀ ਲੜਾਈ ’ਚ ਆਈ ਮੱਧੂ ਮੱਖੀ

ਵਿਚਕਾਰ ਹੀ ਨਹੀਂ ਆਈ ਬਲਕਿ ਉਸ ਨੇ ਰੈਟਲ ਸਨੇਕ ਨੂੰ ਬਚਾਉਣ ਲਈ ਕੋਰਲ ਸਨੇਕ ਦੇ ਡੰਗ ਮਾਰਨੇ ਸ਼ੁਰੂ ਕਰ ਦਿੱਤੇ। ਬਸ ਫਿਰ ਕੀ ਸੀ, ਕੋਰਲ ਸਨੇਕ ਨੂੰ ਭਾਜੜਾਂ ਪੈ ਗਈਆਂ। ਇਸ ਵੀਡੀਓ ਨੂੰ ਇਵਾਂਗੇਲਿਨ ਕਮਿੰਗਸ ਵੱਲੋਂ ਟਵਿੱਟਰ ’ਤੇ ਸ਼ੇਅਰ ਕੀਤਾ ਗਿਆ ਸੀ। ਦਰਅਸਲ ਉਸ ਨੇ ਇਸ ਘਟਨਾ ਨੂੰ ਸਮਝਣ ਲਈ ਇਸ ਵਿਸ਼ੇ ਦੇ ਕੁੱਝ ਮਾਹਿਰਾਂ ਨੂੰ ਟਵਿੱਟਰ ’ਤੇ ਟੈਗ ਕੀਤਾ ਸੀ ਪਰ ਜਿਵੇਂ ਹੀ ਇਹ ਵੀਡੀਓ ਟਵਿੱਟਰ ’ਤੇ ਪਈ ਕੁੱਝ ਸਮੇਂ ਬਾਅਦ ਹੀ ਵਾਇਰਲ ਹੋ ਗਈ। ਹੁਣ ਤਕ ਲੱਖਾਂ ਲੋਕ ਇਸ ਵੀਡੀਓ ਨੂੰ ਦੇਖ ਚੁੱਕੇ ਹਨ। ਹਜ਼ਾਰਾਂ ਲਾਈਕਸ ਅਤੇ ਹਜ਼ਾਰਾਂ ਕੁਮੈਂਟ ਲੋਕਾਂ ਵੱਲੋਂ ਕੀਤੇ ਜਾ ਚੁੱਕੇ ਹਨ। 

ਇਵਾਂਗੇਲਿਨ ਕਮਿੰਗਸ ਨੇ ਅਪਣੇ ਇਕ ਟਵੀਟ ਵਿਚ ਲਿਖਿਆ ਕਿ ਦਰਅਸਲ ਇਹ ਰੈਟਲ ਸਨੇਕ ਸੱਪ ਕਿਸੇ ਬਾਜ਼ ਕੋਲੋਂ ਹੇਠਾਂ ਡਿੱਗ ਗਿਆ ਸੀ ਜੋ ਇਨ੍ਹਾਂ ਝਾੜੀਆਂ ’ਤੇ ਆ ਕੇ ਡਿੱਗ ਗਿਆ ਪਰ ਡਿੱਗਣ ਸਮੇਂ ਇਹ ਜਿੰਦਾ ਸੀ ਜਦੋਂ ਉਹ ਨਿਕਲਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਤਾਂ ਇਸੇ ਦੌਰਾਨ ਇਕ ਕੋਰਲ ਸਨੇਕ ਸੱਪ ਨੇ ਉਸ ’ਤੇ ਹਮਲਾ ਕਰ ਦਿੱਤਾ। ਭਾਵੇਂ ਕਿ ਉਸ ਦੀ ਮਦਦ ਲਈ ਇਕ ਮਧੂ ਮੱਖੀ ਵੀ ਆਈ ਪਰ ਉਦੋਂ ਤਕ ਰੈਟਲ ਸਨੇਕ ਮਰ ਚੁੱਕਾ ਸੀ। 

ਦਸ ਦਈਏ ਕਿ ਇਸ ਤੋਂ ਪਹਿਲਾਂ ਵੀ ਕਈ ਸਾਲ ਪਹਿਲਾਂ ਇਕ ਵੀਡੀਓ ਸੋਸ਼ਲ ਮੀਡੀਆ ’ਤੇ ਦੇਖਣ ਨੂੰ ਮਿਲੀ ਸੀ, ਜਿਸ ਵਿਚ ਵੱਡੀ ਗਿਣਤੀ ਵਿਚ ਮਧੂ ਮੱਖੀਆਂ ਨੇ ਇਕੱਠੀਆਂ ਹੋ ਕੇ ਇਕ ਅਜਗਰ ਨੂੰ ਅਪਣੇ ਛੱਤੇ ਕੋਲੋਂ ਦੂਰ ਭਜਾ ਦਿੱਤਾ ਸੀ। ਕੁੱਝ ਲੋਕ ਤਾਂ ਇਹ ਵੀ ਕਹਿ ਰਹੇ ਹਨ ਕਿ ਕਮਿੰਗਜ਼ ਨੂੰ ਵੀਡੀਓ ਬਣਾਉਣ ਦੀ ਜਗ੍ਹਾ ਸੱਪ ਦੀ ਜਾਨ ਬਚਾਉਣੀ ਚਾਹੀਦੀ ਸੀ। ਫਿਲਹਾਲ ਤੁਹਾਡਾ ਇਸ ਵੀਡੀਓ ਬਾਰੇ ਕੀ ਕਹਿਣਾ ਹੈ ਜ਼ਰੂਰ ਦੱਸੋ।