ਭਾਰਤੀ ਸੀਮਾ ਵਿਚ ਘੁਸਿਆ ਪਾਕਿ ਜਹਾਜ਼, ਕਾਂਗਰਸ ਨੇ ਕਿਹਾ- ਆਖ਼ਿਰਕਾਰ ਪਾਕਿ ਦਾ ਮਖੌਟਾ ਉੱਤਰ ਹੀ ਗਿਆ
ਪਾਕਿਸਤਾਨ ਦੇ ਬਾਲਾਕੋਟ ਵਿਚ ਜੈਸ਼ ਦੇ ਅਤਿਵਾਦੀ ਠਿਕਾਣਿਆਂ ਨੂੰ ਭਾਰਤੀ ਹਵਾਈ ਹਮਲਿਆਂ ਵਲੋਂ ਤਬਾਹ ਕੀਤੇ ਜਾਣ ਮਗਰੋਂ ਪਾਕਿਸਤਾਨ ਬੌਖਲਾ ਗਿਆ ......
ਨਵੀਂ ਦਿੱਲੀ- ਪਾਕਿਸਤਾਨ ਦੇ ਬਾਲਾਕੋਟ ਵਿਚ ਜੈਸ਼ ਦੇ ਅਤਿਵਾਦੀ ਠਿਕਾਣਿਆਂ ਨੂੰ ਭਾਰਤੀ ਹਵਾਈ ਹਮਲਿਆਂ ਵਲੋਂ ਤਬਾਹ ਕੀਤੇ ਜਾਣ ਮਗਰੋਂ ਪਾਕਿਸਤਾਨ ਬੌਖਲਾ ਗਿਆ ਹੈ। ਜਿਸ ਤੋਂ ਬਾਅਦ ਜੰਮੂ ਕਸ਼ਮੀਰ ਦੇ ਨੌਸ਼ੇਰਾ ਵਿਚ ਪਾਕਿਸਤਾਨ ਨੇ ਭਾਰਤੀ ਹਵਾਈ ਸੀਮਾ ਦੀ ਉਲੰਘਣਾ ਕੀਤੀ। ਕਾਂਗਰਸ ਪਾਰਟੀ ਨੇ ਕਿਹਾ ਹੈ ਕਿ ਆਖ਼ਿਰਕਾਰ ਪਾਕਿਸਤਾਨ ਦਾ ਮਖੌਟਾ ਉੱਤਰ ਹੀ ਗਿਆ ਹੈ ਅਤੇ ਉਹ ਅਤਿਵਾਦੀਆ ਦਾ ਪਨਾਹਗਾਰ ਹੈ। ਕਾਂਗਰਸ ਪਾਰਟੀ ਦੀ ਰਾਸ਼ਟਰੀ ਮਹਿਲਾ ਬੁਲਾਰਾ ਪ੍ਰਿਅੰਕਾ ਚਤੁਰਵੇਦੀ ਨੇ ਟਵੀਟ ਵਿਚ ਲਿਖਿਆ, ਇਹ ਬੇਹੂਦਗੀ ਹੈ।
ਤਾਂ ਕੀ ਪਾਕਿਸਤਾਨ ਹੁਣ ਆਪਣੇ ਖੇਤਰ ਵਿਚ ਅਤਿਵਾਦੀ ਸੰਗਠਨ ਦਾ ਖੁੱਲਕੇ ਸਮਰਥਨ ਕਰਦਾ ਹੈ? ਉਸਦੀ ਇਸ ਹਰਕਤ ਤੋਂ ਆਖ਼ਿਰਕਾਰ ਉਸਦਾ ਮਖੌਟਾ ਉੱਤਰ ਹੀ ਗਿਆ ਹੈ । ਪੀਟੀਆਈ ਦੇ ਮੁਤਾਬਕ ਜੰਮੂ ਕਸ਼ਮੀਰ ਦੇ ਨੌਸ਼ੇਰਾ ਵਿਚ ਪਾਕਿਸਤਾਨ ਦੇ ਜਹਾਜ਼ਾ ਨੇ ਪੁੰਛ ਅਤੇ ਰਾਜੌਰੀ ਦੇ ਇਲਾਕੇ ਵਿਚ ਬੰਬ ਵੀ ਸੁੱਟੇ। ਭਾਰਤੀ ਹਵਾਈ ਫੌਜ ਨੇ ਜਵਾਬੀ ਕਾਰਵਾਈ ਵਿਚ ਪਾਕਿਸਤਾਨ ਦੇ ਲੜਾਕੂ ਜਹਾਜ਼ ਨੂੰ ਤਬਾਹ ਕਰ ਦਿੱਤਾ। ਇਸ ਦੌਰਾਨ ਨੌਸ਼ੇਰਾ ਦੀ ਵਾਰਮ ਵੈਲੀ ਵਿਚ ਪਾਕਿਸਤਾਨ ਦੇ ਇੱਕ ਲੜਾਕੂ ਜਹਾਜ਼ ਐਫ-16 ਨੂੰ ਭਾਰਤ ਨੇ ਤਬਾਹ ਕਰ ਦਿੱਤਾ।