Vivek Oberoi's movie earns crores on the third day

ਨਵੀਂ ਦਿੱਲੀ: ਬਾਲੀਵੁਡ ਐਕਟਰ ਵਿਵੇਕ ਓਬਰਾਏ ਦੀ ਫਿਲਮ 'ਪੀਐਮ ਨਰਿੰਦਰ ਮੋਦੀ' ਨੇ ਰੀਲੀਜ਼ ਦੇ ਤੀਸਰੇ ਦਿਨ ਕਰੋੜਾਂ ਦੀ ਕਮਾਈ ਕੀਤੀ ਹੈ। ਫਿਲਮ ਪੀਐਮ ਨਰਿੰਦਰ ਮੋਦੀ ਨੇ ਸ਼ੁੱਕਰਵਾਰ ਨੂੰ 2.88 ਕਰੋੜ ਅਤੇ ਸ਼ਨੀਵਾਰ ਨੂੰ 3.76 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਤਰਣ ਆਦਰਸ਼ ਨੇ ਵਿਵੇਕ ਓਬਰਾਏ ਦੀ ਫਿਲਮ ਦੀ ਕਮਾਈ ਨੂੰ ਲੈ ਕੇ ਜਾਣਕਾਰੀ ਦਿੱਤੀ ਸੀ।  ਫਿਲਮ ਨੇ ਐਤਵਾਰ ਨੂੰ 4 ਕਰੋੜ ਤੋਂ ਵੱਧ ਕਮਾਈ ਕਰ ਲਈ ਹੋਵੇਗੀ।

ਹਾਲਾਂਕਿ ਫਿਲਮ ਅਨੁਮਾਨ ਦੇ ਮੁਤਾਬਕ, ਬੰਪਰ ਓਪਨਿੰਗ ਲੈਣ ਵਿਚ ਸਫਲ ਨਹੀਂ ਰਹੀ ਸੀ ਪਰ ਹੁਣ ਫਿਲਮ ਦੀ ਕਮਾਈ ਦਾ ਗ੍ਰਾਫ ਵਧ ਰਿਹਾ ਹੈ ਅਤੇ ਉਮੀਦ ਹੈ ਕਿ ਪੀਐਮ ਮੋਦੀ ਦੇ ਪ੍ਰਤੀ ਦੀਵਾਨਗੀ ਲੋਕਾਂ ਨੂੰ ਸਿਨੇਮਾ ਘਰਾਂ ਤੱਕ ਲਿਆਉਣ ਵਿਚ ਸਫਲ ਰਹੇਗੀ। ਇਸ ਫਿਲਮ ਨੂੰ ਲੈ ਕੇ ਕਈ ਰਾਜਨੀਤਿਕ ਆਗੂਆਂ ਨੇ ਵਿਰੋਧ ਕੀਤਾ ਸੀ। ਕਈਆ ਨੇ ਦੋਸ਼ ਲਗਾਇਆ ਕਿ ਫਿਲਮ ਦੇ ਜਰੀਏ ਨਰਿੰਦਰ ਮੋਦੀ ਦਾ ਪ੍ਰਚਾਰ ਕੀਤਾ ਜਾਵੇਗਾ। ਜਿਹੜਾ ਕਿ ਨਿਯਮਾਂ ਦੇ ਖਿਲਾਫ਼ ਹੈ। ਵਿਰੋਧੀ ਦਲਾਂ ਦੀ ਅਪੀਲ ਤੋਂ ਬਾਅਦ ਫਿਲਮ ਦੀ ਰਿਲੀਜ਼ ਤਾਰੀਕ ਨੂੰ ਚੋਣ ਨਤੀਜਿਆਂ ਤੋਂ ਬਾਅਦ ਕਰ ਦਿੱਤਾ ਗਿਆ।

ਵਿਵੇਕ ਓਬਰਾਏ ਦੇ ਪਿਛਲੇ ਕੁੱਝ ਸਾਲਾਂ ਵਿਚ ਦਿਨ ਮਾੜੇ ਚੱਲ ਰਹੇ ਸਨ ਇਸ ਲਈ ਉਸ ਨੇ ਸੋਚਿਆ ਕਿ ਮੋਦੀ ਦੇ ਜੀਵਨ ਦੀ ਫ਼ਿਲਮ ਬਣਾ ਕੇ ਉਹ ਆਪਣੀ ਜਿੰਦਗੀ ਨੂੰ ਸਫ਼ਲ ਕਰ ਲਵੇਗਾ ਪਰ ਅਜਿਹਾ ਨਹੀਂ ਹੋਇਆ। ਕਈਆਂ ਦਾ ਕਹਿਣਾ ਹੈ ਕਿ ਵਿਵੇਕ ਓਬਰਾਏ ਇਸ ਫ਼ਿਲਮ ਨੂੰ ਹੋਰ ਵੀ ਨਿਖਾਰ ਸਕਦੇ ਸਨ ਪਰ ਉਹ ਅਸਫ਼ਲ ਰਹੇ। ਇਸ ਫ਼ਿਲਮ ਦੇ ਚਲਦੇ ਵਿਵੇਕ ਓਬਰਾਏ ਕਈ ਵਾਰ ਵਿਰੋਧੀਆਂ ਦੇ ਨਿਸ਼ਾਨੇ ਤੇ ਵੀ ਆਏ। ਫਿਲਮ ਰਿਲੀਜ਼ ਤੋਂ ਦੋ ਦਿਨ ਪਹਿਲਾ ਵਿਵੇਕ ਓਬਰਾਏ ਨੂੰ ਮਾਰਨ ਦੀ ਵੀ ਧਮਕੀ ਮਿਲੀ ਜਿਸ ਨੂੰ ਲੈ ਕੇ ਵਿਵੇਕ ਓਬਰਾਏ ਲਈ ਦਿੱਲੀ ਪੁਲਿਸ ਵੱਲੋਂ ਉਹਨਾਂ ਦਾ ਸਾਥ ਵੀ ਦਿੱਤਾ ਗਿਆ।