ਪ੍ਰਤਾਪ ਸਿੰਘ ਬਾਜਵਾ ਰਾਜ ਸਭਾ ਵਿਧਾਨ ਸਬੰਧੀ ਕਮੇਟੀ ਦੇ ਚੇਅਰਮੈਨ ਨਿਯੁਕਤ

ਨਵੀਂ ਦਿੱਲੀ, 26 ਮਈ: ਪੰਜਾਬ ਦੇ ਕਾਂਗਰਸ ਤੋਂ ਰਾਜ ਸਭਾ ਮੈਂਬਰ ਪ੍ਰਤਾਪ ਸਿੰਘ ਬਾਜਵਾ ਨੂੰ ਅਧੀਨ ਵਿਧਾਨ ਸਬੰਧੀ ਕਮੇਟੀ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਹੈ। ਸੂਤਰਾਂ ਅਨੁਸਾਰ ਰਾਜ ਸਭਾ ਦੇ ਸਭਾਪਤੀ ਐਮ. ਵੈਂਕਈਆ ਨਾਇਡੂ ਨੇ ਉਨ੍ਹਾਂ ਨੂੰ ਨਿਯੁਕਤ ਕੀਤਾ।

ਬਾਜਵਾ ਕਾਂਗਰਸ ਦੇ ਟੀ. ਸੁਬੀਰਾਮੀ ਰੈੱਡੀ ਦੀ ਥਾਂ ਲੈਣਗੇ ਜੋ ਹਾਲ ਹੀ 'ਚ ਸਦਨ ਤੋਂ ਸੇਵਾਮੁਕਤ ਹੋਏ ਹਨ। ਅਧੀਨ ਵਿਧਾਨ ਸਬੰਧੀ ਸੰਸਦੀ ਕਮੇਟੀ ਸਰਕਾਰ ਵਲੋਂ ਨਿਯਮ ਅਤੇ ਕਾਨੂੰਨ ਬਣਾਏ ਜਾਣ 'ਤੇ ਗ਼ੌਰ ਕਰਦੀ ਹੈ।  (ਪੀਟੀਆਈ)