Himachal News: ਹਿਮਾਚਲ 'ਚ ਬਰਫ਼ਬਾਰੀ ਦੇਖਣ ਪੁੱਜੀ ਸੈਲਾਨੀਆਂ ਦੀ ਭੀੜ, 48 ਘੰਟਿਆਂ 'ਚ 80 ਹਜ਼ਾਰ ਵਾਹਨਾਂ 'ਚ 3 ਲੱਖ ਸੈਲਾਨੀ ਪਹੁੰਚੇ
Himachal News: ਸ਼ਿਮਲਾ ਅਤੇ ਕੁੱਲੂ-ਮਨਾਲੀ ਲੋਕਾਂ ਦਾ ਮਨਪਸੰਦ ਸਥਾਨ
Himachal update News in punjabi : ਹਿਮਾਚਲ 'ਚ ਬਰਫ਼ਬਾਰੀ ਦੇਖਣ ਲਈ ਸੈਲਾਨੀਆਂ ਦੀ ਭੀੜ ਪੁੱਜਣੀ ਸ਼ੁਰੂ ਹੋ ਗਈ ਹੈ। ਹਾਲਾਤ ਇਹ ਹਨ ਕਿ 24 ਤੋਂ 26 ਦਸੰਬਰ ਤੱਕ ਯਾਨੀ ਸਿਰਫ਼ 48 ਘੰਟਿਆਂ 'ਚ ਸੂਬੇ 'ਚ 81 ਹਜ਼ਾਰ ਵਾਹਨਾਂ 'ਚ 3 ਲੱਖ ਸੈਲਾਨੀ ਹਿਮਾਚਲ ਪਹੁੰਚੇ ਚੁੱਕੇ ਹਨ।
ਸ਼ਿਮਲਾ ਵਿਚ ਸਭ ਤੋਂ ਵੱਧ ਸੈਲਾਨੀ ਪਹੁੰਚਣ ਦੀ ਖ਼ਬਰ ਹੈ। ਪੁਲਿਸ ਦੇ ਅੰਕੜਿਆਂ ਅਨੁਸਾਰ 65 ਹਜ਼ਾਰ ਵਾਹਨਾਂ ਵਿਚ 2 ਲੱਖ ਦੇ ਕਰੀਬ ਸੈਲਾਨੀ ਇੱਥੇ ਗਏ ਹਨ। ਕੁੱਲੂ ਜ਼ਿਲ੍ਹਾ ਦੂਜੇ ਨੰਬਰ 'ਤੇ ਹੈ ਜਿੱਥੇ ਪਿਛਲੇ 2 ਦਿਨਾਂ 'ਚ 16 ਹਜ਼ਾਰ ਵਾਹਨਾਂ 'ਚ ਕਰੀਬ 1.25 ਲੱਖ ਸੈਲਾਨੀ ਪਹੁੰਚ ਚੁੱਕੇ ਹਨ। ਕੁੱਲੂ ਅਤੇ ਮਨਾਲੀ ਤੋਂ ਇਲਾਵਾ ਨੇੜਲੇ ਸੈਰ-ਸਪਾਟਾ ਸਥਾਨਾਂ 'ਤੇ ਵੀ ਪਹੁੰਚ ਰਹੇ ਹਨ।
ਇਕ ਪਾਸੇ ਸੈਲਾਨੀ ਪੈਰਾ ਗਲਾਈਡਿੰਗ, ਸਨੋ-ਬਾਈਕ ਰਾਈਡਿੰਗ, ਸਕੀਇੰਗ, ਘੋੜਸਵਾਰੀ, ਨਰਕੰਡਾ, ਮਹਾਸੂ ਪੀਕ, ਕੁਫਰੀ ਵਿਚ ਯਾਕ ਰਾਈਡਿੰਗ ਅਤੇ ਦੂਜੇ ਪਾਸੇ ਸ਼ਿਮਲਾ ਦੇ ਮਹਾਸੂ ਪੀਕ ਤੋਂ ਦੂਰਬੀਨ ਰਾਹੀਂ ਹਿਮਾਚਲ ਨਾਲ ਲੱਗਦੀ ਚੀਨ ਦੀ ਸਰਹੱਦ ਅਤੇ ਸਾਹਮਣੇ ਬਰਫ਼ ਨਾਲ ਢੱਕੇ ਹਿਮਾਲਿਆ ਨੂੰ ਵੇਖ ਰਹੇ ਹਨ।