20 million people unemployed from 2012-2018

ਨਵੀਂ ਦਿੱਲੀ: ਨੈਸ਼ਨਲ ਸੈਂਪਲ ਸਰਵੇਅ ਆਫ਼ਿਸ (ਐਨਐਸਐਸਓ) ਦੀ ਰਿਪੋਰਟ ਦੇ ਮੁਤਾਬਕ, ਵਿੱਤੀ ਸਾਲ 2011-12 ਤੋਂ ਲੈ ਕੇ ਵਿੱਤੀ ਸਾਲ 2017-18 ਦੇ ਦੌਰਾਨ ਪੰਜ ਸਾਲਾਂ ਵਿਚ ਦੇਸ਼ ਵਿਚ ਪੁਰਸ਼ ਕਾਰਜਬਲ ਵਿਚ ਲਗਭੱਗ ਦੋ ਕਰੋੜ ਦੀ ਕਮੀ ਆਈ। ਐਨਐਸਐਸ ਦੀ ਇਸ ਰਿਪੋਰਟ ਨੂੰ ਹਾਲ ਹੀ ਵਿਚ ਸਰਕਾਰ ਨੇ ਦਬਾ ਦਿਤਾ।

ਐਨਐਸਐਸਓ ਦੀ ਆਵਧਿਕ ਲੇਬਰ ਫੋਰਸ ਸਰਵੇਖਣ (ਪੀਐਲਐਫ਼ਐਸ) ਰਿਪੋਰਟ 2017-18 ਦੀ ਸਮੀਖਿਆ ਵਿਚ ਦੱਸਿਆ ਗਿਆ ਹੈ ਕਿ ਸਾਲ 2017-18  ਦੇ ਦੌਰਾਨ ਸਿਰਫ 28.6 ਕਰੋੜ ਵਿਅਕਤੀ ਹੀ ਦੇਸ਼ ਵਿਚ ਰੋਜ਼ਗਾਰ ਵਿਚ ਸਨ ਜਦੋਂ ਕਿ 2011-12 ਵਿਚ 30.4 ਕਰੋੜ ਵਿਅਕਤੀ ਰੋਜ਼ਗਾਰ ਵਿਚ ਸਨ। ਇਹ ਸਮੀਖਿਆ ਅਜੇ ਸਰਵਜਨਿਕ ਨਹੀਂ ਹੋਈ ਹੈ।

ਭਾਰਤ ਦਾ ਪੁਰਸ਼ ਕਾਰਜਬਲ 1993-94 ਵਿਚ 21.9 ਕਰੋੜ ਸੀ, ਜਿਸ ਤੋਂ ਬਾਅਦ ਪਹਿਲੀ ਵਾਰ ਇਸ ਵਿਚ ਕਮੀ ਦਰਜ ਕੀਤੀ ਗਈ ਹੈ। ਪੁਰਸ਼ ਕਾਰਜਬਲ 2011-12 ਦੌਰਾਨ ਵੱਧ ਕੇ 30.4 ਕਰੋੜ ਹੋ ਗਿਆ ਜਦੋਂ ਕਿ 2017-18 ਵਿਚ ਘੱਟ ਕੇ 28.6 ਕਰੋੜ ਰਹਿ ਗਿਆ। ਪੀਐਲਐਫ਼ਐਸ ਦੀ ਰਿਪੋਰਟ ਜੁਲਾਈ 2017 ਤੋਂ ਲੈ ਕੇ ਜੂਨ 2018  ਦੇ ਵਿਚ ਤਿਆਰ ਕੀਤੀ ਗਈ।