ਦੇਸ਼ ਦੀ ਜੀ.ਡੀ.ਪੀ. ਦੇ ਇਕ ਤਿਹਾਈ ਹਿੱਸੇ ਬਰਾਬਰ ਹੈ ਭਾਰਤੀ ਅਰਬਪਤੀਆਂ ਦੀ ਦੌਲਤ
ਅਡਾਨੀ ਦੀ ਜਾਇਦਾਦ ’ਚ ਸੱਭ ਤੋਂ ਜ਼ਿਆਦਾ ਵਾਧਾ
284 ਭਾਰਤੀ ਅਰਬਪਤੀਆਂ ਦੀ ਕੁਲ ਜਾਇਦਾਦ ਦੇਸ਼ ਦੀ ਜੀ.ਡੀ.ਪੀ. ਦਾ ਇਕ ਤਿਹਾਈ ਹਿੱਸਾ ਹੈ। ਹੁਰੂਨ ਆਲਮੀ ਅਮੀਰ ਸੂਚੀ ਮੁਤਾਬਕ ਇਕ ਲੱਖ ਕਰੋੜ ਰੁਪਏ ਦੇ ਵਾਧੇ ਨਾਲ ਗੁਜਰਾਤ ਦੇ ਅਹਿਮਦਾਬਾਦ ’ਚ ਹੈੱਡਕੁਆਰਟਰ ਵਾਲੇ ਅਡਾਨੀ ਸਮੂਹ ਦੇ ਮੁਖੀ ਗੌਤਮ ਅਡਾਨੀ ਵਿਸ਼ਵ ਪੱਧਰ ’ਤੇ ਸੱਭ ਤੋਂ ਵੱਧ ਜਾਇਦਾਦ ਵਧਾਉਣ ਵਾਲੇ ਵਿਅਕਤੀ ਬਣ ਕੇ ਉਭਰੇ ਹਨ।
ਰਿਲਾਇੰਸ ਇੰਡਸਟਰੀਜ਼ ਦੇ ਮੁਕੇਸ਼ ਅੰਬਾਨੀ ਦੀ ਜਾਇਦਾਦ 13 ਫੀ ਸਦੀ ਘੱਟ ਕੇ 8.6 ਲੱਖ ਕਰੋੜ ਰੁਪਏ ਰਹਿ ਗਈ ਹੈ। ਉਨ੍ਹਾਂ ਦੀ 100 ਅਰਬ ਡਾਲਰ ਦੀ ਜਾਇਦਾਦ ਨੇ ਉਨ੍ਹਾਂ ਨੂੰ ਸੱਭ ਤੋਂ ਅਮੀਰ ਏਸ਼ੀਆਈ ਹੋਣ ਦਾ ਖਿਤਾਬ ਦੁਬਾਰਾ ਹਾਸਲ ਕਰਨ ’ਚ ਸਹਾਇਤਾ ਕੀਤੀ ਹੈ। ਅਡਾਨੀ ਦੀ ਕਿਸਮਤ ਨੂੰ ਉਸ ਸਮੇਂ ਵੱਡਾ ਝਟਕਾ ਲੱਗਾ ਸੀ ਜਦੋਂ ਹਿੰਡਨਬਰਗ ਦੀ ਰੀਪੋਰਟ ਵਿਚ ਸਮੂਹ ਵਿਚ ਸ਼ਾਸਨ ਦੀਆਂ ਖਾਮੀਆਂ ਵਲ ਇਸ਼ਾਰਾ ਕੀਤਾ ਗਿਆ ਸੀ, ਜਿਸ ਵਿਚ ਪਿਛਲੇ ਸਾਲ ਉਨ੍ਹਾਂ ਦੀ ਜਾਇਦਾਦ ਵਿਚ 13 ਫੀ ਸਦੀ ਦਾ ਵਾਧਾ ਹੋਇਆ ਹੈ। ਰੀਪੋਰਟ ’ਚ ਕਿਹਾ ਗਿਆ ਹੈ ਕਿ ਦੇਸ਼ ’ਚ 284 ਅਰਬਪਤੀ ਹਨ, ਜਿਨ੍ਹਾਂ ਦੀ ਕੁਲ ਜਾਇਦਾਦ 10 ਫੀ ਸਦੀ ਵਧ ਕੇ 98 ਲੱਖ ਕਰੋੜ ਰੁਪਏ ਜਾਂ ਦੇਸ਼ ਦੀ ਜੀ.ਡੀ.ਪੀ. ਦਾ ਇਕ ਤਿਹਾਈ ਹੋ ਗਈ ਹੈ।
ਦਿਲਚਸਪ ਗੱਲ ਇਹ ਹੈ ਕਿ ਕੁੱਝ ਹੱਥਾਂ ਵਿਚ ਦੌਲਤ ਕੇਂਦਰਿਤ ਹੋਣ ਦੀਆਂ ਚਿੰਤਾਵਾਂ ਦੇ ਵਿਚਕਾਰ ਸੂਚੀ ਵਿਚ ਕਿਹਾ ਗਿਆ ਹੈ ਕਿ ਭਾਰਤ ਨੇ ਹਰ ਅਰਬਪਤੀ ਦੀ ਔਸਤ ਜਾਇਦਾਦ 34,514 ਕਰੋੜ ਰੁਪਏ ਦੇ ਮਾਮਲੇ ਵਿਚ ਚੀਨ ਨੂੰ ਪਿੱਛੇ ਛੱਡ ਦਿਤਾ ਹੈ, ਜਦਕਿ ਚੀਨ ਵਿਚ ਇਹ 29,027 ਕਰੋੜ ਰੁਪਏ ਹੈ।
15 ਜਨਵਰੀ ਤਕ ਦੀ ਸੂਚੀ ’ਚ ਕਿਹਾ ਗਿਆ ਹੈ ਕਿ ਪਿਛਲੇ ਇਕ ਸਾਲ ’ਚ 175 ਭਾਰਤੀ ਅਰਬਪਤੀਆਂ ਦੀ ਜਾਇਦਾਦ ’ਚ ਵਾਧਾ ਹੋਇਆ ਹੈ, ਜਦਕਿ 109 ਦੀ ਜਾਇਦਾਦ ’ਚ ਗਿਰਾਵਟ ਆਈ ਹੈ।
ਰੋਸ਼ਨੀ ਨਾਦਰ 3.5 ਲੱਖ ਕਰੋੜ ਰੁਪਏ ਦੀ ਜਾਇਦਾਦ ਨਾਲ ਸੱਭ ਤੋਂ ਅਮੀਰ ਭਾਰਤੀ ਮਹਿਲਾ ਅਤੇ ਵਿਸ਼ਵ ਪੱਧਰ ’ਤੇ ਪੰਜਵੀਂ ਸੱਭ ਤੋਂ ਅਮੀਰ ਔਰਤ ਬਣ ਗਈ ਹੈ।
ਸ਼ਹਿਰ ਦੇ ਨਜ਼ਰੀਏ ਤੋਂ, ਮੁੰਬਈ ’ਚ 11 ਅਰਬਪਤੀ ਵਧੇ ਹਨ, ਜਿਸ ਨਾਲ ਸ਼ਹਿਰ ’ਚ ਅਰਬਪਤੀਆਂ ਦੀ ਗਿਣਤੀ 90 ਹੋ ਗਈ। ਪਰ ਇਸ ਸਾਲ ਸ਼ੰਘਾਈ ਤੋਂ ਏਸ਼ੀਆ ਦੀ ਅਰਬਪਤੀ ਰਾਜਧਾਨੀ ਹੋਣ ਦਾ ਖ਼?ਤਾਬ ਖੁਸ ਗਿਆ ਹੈ।
ਸੂਚੀ ਮੁਤਾਬਕ ਭਾਰਤ ’ਚ ਸਿਹਤ ਉਦਯੋਗ ’ਚ ਅਰਬਪਤੀਆਂ ਦੀ ਸੱਭ ਤੋਂ ਵੱਡੀ ਗਿਣਤੀ 53 ਹੈ, ਇਸ ਤੋਂ ਬਾਅਦ 35 ਪ੍ਰਵੇਸ਼ਕਰਤਾਵਾਂ ਦੇ ਨਾਲ ਖਪਤਕਾਰ ਵਸਤੂਆਂ ਅਤੇ 32 ਦੇ ਨਾਲ ਉਦਯੋਗਿਕ ਉਤਪਾਦਾਂ ਦਾ ਨੰਬਰ ਆਉਂਦਾ ਹੈ।
ਸੂਚੀ ਵਿਚ ਕਿਹਾ ਗਿਆ ਹੈ ਕਿ ਭਾਰਤੀ ਅਰਬਪਤੀਆਂ ਦੀ ਔਸਤ ਉਮਰ 68 ਸਾਲ ਹੈ, ਜੋ ਵਿਸ਼ਵ ਅਰਬਪਤੀਆਂ ਦੀ ਔਸਤ ਉਮਰ ਨਾਲੋਂ ਦੋ ਸਾਲ ਜ਼ਿਆਦਾ ਹੈ। ਸੂਚੀ ਵਿਚ ਕਿਹਾ ਗਿਆ ਹੈ ਕਿ ਰੇਜ਼ਰਪੇ ਦੇ 34 ਸਾਲ ਦੇ ਸ਼ਸ਼ਾਂਕ ਕੁਮਾਰ ਅਤੇ ਹਰਸ਼ਿਲ ਮਾਥੁਰ 8,643 ਕਰੋੜ ਰੁਪਏ ਦੀ ਜਾਇਦਾਦ ਨਾਲ ਸੱਭ ਤੋਂ ਘੱਟ ਉਮਰ ਦੇ ਭਾਰਤੀ ਅਰਬਪਤੀ ਹਨ।