ਤੇਜਸ ਨੇ ਬੀਵੀਆਰ ਮਿਸਾਇਲ ਦਾ ਸਫ਼ਲ ਪ੍ਰੀਖਣ ਕੀਤਾ
ਸਵਦੇਸ਼ੀ ਰੁਪ ਤੋਂ ਵਿਕਸਤ ਹਲਕੇ ਲੜਾਕੂ ਜਹਾਜ਼ (ਐਲਸੀਏ) ਤੇਜਸ ਨੇ ਹਵਾ 'ਚ ਮਾਰ ਕਰਨ ਵਾਲੀ ਬੀਵੀਆਰ ਮਿਸਾਇਲ ਦਾ ਸਫ਼ਲ ਪ੍ਰੀਖਣ ਕੀਤਾ। ਇਸ ਦੌਰਾਨ ਤੇਜਸ ਨੇ ਇਕ ਪ੍ਰਭਾਵੀ...
ਨਵੀਂ ਦਿੱਲੀ, 28 ਅਪ੍ਰੈਲ : ਸਵਦੇਸ਼ੀ ਰੁਪ ਤੋਂ ਵਿਕਸਤ ਹਲਕੇ ਲੜਾਕੂ ਜਹਾਜ਼ (ਐਲਸੀਏ) ਤੇਜਸ ਨੇ ਹਵਾ 'ਚ ਮਾਰ ਕਰਨ ਵਾਲੀ ਬੀਵੀਆਰ ਮਿਸਾਇਲ ਦਾ ਸਫ਼ਲ ਪ੍ਰੀਖਣ ਕੀਤਾ। ਇਸ ਦੌਰਾਨ ਤੇਜਸ ਨੇ ਇਕ ਪ੍ਰਭਾਵੀ ਜੰਗੀ ਜੈਟ ਦੇ ਤੌਰ 'ਤੇ ਅਪਣੀ ਪੂਰੀ ਸਮਰਥਾ ਦਿਖਾਈ ਅਤੇ ਉਹ ਅੰਤਮ ਕਾਰਜਸ਼ੀਲ ਮਨਜ਼ੂਰੀ ਹਾਸਲ ਕਰਨ ਦੇ ਬਿਲਕੁੱਲ ਕਰੀਬ ਪਹੁੰਚ ਗਿਆ।
ਰੱਖਿਆ ਮੰਤਰਾਲਾ ਦੇ ਅਧਿਕਾਰੀਆਂ ਨੇ ਦਸਿਆ ਕਿ ਕਲ ਗੋਆ 'ਚ ਸਮੁਦਰ ਕੋਲ ਪ੍ਰੀਖਣ ਦੇ ਤੌਰ 'ਤੇ ਤੇਜਸ ਤੋਂ ਇਹ ਮਿਸਾਇਲ ਤਾਣੀ ਗਈ ਜੋ ਅਪਣੀ ਸਾਰੀਆਂ ਕਾਰਜਸ਼ੀਲ ਜ਼ਰੂਰਤਾਂ 'ਤੇ ਖ਼ਰੀ ਉਤਰੀ। ਇਸ ਤੋਂ ਪਹਿਲਾਂ ਤੇਜਸ ਨੂੰ ਫੌਜੀ ਹਥਿਆਰਾਂ ਅਤੇ ਹੋਰ ਮਿਸਾਇਲਾਂ ਨਾਲ ਲੈਸ ਕਰਨ ਦੀ ਮਨਜ਼ੂਰੀ ਦਿਤੀ ਗਈ ਸੀ। ਭਾਰਤੀ ਹਵਾਈ ਫੌਜ ਨੇ 40 ਤੇਜਸ ਮਾਰਕ - 1 ਦਾ ਆਰਡਰ ਦਿਤਾ ਸੀ। ਹਵਾਈ ਫੌਜ ਨੇ ਫਿਰ ਦਸੰਬਰ 'ਚ ਕਰੀਬ 50,000 ਕਰੋਡ਼ ਰੁਪਏ ਦੀ ਲਾਗਤ ਤੋਂ 83 ਹੋਰ ਤੇਜਸ ਦੀ ਖ਼ਰੀਦ ਲਈ ਐਚਏਐਲ ਨੂੰ ਬੇਨਤੀ ਕੀਤੀ ਸੀ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਬੀਵੀਆਰ ਮਿਸਾਇਲ ਦੇ ਸਫ਼ਲ ਪ੍ਰੀਖਣ ਨਾਲ ਇਸ ਜਹਾਜ਼ ਨੂੰ ਆਖਰੀ ਕਾਰਵਾਈ ਲਈ ਮਨਜ਼ੂਰੀ ਮਿਲਣ 'ਚ ਤੇਜ਼ੀ ਆਵੇਗੀ। ਉਸ ਨੂੰ ਸਰਕਾਰੀ ਹਿੰਦੁਸਤਾਨ ਏਅਰੋਨਾਟੀਕਸ ਲਿਮਟਿਡ ਅਤੇ ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ ਦੀ ਏਅਰੋਨਾਟੀਕਸ ਡਿਵੈਲਪਮੈਂਟ ਏਜੰਸੀ ਨੇ ਮਿਲ ਕੇ ਤਿਆਰ ਕੀਤਾ ਹੈ। ਰੱਖਿਆ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਤੇਜਸ ਨੂੰ ਵਿਸ਼ਵ ਪੱਧਰ ਤੇ ਜਹਾਜ਼ ਬਣਾਉਣ ਲਈ ਡੀਆਰਡੀਓ ਅਤੇ ਹੋਰ ਏਜੰਸੀਆਂ ਨੂੰ ਵਧਾਈ ਦਿਤੀ।
ਡੀਆਰਡੀਓ ਦੇ ਪ੍ਰਧਾਨ ਐਸ ਕ੍ਰਿਸਟੋਫ਼ਰ ਨੇ ਕਿਹਾ ਕਿ ਇਸ ਪ੍ਰੀਖਣ ਦੇ ਨਾਲ ਹੀ ਤੇਜਸ ਨੇ ਐਫਓਸੀ ਪ੍ਰਮਾਣੀਕਰਣ ਦੀ ਦਿਸ਼ਾ 'ਚ ਇਕ ਬਹੁਤ ਵੱਡਾ ਕਦਮ ਚੁਕਿਆ ਹੈ। ਜਿਸ ਤੇਜਸ ਨੇ ਮਿਸਾਇਲ ਤਾਣੀ ਉਸ ਨਾਲ ਦੋ ਹੋਰ ਤੇਜਸ ਸਨ ਤਾਕਿ ਇਸ ਘਟਨਾ ਨੂੰ ਉੱਚ ਸਮਰਥਾ ਵਾਲੇ ਕੈਮਰਿਆਂ ਤੋਂ ਕੈਦ ਕੀਤਾ ਜਾ ਸਕੇ ਅਤੇ ਉਸ ਦਾ ਇਸ ਮਿਸਾਇਲ ਦੇ ਪ੍ਰੀਖਣ ਦਾ ਵਿਸ਼ਲੇਸ਼ਣ ਕੀਤਾ ਜਾ ਸਕੇ।