lockdown

ਨਵੀਂ ਦਿੱਲੀ : ਦਿੱਲੀ ਵਿਚ ਕਰੋਨਾ ਵਾਇਰਸ ਦੇ ਕੇਸਾਂ ਵਿਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਜਿਸ ਤੋਂ ਬਾਅਦ  ਦਿੱਲੀ NCR ਦੇ ਸੰਪਰਕ ਵਿਚ ਆਉਂਣ ਵਾਲੇ ਸ਼ਹਿਰ ਵੀ ਹੁਣ ਕਰੋਨਾ ਵਇਰਸ ਦੇ ਡਰ ਕਾਰਨ ਦਿੱਲੀ ਤੋਂ ਦੂਰੀ ਬਣਾ ਰਹੇ ਹਨ। ਕੁਝ ਸਮਾਂ ਪਹਿਲਾਂ ਉਤਰ ਪ੍ਰਦੇਸ਼ ਦੇ ਨੋਇਡਾ ਅਤੇ ਗਾਜ਼ੀਆਬਾਦ  ਦੇ ਪ੍ਰਸ਼ਾਸ਼ਨ ਨੇ ਦਿੱਲੀ ਦੀ ਸੀਮਾਂ ਨੂੰ ਸੀਲ ਕਰ ਦਿੱਤੀ ਸੀ ਹੁਣ ਇਸ ਤਹਿਤ ਹਰਿਆਣਾ ਨੇ ਵੀ ਦਿੱਲੀ ਨਾਲ ਲੱਗ ਵਾਲੇ ਆਪਣੇ ਸਾਰੇ ਬਾਡਰ ਸੀਲ ਕਰ ਦਿੱਤੇ ਹਨ ਕਿਉਂਕਿ ਉਨ੍ਹਾਂ ਦਾ ਅਰੋਪ ਹੈ ਕਿ ਆਉਂਣ-ਜਾਣ  ਕਾਰਨ ਉਨ੍ਹਾਂ ਦੇ ਸ਼ਹਿਰ ਵਿਚ ਵੀ ਕਰੋਨਾ ਫੈਲ ਰਿਹਾ ਹੈ।

ਇਸ ਵਿਚ ਹੁਣ ਕੇਵਲ ਪਾਸਧਾਰਕਾਂ ਨੂੰ ਜਾਣ ਦੀ ਆਗਿਆ ਦਿੱਤੀ ਜਾ ਰਹੀ ਹੈ। ਦੱਸ ਦੱਈਏ ਕਿ ਇਸ ਤੋਂ ਪਹਿਲਾਂ ਹਰਿਆਣਾ ਨੇ ਪਹਿਲਾਂ ਦਿੱਲੀ ਨਾਲ ਲੱਗੇ ਸੋਨੀਪਤ ਅਤੇ ਝੱਜਰ ਦੀਆਂ ਸੀਮਾਵਾਂ ਨੂੰ ਸੀਲ ਕੀਤਾ ਸੀ ਪਰ ਹੁਣ ਗੁੜਗਾਂਓ ਅਤੇ ਫਰੀਦਾਬਾਦ ਨੂੰ ਵੀ ਸੀਲ ਕਰ ਦਿੱਤਾ ਹੈ। ਜਿਸ ਤੋਂ ਬਾਅਦ ਹੁਣ ਹਰਿਆਣਾ ਨੇ ਦਿੱਲੀ ਤੋਂ ਪੂਰੀ ਤਰ੍ਹਾਂ ਦੂਰੀ ਬਣਾ ਲਈ ਹੈ। ਇਸ ਤੋਂ ਇਲਾਵਾ ਹਰਿਆਣਾ ਤੋਂ ਦਿੱਲੀ ਜਾਣ ਵਾਲੀਆਂ ਗੱਡੀਆਂ ਤੇ ਵੀ ਸਰਕਾਰ ਨੇ ਰੋਕ ਲਗਾ ਦਿੱਤੀ ਹੈ। ਉਧਰ ਹਰਿਆਣਾ ਦੇ ਸਿਹਤ ਮੰਤਰੀ ਅਨਿਲ ਵਿਜ ਦਾ ਅਰੋਪ ਹੈ ਕਿ ਹਰਿਆਣਾ ਵਿਚ ਰਹਿ ਕੇ ਦਿੱਲੀ ਕੰਮ ਕਰਨ ਵਾਲਿਆ ਦੀ ਕਾਰਨ ਹਰਿਆਣਾ ਵਿਚ ਕਰੋਨਾ ਫੈਲ ਰਿਹਾ ਹੈ।

ਅਜਿਹੇ ਵਿਚ ਦਿੱਲੀ ਸਰਕਾਰ ਨੂੰ ਹਰਿਆਣਾ ਦੇ ਉਨ੍ਹਾਂ ਲੋਕਾਂ ਲਈ ਰਹਿਣ ਦਾ ਪ੍ਰਬੰਧ ਕਰਨਾ ਚਾਹੀਦੀ ਹੈ ਜਿਹੜੇ ਦਿੱਲੀ ਵਿਚ ਕੰਮ ਕਰਦੇ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਦੱਸਿਆ ਕਿ ਪਹਿਲਾ ਵੀ ਤਬਲੀਗੀ ਜ਼ਮਾਤ ਦੇ ਕਈ ਲੋਕ ਦਿੱਲੀ ਤੋਂ ਆਏ ਜਿਨ੍ਹਾਂ ਵਿਚੋਂ 120 ਲੋਕ ਕਰੋਨਾ ਪੌਜਟਿਵ ਨਿਕਲੇ ਸਨ। ਅਨਿਲ ਵਿਜ ਨੇ ਕਿਹਾ, 'ਸੋਨੀਪਤ ਵਿਚ ਤਕਰੀਬਨ 9 ਮਰੀਜ਼ ਮਿਲੇ ਹਨ ਜੋ ਦਿੱਲੀ ਤੋਂ ਸੰਕਰਮਿਤ ਹੋਏ ਹਨ। ਪਾਣੀਪਤ ਵਿੱਚ ਇੱਕ ਪੁਲਿਸ ਅਧਿਕਾਰੀ ਕਰੋਨਾ ਦਾ ਸ਼ਿਕਾਰ ਹੋਇਆ ਹੈ। ਇਕ ਸਿਪਾਹੀ ਦੀ ਭੈਣ, ਜੋ ਕਿ ਦਿੱਲੀ ਪੁਲਿਸ ਵਿਚ ਕੰਮ ਕਰਦੀ ਹੈ, ਉਸ ਨਾਲ ਸੰਕਰਮਿਤ ਹੋ ਗਈ, ਜਿਸ ਨੇ ਫਿਰ ਪੂਰੇ ਪਰਿਵਾਰ ਨੂੰ ਕੋਰੋਨਾ ਦਾ ਸ਼ਿਕਾਰ ਬਣਾਇਆ।

ਇਸੇ ਲਈ ਮੈਂ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਅਪੀਲ ਕਰਦਾ ਹਾਂ ਕਿ ਉਹ ਦਿੱਲੀ ਵਿੱਚ ਕੰਮ ਕਰਨ ਵਾਲਿਆਂ ਲਈ ਰਿਹਾਇਸ਼ ਦਾ ਪ੍ਰਬੰਧ ਕਰਨ। ਦੱਸ ਦੇਈਏ ਕਿ ਮੰਗਲਵਾਰ ਦੁਪਹਿਰ ਤੱਕ ਹਰਿਆਣਾ ਵਿੱਚ ਕੋਰੋਨਾ ਦੀ ਲਾਗ ਦੇ 296 ਮਾਮਲੇ ਸਾਹਮਣੇ ਆਏ ਹਨ ਜਦੋਂਕਿ 3 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਹਾਲਾਂਕਿ, ਕੋਰੋਨਾ ਦੇ 183 ਮਰੀਜ਼ ਠੀਕ ਹੋ ਗਏ ਹਨ ਅਤੇ ਘਰ ਵਾਪਸ ਚਲੇ ਗਏ ਹਨ. ਇਸ ਦੇ ਨਾਲ ਹੀ, ਦਿੱਲੀ ਵਿਚ ਕੁਲ ਮਿਲਾ ਕੇ 3,108 ਹੋ ਗਏ ਹਨ ਜਦੋਂ ਕਿ 54 ਦੀ ਮੌਤ ਹੋ ਗਈ ਹੈ. ਦਿੱਲੀ ਵਿਚ ਕੋਰੋਨਾ ਦੇ 877 ਮਰੀਜ਼ ਠੀਕ ਹੋ ਗਏ ਹਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।