Boat Capsized In Palghar : ਪਾਲਘਰ ਦੇ ਅਰਨਾਲਾ ਸਮੁੰਦਰ 'ਚ ਪਲਟੀ ਕਿਸ਼ਤੀ ,12 ਲੋਕ ਸਨ ਸਵਾਰ , ਇੱਕ ਦੀ ਮੌਤ

Boat Capsized In Palghar : ਮਹਾਰਾਸ਼ਟਰ ਦੇ ਪਾਲਘਰ ਜ਼ਿਲ੍ਹੇ ਦੇ ਵਿਰਾਰ ਅਰਨਾਲਾ ਸਮੁੰਦਰ ਵਿੱਚ ਇੱਕ ਵੱਡਾ ਕਿਸ਼ਤੀ ਹਾਦਸਾ ਵਾਪਰਿਆ ਹੈ। ਅਰਨਾਲਾ ਕਿਲ੍ਹੇ ਦੇ ਘਰਾਂ ਦੀ ਮੁਰੰਮਤ ਲਈ ਬੱਜਰੀ ਅਤੇ ਇੱਟਾਂ ਲੈ ਕੇ ਜਾ ਰਹੀ ਕਿਸ਼ਤੀ ਪਲਟ ਗਈ ਹੈ। ਕਿਸ਼ਤੀ ਵਿੱਚ ਕੁੱਲ 12 ਲੋਕ ਸਵਾਰ ਸਨ। ਇਨ੍ਹਾਂ 'ਚੋਂ 1 ਦੀ ਮੌਤ ਹੋ ਗਈ ਹੈ, ਜਦਕਿ 11 ਲੋਕਾਂ ਨੂੰ ਬਚਾ ਲਿਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਹਾਦਸੇ 'ਚ ਮਰਨ ਵਾਲੇ ਵਿਅਕਤੀ ਦਾ ਨਾਂ ਸੰਤੋਸ਼ ਮੁਕਨੇ ਹੈ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਮੌਨਸੂਨ ਤੋਂ ਪਹਿਲਾਂ ਕਿਲ੍ਹੇ ਵਿੱਚ ਮਕਾਨਾਂ ਦੀ ਮੁਰੰਮਤ ਦਾ ਕੰਮ ਚੱਲ ਰਿਹਾ ਸੀ। ਇਸ ਲਈ ਕਿਸ਼ਤੀ ਰਾਹੀਂ ਇੱਟਾਂ ਅਤੇ ਰੇਤ ਦੀ ਢੋਆ-ਢੁਆਈ ਕੀਤੀ ਜਾ ਰਹੀ ਸੀ ਪਰ ਕਿਸ਼ਤੀ ਦੀ ਰੱਸੀ ਇਸ ਕਿਸ਼ਤੀ ਦੇ ਪੱਖੇ 'ਚ ਫਸ ਗਈ ਅਤੇ ਕਿਸ਼ਤੀ ਸਮੁੰਦਰ 'ਚ ਪਲਟ ਗਈ। ਇਸ ਦੀ ਰਫ਼ਤਾਰ ਤੇਜ਼ ਸੀ। 

ਪਿੱਛੇ ਤੋਂ ਆ ਰਹੀ ਇੱਕ ਹੋਰ ਕਿਸ਼ਤੀ ਦੇ ਆਉਣ ਕਾਰਨ 11 ਲੋਕ ਸਹੀ ਸਲਾਮਤ ਕੰਢੇ 'ਤੇ ਪਹੁੰਚ ਗਏ ਅਤੇ ਉਨ੍ਹਾਂ ਦੀ ਜਾਨ ਬਚ ਗਈ ਪਰ ਇਸ ਹਾਦਸੇ 'ਚ ਇਕ ਦੀ ਮੌਤ ਹੋ ਗਈ, ਉਸ ਦੀ ਲਾਸ਼ ਦੇਰ ਤੱਕ ਨਹੀਂ ਮਿਲੀ। 

ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਅਰਨਾਲਾ ਪੁਲਿਸ ਵੱਲੋਂ ਕੋਸਟ ਗਾਰਡ ਹੈਲੀਕਾਪਟਰ ਅਤੇ ਇੱਕ ਨਿੱਜੀ ਕਿਸ਼ਤੀ ਰਾਹੀਂ ਲਾਪਤਾ ਨੌਜਵਾਨ ਦੀ ਭਾਲ ਕੀਤੀ ਜਾ ਰਹੀ ਹੈ। ਆਖਰਕਾਰ 24 ਘੰਟਿਆਂ ਬਾਅਦ ਉਸ ਦੀ ਲਾਸ਼ ਪੁਲਸ ਨੂੰ ਮਿਲ ਗਈ। ਪੁਲਿਸ ਨੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।