ਹਾਲ ਹੀ ਵਿਚ ਅਦਾਕਾਰਾ ਅਤੇ ਲੋਕ ਸਭਾ ਸੰਸਦ ਮੈਂਬਰ ਨੁਸਰਤ ਜਹਾਂ ਨੇ ਬਿਜ਼ਨੈਸ ਮੈਨ ਨਿਖਿਲ ਜੈਨ ਨਾਲ ਤੁਰਕੀ ਦੀ ਰਾਜਧਾਨੀ ਇਸਤਾਂਬੁਲ ਵਿਚ ਵਿਆਹ ਕਰਵਾਇਆ ਹੈ। ਜਦੋਂ ਨੁਸਰਤ ਨੇ ਸੋਸ਼ਲ ਮੀਡੀਆ 'ਤੇ ਅਪਣੇ ਵਿਆਹ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਤਾਂ ਲੋਕਾਂ ਨੇ ਗ਼ਲਤ ਢੰਗ ਨਾਲ ਕਮੈਂਟ ਕਰਨੇ ਸ਼ੁਰੂ ਕਰ ਦਿੱਤੇ। ਇਹਨਾਂ ਤਸਵੀਰਾਂ ਵਿਚ ਕੁੱਝ ਲੋਕ ਵਿਆਹ ਦੀਆਂ ਵਧਾਈਆਂ ਦੇ ਰਹੇ ਹਨ ਤੇ ਕੁੱਝ ਲੋਕ ਉਹਨਾਂ ਨੂੰ ਬਦਦੁਆ ਦਿੱਤੀਆਂ ਹਨ।
ਸੋਸ਼ਲ ਮੀਡੀਆ 'ਤੇ ਇਕ ਯੂਜ਼ਰ ਨੇ ਲਿਖਿਆ ਕਿ ਜੇਕਰ ਉਹ ਚੋਣਾਂ ਤੋਂ ਪਹਿਲਾਂ ਹਿੰਦੂ ਨਾਲ ਵਿਆਹ ਕਰਵਾਉਂਦੀ ਤਾਂ ਉਹ ਵੋਟਾਂ ਨਹੀਂ ਜਿੱਤ ਸਕਦੀ ਸੀ। ਲੋਕਾਂ ਨੇ ਕਿਹਾ ਕਿ ਉਸ ਨੇ ਅਪਣਾ ਇਸਲਾਮ ਛੱਡਿਆ ਹੈ।
ਇਸ ਤੋਂ ਇਲਾਵਾ ਲੋਕਾਂ ਨੇ ਇੱਥੇ ਵੀ ਕਹਿ ਦਿੱਤਾ ਕਿ ਲੋਕ ਸਭਾ ਵਿਚ ਇਕ ਮੁਸਲਿਮ ਐਮਪੀ ਘਟ ਹੋ ਗਈ ਹੈ। ਇਹ ਸਿਰਫ ਨਾਮ ਦੇ ਬਰਾਬਰ ਮੁਸਲਿਮ ਸੀ।
ਅਜਿਹੇ ਲੋਕਾਂ ਤੋਂ ਮੁਸਲਿਮ ਕਹਾਉਣ ਦਾ ਹੱਕ ਖੋਹ ਲੈਣਾ ਚਾਹੀਦਾ ਹੈ।
ਵਿਆਹ ਤੋਂ ਬਾਅਦ ਜਦੋਂ ਨੁਸਰਤ ਜਹਾਂ ਸੰਸਦ ਵਿਚ ਸਹੁੰ ਚੁੱਕਣ ਲਈ ਪਹੁੰਚੀ ਤਾਂ ਉਸ ਨੇ ਹਾਰ-ਸ਼ਿੰਗਾਰ ਲਗਾਇਆ ਹੋਇਆ ਸੀ। ਕਈ ਲੋਕਾਂ ਨੇ ਉਹਨਾਂ ਦੀ ਪ੍ਰਸ਼ੰਸ਼ਾ ਵੀ ਕੀਤੀ ਸੀ।