ਰਸੋਈ ਗੈਸ ਦੇ ਸਲੰਡਰ ਵਿਚ ਅੱਗ ਲੱਗੀ

 ਮੱਧ ਪ੍ਰਦੇਸ਼ ਦੇ ਇਸ ਸ਼ਹਿਰ ਦੇ ਉਪਨਗਰ ਨੀਮਚ ਸਿਟੀ ਵਿਚ ਅੱਜ ਖਾਣਾ ਬਣਾਉਂਦੇ ਸਮੇਂ ਰਸੋਈ ਗੈਸ ਦੇ ਸਲੰਡਰ ਵਿਚ ਰਿਸਾਅ ਹੋਣ ਨਾਲ ਲੱਗੀ ਅੱਗ ਵਿਚ ਝੁਲਸ ਜਾਣ ਕਾਰਨ ਦੋ ਔਰਤਾਂ ਦੀ ਮੌਤ ਹੋ ਗਈ। ਤਹਿਸੀਲਦਾਰ ਗੋਪਾਲ ਸੋਨੀ ਨੇ ਦਸਿਆ ਕਿ ਅਮਰ ਸਿੰਘ ਯਾਦਵ ਦੇ ਦਿਹਾਂਤ ਮਗਰੋਂ ਪਰਵਾਰ ਵਿਚ ਮਾਤਮੀ ਪ੍ਰੋਗਰਾਮ ਹੋ ਰਿਹਾ ਸੀ

ਅਤੇ ਔਰਤਾਂ ਘਰ ਅੰਦਰ ਖਾਣਾ ਬਣਾ ਰਹੀਆਂ ਸਨ। ਤਦ ਹੀ ਰਸੋਈ ਗੈਸ ਦੀ ਟੈਂਕੀ ਵਿਚ ਰਿਸਾਅ ਹੋ ਗਿਆ ਅਤੇ ਅੱਗ ਲੱਗ ਗਈ। ਉਨ੍ਹਾਂ ਦਸਿਆ ਕਿ ਅੱਗ ਦੀ ਲਪੇਟ ਵਿਚ ਆਉਣ ਨਾਲ ਗੀਤਾ ਬਾਈ ਅਤੇ ਮਾਇਆ ਬਾਈ ਦੀ ਘਟਨਾ ਸਥਾਨ 'ਤੇ ਮੌਤ ਹੋ ਗਈ। ਪੁਲਿਸ ਮਾਮਲਾ ਦਰਜ ਕਰ ਕੇ ਜਾਂਚ ਕਰ ਰਹੀ ਹੈ। (ਏਜੰਸੀ)