ਫਰਿਆਦ ਲੈ ਕੇ ਥਾਣੇ ਆਈ ਔਰਤ ਤੋਂ ਇੰਸਪੈਕਟਰ ਨੇ ਕਰਵਾਈ ਮਸਾਜ, ਵਾਇਰਲ ਹੋਈ ਵੀਡੀਓ

photo

 

ਪਟਨਾ : ਬਿਹਾਰ ਦੇ ਸਹਰਸਾ ਜ਼ਿਲ੍ਹੇ ਤੋਂ ਇੱਕ ਵੀਡੀਓ ਵਾਇਰਲ ਹੋਇਆ ਹੈ, ਜਿਸ ਵਿੱਚ ਪੁਲਿਸ ਅਧਿਕਾਰੀ ਔਰਤ ਤੋਂ ਮਾਲਸ਼ ਕਰਵਾ ਰਿਹਾ ਹੈ। ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਥਾਣੇ 'ਚ ਔਰਤ ਤੋਂ ਮਸਾਜ ਕਰਵਾ ਰਿਹਾ ਇੰਸਪੈਕਟਰ ਫੋਨ 'ਤੇ ਕਿਸੇ ਨਾਲ ਗੱਲ ਕਰ ਰਿਹਾ ਹੈ ਅਤੇ ਨਾਲ ਹੀ ਔਰਤ ਨੂੰ ਮਦਦ ਦਾ ਭਰੋਸਾ ਦੇ ਰਿਹਾ ਹੈ। ਉਸੇ ਸਮੇਂ ਕੁਰਸੀ 'ਤੇ ਇਕ ਹੋਰ ਔਰਤ ਬੈਠੀ ਹੈ। ਇਸ ਦੌਰਾਨ ਉਸ ਦੀ ਵਰਦੀ ਵੀ ਕਮਰੇ ਵਿੱਚ ਰੱਸੀ ਉਤੇ ਲਟਕਦੀ ਨਜ਼ਰ ਆ ਰਹੀ ਹੈ। ਇੰਸਪੈਕਟਰ ਦਾ ਨਾਂ ਸ਼ਸ਼ੀ ਭੂਸ਼ਣ ਸਿਨਹਾ ਹੈ ਅਤੇ ਉਹ ਨਵਹੱਟਾ ਥਾਣੇ 'ਚ ਤਾਇਨਾਤ ਸੀ। ਉਸ ਨੂੰ ਇਕ ਔਰਤ ਤੋਂ ਮਸਾਜ ਕਰਵਾਉਣ ਦਾ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਮੁਅੱਤਲ ਕਰ ਦਿੱਤਾ ਗਿਆ ਹੈ।

 

ਖਬਰਾਂ ਮੁਤਾਬਕ ਮਹਿਲਾ ਆਪਣੇ ਬੇਟੇ (ਬਲਾਤਕਾਰ ਦੇ ਦੋਸ਼ੀ) ਦੀ ਜ਼ਮਾਨਤ ਲਈ ਥਾਣੇ ਆਈ ਸੀ। ਇੰਸਪੈਕਟਰ ਨੇ ਕਥਿਤ ਤੌਰ 'ਤੇ ਉਸ ਨੂੰ ਪਹਿਲਾਂ ਮਾਲਸ਼ ਕਰਨ ਲਈ ਕਿਹਾ। ਨਾਲ ਹੀ ਉਸ ਨੂੰ ਭਰੋਸਾ ਦਿੱਤਾ ਕਿ ਤੁਹਾਡੇ ਲੜਕੇ ਨੂੰ ਜਲਦੀ ਜ਼ਮਾਨਤ ਮਿਲ ਜਾਵੇਗੀ। ਇਸ ਦੌਰਾਨ ਇੰਸਪੈਕਟਰ ਔਰਤ ਦੇ ਬੇਟੇ ਦੀ ਜ਼ਮਾਨਤ ਲਈ ਵਕੀਲ ਨਾਲ ਫੋਨ 'ਤੇ ਗੱਲ ਕਰਦਾ ਰਿਹਾ।

ਇਸ ਮਾਮਲੇ 'ਤੇ ਸਹਿਰਸਾ ਦੇ ਪੁਲਿਸ ਸੁਪਰਡੈਂਟ ਲਿਪੀ ਸਿੰਘ ਨੇ ਕਿਹਾ, 'ਸਾਡੇ ਸਾਹਮਣੇ ਤਤਕਾਲੀ ਪੁਲਿਸ ਸਟੇਸ਼ਨ ਅਧਿਕਾਰੀ ਓਪੀ ਸ਼ਸ਼ੀਭੂਸ਼ਣ ਸਿਨਹਾ ਦਾ ਵਾਇਰਲ ਵੀਡੀਓ ਆਇਆ ਹੈ। ਇਸ ਦੀ ਸੱਚਾਈ ਦੀ ਜਾਂਚ ਲਈ ਐਸਡੀਪੀਓ ਨੂੰ ਸਦਰ ਭੇਜਿਆ ਗਿਆ। ਸ਼ਸ਼ੀਭੂਸ਼ਣ ਸਿਨਹਾ ਉੱਥੇ ਤਾਇਨਾਤ ਸਨ, ਜਿਸ ਇਲਾਕੇ 'ਚ ਬਲਾਤਕਾਰ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਇਸ ਵੀਡੀਓ 'ਚ ਬਲਾਤਕਾਰ ਦੇ ਦੋਸ਼ੀ ਦੀ ਮਾਂ ਦੇ ਕਹਿਣ 'ਤੇ ਉਹ 10 ਹਜ਼ਾਰ ਰੁਪਏ 'ਚ ਜ਼ਮਾਨਤ ਕਰਵਾਉਣ ਲਈ ਵਕੀਲ ਨਾਲ ਗੱਲ ਕਰ ਰਿਹਾ ਹੈ।

 

ਉਸ ਦੇ ਬੈਠਣ ਦੇ ਢੰਗ ਨਾਲ ਜਾਂ ਉਸ ਦਾ ਆਚਰਣ ਕੀ ਹੈ, ਉਸ ਦੀ ਸਰੀਰਕ ਭਾਸ਼ਾ ਜਾਂ ਉਹ ਜੋ ਕੁਝ ਵੀ ਕਰ ਰਿਹਾ ਹੈ, ਇਹ ਅਨੁਸ਼ਾਸਨਹੀਣਤਾ, ਹੰਕਾਰ ਨੂੰ ਪਰਿਭਾਸ਼ਤ ਕਰਦਾ ਹੈ। ਇਸ ਦੇ ਨਾਲ ਹੀ ਇੱਕ ਚੰਗੇ ਪੁਲਿਸ ਅਧਿਕਾਰੀ ਦਾ ਆਚਰਣ ਬਿਲਕੁਲ ਉਲਟ ਹੈ। ਲਿਪੀ ਸਿੰਘ ਨੇ ਦੱਸਿਆ ਕਿ ਇਸ ਮਾਮਲੇ ਵਿੱਚ ਐਸਐਚਓ ਸ਼ਸ਼ੀਭੂਸ਼ਣ ਸਿਨਹਾ ਨੂੰ ਮੁਅੱਤਲ ਕਰਕੇ ਵਿਭਾਗੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। ਅਜਿਹੀ ਅਨੁਸ਼ਾਸਨਹੀਣਤਾ ਪੁਲਿਸ ਦੇ ਅਕਸ ਨੂੰ ਖਰਾਬ ਕਰਦੀ ਹੈ।