ਡੀਐਚਐਲ ਐਕਸਪ੍ਰੈਸ ਅਗਲੇ ਸਾਲ ਤੋਂ ਪਾਰਸਲ ਡਿਲੀਵਰੀ ਦੀਆਂ ਕੀਮਤਾਂ ਵਿਚ ਕਰੇਗੀ 6.9 ਪ੍ਰਤੀਸ਼ਤ ਵਾਧਾ 

DHL Express will increase parcel delivery prices by 6.9 percent from next year

ਮੁੰਬਈ - ਲੌਜਿਸਟਿਕ ਕੰਪਨੀ ਡੀਐਚਐਲ ਐਕਸਪ੍ਰੈਸ ਆਪਣੀ ਸਾਲਾਨਾ ਕੀਮਤ ਸਮਾਯੋਜਨ ਪ੍ਰਕਿਰਿਆ ਦੇ ਹਿੱਸੇ ਵਜੋਂ ਅਗਲੇ ਸਾਲ ਤੋਂ ਭਾਰਤ ਵਿਚ ਪਾਰਸਲ ਡਿਲੀਵਰੀ ਦੀ ਕੀਮਤ ਵਿਚ ਔਸਤਨ 6.9 ਪ੍ਰਤੀਸ਼ਤ ਦਾ ਵਾਧਾ ਕਰੇਗੀ। ਕੰਪਨੀ ਵੱਲੋਂ ਜਾਰੀ ਬਿਆਨ ਮੁਤਾਬਕ ਮਹਿੰਗਾਈ ਸਮੇਤ ਵੱਖ-ਵੱਖ ਕਾਰਕਾਂ ਨੂੰ ਧਿਆਨ 'ਚ ਰੱਖਦਿਆਂ ਸਾਲਾਨਾ ਆਧਾਰ 'ਤੇ ਕੀਮਤਾਂ ਨਵੇਂ ਸਿਰੇ ਤੋਂ ਤੈਅ ਕੀਤੀਆਂ ਜਾਂਦੀਆਂ ਹਨ।

ਬਿਆਨ ਵਿਚ ਕਿਹਾ ਗਿਆ ਹੈ, “ਭਾਰਤ ਵਿਚ ਔਸਤਨ 6.9 ਪ੍ਰਤੀਸ਼ਤ ਵਾਧਾ ਕੀਤਾ ਜਾਵੇਗਾ। ਇਹ 1 ਜਨਵਰੀ 2024 ਤੋਂ ਲਾਗੂ ਹੋਵੇਗਾ। ਸੀਨੀਅਰ ਮੀਤ ਪ੍ਰਧਾਨ, ਡੀਐਚਐਲ ਐਕਸਪ੍ਰੈਸ (ਦੱਖਣੀ ਏਸ਼ੀਆ) ਆਰ. ਐੱਸ. ਸੁਬਰਾਮਨੀਅਮ ਨੇ ਕਿਹਾ, "ਕੁੱਲ ਮਿਲਾ ਕੇ, ਵਿਸ਼ਵ ਪੱਧਰੀ ਆਰਥਿਕ ਸਥਿਤੀ ਸਥਿਰ ਹੋਣੀ ਸ਼ੁਰੂ ਹੋ ਗਈ ਹੈ।" ਹਾਲਾਂਕਿ, ਅਨਿਸ਼ਚਿਤਤਾ ਬਣੀ ਰਹਿੰਦੀ ਹੈ। ਇਹਨਾਂ ਮੁਸ਼ਕਲ ਸਮਿਆਂ ਦੌਰਾਨ, ਅਸੀਂ ਵਿਸ਼ਵ ਪੱਧਰ 'ਤੇ ਆਪਣੇ ਸਾਰੇ ਗਾਹਕਾਂ ਨੂੰ ਸਥਿਰ ਅਤੇ ਭਰੋਸੇਮੰਦ ਸੇਵਾਵਾਂ ਪ੍ਰਦਾਨ ਕਰਨਾ ਜਾਰੀ ਰੱਖਦੇ ਹਾਂ।