ਨਕਸਲੀਆਂ ਨੇ ਕੀਤਾ IED ਵਿਸਫੋਟ, ਇਕ ਅਧਿਕਾਰੀ ਸ਼ਹੀਦ, ਕਈ ਜਵਾਨ ਹੋਏ ਜ਼ਖਮੀ
ਜ਼ਖਮੀ ਫੌਜੀਆਂ ਵਿਚੋਂ ਇਕ ਦੀ ਹਾਲਤ ਨਾਜ਼ੁਕ ਹੈ
ਨਵੀਂ ਦਿੱਲੀ : ਛੱਤੀਸਗੜ੍ਹ ਦੇ ਸੁਕਮਾ ਜ਼ਿਲ੍ਹੇ ਦੇ ਤਾਡਮੇਟਲਾ ਖੇਤਰ ਵਿਚ ਨਕਸਲੀਆਂ ਦੇ ਆਈਈਡੀ ਧਮਾਕੇ ਵਿਚ ਕੇਂਦਰੀ ਰਿਜ਼ਰਵ ਪੁਲਿਸ ਬਲ ਦਾ ਸਹਾਇਕ ਕਮਾਂਡੈਂਟ ਮਾਰਿਆ ਗਿਆ ਹੈ, ਜਦੋਂ ਕਿ ਜ਼ਖਮੀਆਂ ਦੀ ਗਿਣਤੀ 5 ਤੋਂ ਵਧ ਕੇ 10 ਹੋ ਗਈ ਹੈ। ਸਿਪਾਹੀਆਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਸਾਰੇ ਜ਼ਖਮੀ ਕਰਮਚਾਰੀ ਸੀਆਰਪੀਐਫ ਨਾਲ ਸਬੰਧਤ ਹਨ।
ਦੱਸਿਆ ਜਾ ਰਿਹਾ ਹੈ ਕਿ ਆਈਈਡੀ ਧਮਾਕੇ ਵਿਚ ਇਸ ਟੀਮ ਦਾ ਦੂਜਾ ਇਨ-ਕਮਾਂਡ ਅਧਿਕਾਰੀ ਅਤੇ ਸਹਾਇਕ ਕਮਾਂਡੈਂਟ ਵੀ ਜ਼ਖ਼ਮੀ ਹੋ ਗਏ ਹਨ। ਬਸਤਰ ਜ਼ਿਲ੍ਹੇ ਦੇ ਪੁਲਿਸ ਇੰਸਪੈਕਟਰ, ਸੁੰਦਰਰਾਜ ਪੀ ਨੇ ਸ਼ਨੀਵਾਰ ਨੂੰ ਦੱਸਿਆ ਕਿ ਸੁਕਮਾ ਜ਼ਿਲ੍ਹੇ ਦੇ ਤਾਡਮੇਲਾ ਪਿੰਡ ਨੇੜੇ ਬਾਰੂਦੀ ਸੁਰੰਗ ਧਮਾਕੇ ਵਿਚ ਕੇਂਦਰੀ ਰਿਜ਼ਰਵ ਪੁਲਿਸ ਫੋਰਸ (ਸੀਆਰਪੀਐਫ) ਕੋਬਰਾ ਬਟਾਲੀਅਨ ਦੇ 10 ਜਵਾਨ ਜ਼ਖਮੀ ਹੋ ਗਏ।
ਉਨ੍ਹਾਂ ਕਿਹਾ ਕਿ ਸੁੰਦਰਰਾਜ ਨੇ ਦੱਸਿਆ ਕਿ ਸੀਆਰਪੀਐਫ ਦੀ 206 ਕੋਬਰਾ ਬਟਾਲੀਅਨ ਦੀ ਫੌਜ ਨੂੰ ਇਕ ਛਾਪੇਮਾਰੀ ਲਈ ਭੇਜਿਆ ਗਿਆ ਸੀ। ਦੇਰ ਸ਼ਾਮ ਜਦੋਂ ਜਵਾਨ ਤਾਡਮੇਲਾ ਪਿੰਡ ਨੇੜੇ ਜੰਗਲ ਵਿਚ ਸਨ ਤਾਂ ਨਕਸਲੀਆਂ ਨੇ ਇੱਕ ਬਾਰੂਦੀ ਸੁਰੰਗ ਵਿਚ ਧਮਾਕਾ ਕੀਤਾ। ਇਸ ਘਟਨਾ ਵਿਚ 10 ਸੈਨਿਕ ਜ਼ਖਮੀ ਹੋ ਗਏ, ਜਦੋਂਕਿ ਇਕ ਦੀ ਮੌਤ ਹੋ ਗਈ। ਉਹਨਾਂ ਨੇ ਦੱਸਿਆ ਕਿ ਜ਼ਖਮੀ ਫੌਜੀਆਂ ਨੂੰ ਜੰਗਲ ਤੋਂ ਬਾਹਰ ਲਿਜਾਇਆ ਜਾ ਰਿਹਾ ਹੈ। ਇਸ ਦੌਰਾਨ ਸੀਆਰਪੀਐਫ ਅਧਿਕਾਰੀਆਂ ਨੇ ਦੱਸਿਆ ਕਿ ਜ਼ਖਮੀ ਫੌਜੀਆਂ ਵਿਚੋਂ ਇਕ ਦੀ ਹਾਲਤ ਨਾਜ਼ੁਕ ਹੈ।