Tamil Nadu News: ਜਨਮਦਿਨ ਮਨਾਉਣ ਦੌਰਾਨ ਸਵੀਮਿੰਗ ਪੂਲ ਵਿਚ ਡੁੱਬੀ 6 ਸਾਲਾ ਬੱਚੀ, ਮੌਤ
ਪੁਲਿਸ ਦੇ ਅਨੁਸਾਰ, ਕੋਟਾਕੁੱਪਮ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ।
Tamil Nadu News: ਮਾਰੱਕਨਮ ਨੇੜੇ ਇੱਕ ਰਿਜ਼ੋਰਟ ਵਿੱਚ ਆਪਣਾ ਜਨਮਦਿਨ ਮਨਾਉਂਦੇ ਸਮੇਂ ਇੱਕ ਛੇ ਸਾਲਾ ਬੱਚੀ ਦੀ ਸਵੀਮਿੰਗ ਪੂਲ ਵਿੱਚ ਡੁੱਬਣ ਨਾਲ ਮੌਤ ਹੋ ਗਈ। ਪੁਲਿਸ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਪੁਲਿਸ ਨੇ ਦੱਸਿਆ ਕਿ ਲੜਕੀ ਆਪਣੇ ਮਾਪਿਆਂ ਅਤੇ 10 ਸਾਲਾ ਭਰਾ ਨਾਲ ਰਿਜ਼ੋਰਟ ਦੇ ਸਵੀਮਿੰਗ ਪੂਲ ਵਿੱਚ ਖੇਡ ਰਹੀ ਸੀ। ਬਾਅਦ ਵਿੱਚ, ਕੁੜੀ ਦੀ ਮਾਂ ਉਸ ਨੂੰ ਕਮਰੇ ਵਿੱਚ ਲੈ ਗਈ, ਪਰ ਕੁੜੀ ਦੁਬਾਰਾ ਵਾਪਸ ਆਈ ਅਤੇ ਫਿਸਲ ਕੇ 'ਸਵੀਮਿੰਗ ਪੂਲ' ਵਿੱਚ ਡਿੱਗ ਗਈ।
ਪੁਲਿਸ ਨੇ ਦੱਸਿਆ ਕਿ ਸਵੀਮਿੰਗ ਪੂਲ ਦੇ ਨੇੜੇ ਮੌਜੂਦ ਸੁਰੱਖਿਆ ਗਾਰਡ ਨੇ ਲੜਕੀ ਨੂੰ ਬਚਾਇਆ ਅਤੇ ਉਸ ਨੂੰ ਪੁਡੂਚੇਰੀ ਸਰਹੱਦ ਨੇੜੇ ਗਣਪਤੀ ਚੇਟੀਕੁਲਮ ਦੇ ਇੱਕ ਨਿੱਜੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਪੁਲਿਸ ਦੇ ਅਨੁਸਾਰ, ਕੋਟਾਕੁੱਪਮ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ। ਲੜਕੀ ਦੇ ਪਿਤਾ ਸੁਸ਼ਾਂਤ ਥੌਬਲ ਉੱਤਰਾਖੰਡ ਦੇ ਰਹਿਣ ਵਾਲੇ ਹਨ ਅਤੇ ਬੈਂਗਲੁਰੂ ਵਿੱਚ ਇੱਕ ਫਰਮ ਵਿੱਚ ਕੰਮ ਕਰਦੇ ਹਨ। ਉਹ 26 ਜਨਵਰੀ ਨੂੰ ਆਪਣੇ ਪਰਿਵਾਰ ਨਾਲ ਛੁੱਟੀਆਂ ਮਨਾਉਣ ਪੁਡੂਚੇਰੀ ਗਈ ਸੀ।