ਕੇਂਦਰੀ ਮੁਲਾਜ਼ਮਾਂ ਨੂੰ ਮੋਬਾਈਲ 'ਚ ਅਰੋਗਿਆ ਸੇਤੂ ਐਪ ਡਾਊਨਲੋਡ ਕਰਨ ਦੇ ਹੁਕਮ

ਨਵੀਂ ਦਿੱਲੀ, 29 ਅਪ੍ਰੈਲ : ਕੇਂਦਰ ਸਰਕਾਰ ਨੇ ਅਪਣੇ ਕਰਮਚਾਰੀਆਂ ਨੂੰ ਅਰੋਗਿਆ ਸੇਤੂ ਮੋਬਾਈਲ ਐਪ ਡਾਊਨਲੋਡ ਕਰਨ ਦੇ ਹੁਕਮ ਦਿਤੇ ਹਨ। ਸਰਕਾਰ ਨੇ ਇਹ ਨਿਰਦੇਸ਼ ਸਾਰੇ ਅਧਿਕਾਰੀਆਂ, ਕਰਮਚਾਰੀਆਂ ਅਤੇ ਆਊਟਸੋਰਸ ਸਟਾਫ਼ ਨੂੰ ਦਿਤੇ ਹਨ। ਦਸਣਯੋਗ ਹੈ ਕਿ ਸਰਕਾਰ ਨੇ ਹਾਲ ਹੀ ਵਿਚ ਕੋਰੋਨਾ ਵਾਇਰਸ ਕਾਰਨ ਅਰੋਗਿਆ ਸੇਤੂ ਮੋਬਾਈਲ ਐਪ ਲਾਂਚ ਕੀਤਾ ਸੀ।

ਕਰਮਚਾਰੀਆਂ ਨੂੰ ਜਾਰੀ ਕੀਤੀਆਂ ਹਦਾਇਤਾਂ ਵਿਚ ਕਿਹਾ ਗਿਆ ਹੈ ਕਿ ਘਰ ਤੋਂ ਦਫ਼ਤਰ ਆਉਣ ਤੋਂ ਪਹਿਲਾਂ ਉਨ੍ਹਾਂ ਨੂੰ ਅਰੋਗਿਆ ਸੇਤੂ ਐਪ 'ਤੇ ਸਥਿਤੀ ਦੀ ਜਾਂਚ ਕਰਨੀ ਚਾਹੀਦੀ ਹੈ ਅਤੇ ਉਦੋਂ ਹੀ ਜਦੋਂ ਐਪ 'ਤੇ 'ਸੇਫ਼' ਅਤੇ 'ਘੱਟ ਜੋਖ਼ਮ' ਦੀ ਸਥਿਤੀ ਦਿਖਾਈ ਦੇਵੇ। ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਦਸਿਆ ਗਿਆ ਹੈ ਕਿ ਜੇ ਉਹ ਐਪ 'ਤੇ ਉੱਚ ਜੋਖ਼ਮ 'ਜਾਂ ਮੱਧਮ ਨੂੰ ਵੇਖਦੇ ਹਨ ਤਾਂ ਉਹ ਦਫ਼ਤਰ ਨਾ ਆਉਣ ਅਤੇ ਖ਼ੁਦ ਨੂੰ ਉਦੋਂ ਤਕ ਆਇਸੋਲੇਟ ਕਰ ਲੈਣ ਜਦੋਂ ਤਕ ਐਪ ਉਤੇ ਉਨ੍ਹਾਂ ਨੂੰ ਸੇਫ਼ ਜਾਂ 'ਘੱਟ ਜੋਖ਼ਮ' ਦਿਖਾਈ ਨਹੀਂ ਦਿਤਾ।

ਇਸ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਕੋਰੋਨਾ ਵਾਇਰਸ ਵਿਰੁਧ ਚੱਲ ਰਹੀ ਲੜਾਈ ਲਈ ਅਰੋਗਿਆ ਸੇਤੂ ਮੋਬਾਈਲ ਐਪਲੀਕੇਸ਼ਨ ਨੂੰ ਅਪਣੇ ਮੋਬਾਈਲ ਫ਼ੋਨਾਂ ਉਤੇ ਡਾਊਨਲੋਡ ਕਰਨ। ਜ਼ਿਕਰਯੋਗ ਹੈ ਕਿ ਕੇਂਦਰ ਸਰਕਾਰ ਵਲੋਂ ਕੋਰੋਨਾ ਵਾਇਰਸ ਦੀ ਲਾਗ ਦੇ ਜੋਖ਼ਮ ਦਾ ਮੁਲਾਂਕਣ ਕਰਨ ਲਈ ਸ਼ੁਰੂ ਕੀਤੀ ਅਰੋਗਿਆ ਸੇਤੂ ਐਪ ਤੁਹਾਨੂੰ ਦਸਦੀ ਹੈ ਕਿ ਤੁਹਾਨੂੰ ਜੋਖ਼ਮ ਹੈ ਜਾਂ ਨਹੀਂ। ਐਪ ਬਲੂਟੁੱਥ ਅਤੇ ਜੀਪੀਐਸ ਨਾਲ ਚਲਦੀ ਹੈ। ਸਰਕਾਰ ਦਾ ਦਾਅਵਾ ਹੈ ਕਿ ਇਹ ਐਪ ਕੋਵਿਡ-19 ਲਾਗ ਦੇ ਫੈਲਣ, ਜੋਖ਼ਮ ਅਤੇ ਰੋਕਥਾਮ ਅਤੇ ਇਲਾਜ ਲਈ ਲੋਕਾਂ ਨੂੰ ਸਹੀ ਅਤੇ ਸਹੀ ਜਾਣਕਾਰੀ ਦੇਣ ਦਾ ਕੰਮ ਕਰਦੀ ਹੈ।  (ਏਜੰਸੀ)