ਬਿਜਲੀ ਦੇ ਲੱਗ ਰਹੇ ਕੱਟਾਂ ਨੂੰ ਲੈ ਕੇ ਪੀ ਚਿਦੰਬਰਮ ਨੇ ਘੇਰੀ ਮੋਦੀ ਸਰਕਾਰ, ਕਿਹਾ- ਮੋਦੀ ਹੈ ਤਾਂ ਸੰਭਵ ਹੈ

P. Chidambaram

 

ਨਵੀਂ ਦਿੱਲੀ— ਦੇਸ਼ 'ਚ ਗਰਮੀ ਨੇ ਕਹਿਰ ਮਚਾਇਆ ਹੋਇਆ ਹੈ। ਇਸ ਦੌਰਾਨ ਪੰਜਾਬ ਸਮੇਤ 13 ਰਾਜਾਂ ਵਿੱਚ ਬਿਜਲੀ ਕੱਟ ਲੱਗ ਰਹੇ ਹਨ। ਇਕ ਪਾਸੇ  ਜਿਥੇ ਵਿਰੋਧੀ ਧਿਰ ਕੇਂਦਰ ਸਰਕਾਰ 'ਤੇ ਕੋਲਾ ਦੇ ਸੰਕਟ ਦਾ ਦੋਸ਼ ਲਗਾ ਰਹੀ ਹੈ। ਉਥੇ ਸਰਕਾਰ ਇਨ੍ਹਾਂ ਸਾਰੇ ਦੋਸ਼ਾਂ ਨੂੰ ਖਾਰਜ ਕਰ ਰਹੀ ਹੈ। ਹੁਣ ਇਸ ਦੌਰਾਨ ਸਾਬਕਾ ਵਿੱਤ ਮੰਤਰੀ ਪੀ ਚਿਦੰਬਰਮ ਨੇ ਆਪਣੀ ਪ੍ਰਤੀਕਿਰਿਆ ਜ਼ਾਹਰ ਕੀਤੀ ਹੈ।

 

ਉਨ੍ਹਾਂ ਨੇ ਟਵੀਟ ਕਰਕੇ ਪੀਐਮ ਮੋਦੀ 'ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਕਿਹਾ ਕਿ ਥਰਮਲ ਪਲਾਂਟਾਂ ਵਿੱਚ ਭਰਪੂਰ ਕੋਲਾ, ਵੱਡਾ ਰੇਲ ਨੈੱਟਵਰਕ, ਅਣਵਰਤੀ ਸਮਰੱਥਾ ਦੇ ਬਾਵਜੂਦ ਬਿਜਲੀ ਦੀ ਭਾਰੀ ਘਾਟ ਹੈ। ਕੇਂਦਰ ਸਰਕਾਰ ਨੂੰ ਦੋਸ਼ੀ ਨਹੀਂ ਠਹਿਰਾਇਆ ਜਾ ਸਕਦਾ।

 

ਇਸ ਦਾ ਕਾਰਨ ਹੈ ਕਾਂਗਰਸ ਦਾ 60 ਸਾਲ ਦਾ ਰਾਜ! ਉਨ੍ਹਾਂ ਅੱਗੇ ਤੰਜ਼ ਕੱਸਦੇ ਹੋਏ ਕਿਹਾ ਕਿ ਕਸੂਰ ਉਕਤ ਵਿਭਾਗਾਂ ਦੇ ਸਾਬਕਾ ਕਾਂਗਰਸੀ ਮੰਤਰੀਆਂ ਦਾ ਹੈ! ਸਰਕਾਰ ਨੇ ਇਸ ਦਾ ਸਹੀ ਹੱਲ ਲੱਭ ਲਿਆ ਹੈ। ਯਾਤਰੀ ਰੇਲਗੱਡੀਆਂ ਨੂੰ ਰੱਦ ਕਰੋ ਅਤੇ ਕੋਲਾ ਰੇਲ ਚਲਾਓ! ਮੋਦੀ ਹੈ ਤਾਂ ਸੰਭਵ ਹੈ।