ਰਾਜਸਥਾਨ : ਟਰੈਕਟਰ ਟੋਚਨ ਮੁਕਾਬਲੇ ਵੇਖਣ ਆਏ 7 ਲੋਕ ਮਰੇ, 250 ਜ਼ਖ਼ਮੀ

ਸ੍ਰੀਗੰਗਾਨਗਰ, ਰਾਜਸਥਾਨ ਦੇ ਸ੍ਰੀਗੰਗਾਨਗਰ 'ਚ ਐਤਵਾਰ ਨੂੰ ਇਕ ਵੱਡਾ ਹਾਦਸਾ ਹੋ ਗਿਆ। ਪਦਮਪੁਰ ਦੇ ਧਾਨਮੰਡੀ 'ਚ ਚਲ ਰਹੇ ਟਰੈਕਟਰ ਮੁਕਾਬਲੇ ਦੌਰਾਨ ਅਚਾਨਕ ਟੀਨ ਦੀ ਛੱਡ ਡਿੱਗ ਪਈ। ਘਟਨਾ ਤੋਂ ਬਾਅਦ ਜ਼ਖ਼ਮੀਆਂ ਨੂੰ ਹਸਪਤਾਲ 'ਚ ਭਰਤੀ ਕਰਵਾ ਦਿਤਾ ਗਿਆ ਹੈ। ਜ਼ਖ਼ਮੀਆਂ 'ਚੋਂ 50 ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ।

ਜਾਣਕਾਰੀ ਅਨੁਸਾਰ ਪਦਮਪੁਰ ਦੇ ਧਾਨਮੰਡੀ 'ਚ ਟਰੈਕਟਰ ਮੁਕਾਬਲੇ ਚਲ ਰਹੇ ਸਨ। ਇਸੇ ਦੌਰਾਨ ਹਜ਼ਾਰਾਂ ਦੀ ਗਿਣਤੀ 'ਚ ਲੋਕ ਇੱਥੇ ਮੌਜੂਦ ਸਨ। ਇਸ ਦੌਰਾਨ ਅਚਾਨਕ ਟੀਨ ਦੀ ਛੱਤ ਡਿੱਗ ਗਈ ਅਤੇ ਲੋਕਾਂ 'ਚ ਭਾਜੜ ਮੱਚ ਗਈ। ਇਸ ਮੁਕਾਬਲੇ 'ਚ ਦੋ ਟਰੈਕਟਰਾਂ ਵਿਚਕਾਰ ਟੋਚਨਾ ਪਾਇਆ ਜਾਂਦਾ ਹੈ। ਇਸ ਤੋਂ ਬਾਅਦ ਦੋਵੇਂ ਟਰੈਕਟਰ ਉਲਟੀ ਦਿਸ਼ਾ 'ਚ ਇਕ ਦੂਜੇ ਨੂੰ ਖਿੱਚਦੇ ਹਨ। ਇਕ ਮਿੱਥੀ ਦੂਰੀ ਤਕ ਦੂਜੇ ਟਰੈਕਟਰ ਨੂੰ ਖਿੱਚ ਕੇ ਲੇ ਜਾਣ ਵਾਲਾ ਟਰੈਕਟਰ ਜੇਤੂ ਐਲਾਨ ਦਿਤਾ ਜਾਂਦਾ ਹੈ। ਅਜਿਹੇ ਮੁਕਾਬਲੇ 'ਚ ਹਜ਼ਾਰਾਂ ਰੁਪਏ ਦੇ ਇਨਾਮ ਹੁੰਦੇ ਹਨ।  (ਏਜੰਸੀ)