ਸੰਸਦ 'ਚ ਗੂੰਜਿਆ ਯੂਕਰੇਨ ਤੋਂ ਪਰਤੇ MBBS ਵਿਦਿਆਰਥੀਆਂ ਦਾ ਮੁੱਦਾ

Amar Singh

 

 ਨਵੀਂ ਦਿੱਲੀ: ਫਤਿਹਗੜ੍ਹ ਸਾਹਿਬ ਤੋਂ ਸੰਸਦ ਮੈਂਬਰ ਡਾ. ਅਮਰ ਸਿੰਘ ਨੇ ਸੰਸਦ ਵਿਚ ਯੂਕਰੇਨ ਤੋਂ ਵਾਪਸ ਪਰਤੇ MBBS ਦੇ ਵਿਦਿਆਰਥੀਆਂ ਦਾ ਮੁੱਦਾ ਉਠਾਇਆ। ਉਹਨਾਂ ਕਿਹਾ ਕਿ  ਪੰਜਾਬ ਤੋਂ ਬਹੁਤ ਸਾਰੇ ਬੱਚੇ ਯੂਕਰੇਨ ਵਿਚ ਪੜ੍ਹਨ ਲਈ ਜਾਂਦੇ ਹਨ।

 

 

ਪਰ ਪਿਛਲੇ ਸਮੇਂ ਯੂਕਰੇਨ ਤੋਂ ਵਾਪਸ ਆਏ ਵਿਦਿਆਰਥੀਆਂ ਨਾਲ ਜੋ ਹੋਇਆ ਹੈ। ਉਸ ਬਾਰੇ ਜਗ੍ਹਾ-ਜਗ੍ਹਾ ਪੁੱਛਿਆ ਜਾ ਰਿਹਾ ਹੈ ਕਿ ਜਿਹੜੇ ਵਿਦਿਆਰਥੀ ਯੂਕਰੇਨ ਤੋਂ ਵਾਪਸ ਆਏ ਹਨ ਉਹਨਾਂ ਨੇ ਯੂਕਰੇਨ ਵਿਚ ਪੂਰੀਆਂ ਫੀਸਾਂ ਭਰੀਆਂ ਹੋਈਆਂ ਸਨ।

ਉਹਨਾਂ ਫੀਸਾਂ ਦਾ ਕੀ ਹੋਵੇਗਾ ਤੇ ਇਧਰ ਪੰਜਾਬ ਵਿਚ  ਉਹਨਾਂ ਦੀ ਪੜ੍ਹਾਈ ਦਾ ਕੋਈ  ਪ੍ਰਬੰਧ ਹੋ ਪਾਵੇਗਾ ਜਾਂ ਨਹੀਂ। ਮੈਂ ਭਾਰਤ ਸਰਕਾਰ ਨੂੰ ਬੇਨਤੀ ਕਰਦਾ ਹਾਂ ਕਿ  ਵਿਦਿਆਰਥੀਆਂ ਨੇ ਲੱਖਾਂ ਰੁਪਏ ਭਰੇ ਹਨ। ਇਧਰ ਇੰਸਟੀਚਿਊਟ ਵਿਚ ਉਹਨਾਂ ਨੂੰ ਦਾਖਲਾ ਦਿੱਤਾ ਜਾਵੇ ਤਾਂ ਜੋ ਉਹਨਾਂ ਦੀ ਸਮੱਸਿਆ ਦਾ ਹੱਲ ਹੋ ਸਕਦਾ ਹੈ।