Karnataka News ; ਕਰਨਾਟਕ ’ਚ ਜਨਤਕ ਤੌਰ ’ਤੇ ਤਮਾਕੂ ਦੀ ਵਰਤੋਂ ’ਤੇ ਪਾਬੰਦੀ 

Bangalore News in Punjabi : ਕਰਨਾਟਕ ਸਰਕਾਰ ਨੇ ਹੁੱਕਾ ਬਾਰਾਂ ’ਤੇ ਪਾਬੰਦੀ ਲਗਾ ਦਿਤੀ ਹੈ। ਇਸ ਤੋਂ ਇਲਾਵਾ ਤਮਾਕੂ ਉਤਪਾਦ ਖਰੀਦਣ ਦੀ ਕਾਨੂੰਨੀ ਉਮਰ ਵੀ 18 ਸਾਲ ਤੋਂ ਵਧਾ ਕੇ 21 ਸਾਲ ਕਰ ਦਿਤੀ ਹੈ ਅਤੇ ਉਲੰਘਣਾ ਕਰਨ ’ਤੇ ਜੁਰਮਾਨਾ ਵਧਾ ਦਿਤਾ ਹੈ। ਐਕਟ ਅਧੀਨ ਜਨਤਕ ਥਾਵਾਂ ’ਤੇ ਤਮਾਕੂ ਉਤਪਾਦਾਂ ਦੀ ਵਰਤੋਂ ’ਤੇ ਵੀ ਪਾਬੰਦੀ ਹੋਵੇਗੀ। ਇਸ ’ਚ ਕਿਹਾ ਗਿਆ ਹੈ, ‘ਵਰਤੋਂ’ ਦਾ ਮਤਲਬ ਹੈ ਸਿਗਰਟ ਪੀਣਾ ਅਤੇ ਤਮਾਕੂ ਥੁੱਕਣਾ।

ਹਾਲਾਂਕਿ, 30 ਕਮਰਿਆਂ ਵਾਲੇ ਹੋਟਲ ਜਾਂ 30 ਜਾਂ ਇਸ ਤੋਂ ਵੱਧ ਵਿਅਕਤੀਆਂ ਦੇ ਬੈਠਣ ਦੀ ਸਮਰੱਥਾ ਵਾਲੇ ਰੈਸਟੋਰੈਂਟ ਅਤੇ ਹਵਾਈ ਅੱਡਿਆਂ ’ਤੇ ਤੰਬਾਕੂਨੋਸ਼ੀ ਖੇਤਰ ਜਾਂ ਜਗ੍ਹਾ ਲਈ ਵੱਖਰਾ ਪ੍ਰਬੰਧ ਕੀਤਾ ਜਾ ਸਕਦਾ ਹੈ। ਐਕਟ ਦੀ ਧਾਰਾ 21, 24 ਅਤੇ 28 ਤਹਿਤ ਜਨਤਕ ਸਥਾਨ ’ਤੇ ਤੰਬਾਕੂਨੋਸ਼ੀ ਕਰਨ ਅਤੇ 21 ਸਾਲ ਜਾਂ ਇਸ ਤੋਂ ਘੱਟ ਉਮਰ ਦੇ ਲੋਕਾਂ ਨੂੰ ਤਮਾਕੂ ਵੇਚਣ ’ਤੇ ਜੁਰਮਾਨਾ 200 ਰੁਪਏ ਤੋਂ ਵਧਾ ਕੇ 1000 ਰੁਪਏ ਕਰ ਦਿਤਾ ਗਿਆ ਹੈ। 

(For more news apart from Public tobacco use banned in Karnataka News in Punjabi, stay tuned to Rozana Spokesman)