IAS Officer: ਲਿਫਟ 'ਚ ਔਰਤ ਨਾਲ IAS ਅਫਸਰ ਦੀ ਸ਼ਰਮਨਾਕ ਹਰਕਤ, ਵੀਡੀਓ ਵਾਇਰਲ

IAS Officer and A Woman News in Noida: ਨੋਇਡਾ ਦੀ ਇੱਕ ਸੁਸਾਇਟੀ ਦਾ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵੀਡੀਓ 'ਚ ਸੇਵਾਮੁਕਤ ਆਈਏਐਸ ਅਧਿਕਾਰੀ ਦੀ ਸ਼ਰਮਨਾਕ ਹਰਕਤ ਸਾਹਮਣੇ ਆਈ ਹੈ।

ਔਰਤ ਅਤੇ ਆਈਏਐਸ ਅਧਿਕਾਰੀ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਫੈਲ ਗਿਆ ਹੈ। ਇਹ ਸਾਰੀ ਘਟਨਾ ਸੋਸਾਇਟੀ ਦੀ ਲਿਫਟ ਵਿਚ ਵਾਪਰੀ। ਨੋਇਡਾ ਵਿਚ ਪਾਰਕਸ ਲੌਰੀਏਟ ਸੋਸਾਇਟੀ ਦੀ ਲਿਫਟ ਵਿਚ ਕੁੱਤੇ ਨੂੰ ਲੈ ਕੇ ਹੋਏ ਝਗੜੇ ਦੇ ਚਲਦਿਆਂ ਇੱਕ ਸੇਵਾਮੁਕਤ ਆਈਏਐਸ ਨੇ ਔਰਤ ਨੂੰ ਥੱਪੜ ਜੜਿਆ, ਜਿਸ ਦੀ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ। ਇੰਨਾ ਹੀ ਨਹੀਂ ਇਸ ਤੋਂ ਬਾਅਦ ਔਰਤ ਨੇ ਆਪਣੇ ਘਰਵਾਲੇ ਨੂੰ ਬੁਲਾ ਕੇ ਆਈਏਐਸ ਅਧਿਕਾਰੀ ਦੀ ਕੁੱਟਮਾਰ ਵੀ ਕਰਵਾਈ।

ਜਾਣਕਾਰੀ ਮੁਤਾਬਕ ਔਰਤ ਕੁੱਤੇ ਨੂੰ ਆਪਣੇ ਨਾਲ ਲਿਫਟ 'ਚ ਲੈ ਕੇ ਜਾਣਾ ਚਾਹੁੰਦੀ ਸੀ ਪਰ ਸੇਵਾਮੁਕਤ ਆਈਏਐਸ ਇਸ ਦਾ ਵਿਰੋਧ ਕਰ ਰਿਹਾ ਸੀ ਅਤੇ ਇਸ ਦੌਰਾਨ ਦੋਵਾਂ ਵਿਚਾਲੇ ਹੱਥੋਪਾਈ ਹੋ ਗਈ। ਇਸ ਦੌਰਾਨ ਜਿਵੇਂ ਹੀ ਆਈਏਐਸ ਨੇ ਆਪਣਾ ਮੋਬਾਈਲ ਕੱਢਿਆ ਤਾਂ ਔਰਤ ਨੇ ਖੋਹ ਲਿਆ। ਜਿਸ ਨਾਲ ਗੱਲ ਹੋਰ ਵਿਗੜ ਗਈ ਜਿਸ ਤੋਂ ਬਾਅਦ ਸੇਵਾਮੁਕਤ ਆਈਏਐੱਸ ਨੇ ਔਰਤ ਨੂੰ ਥੱਪੜ ਮਾਰ ਦਿੱਤਾ। ਇਸ ਮਗਰੋਂ ਔਰਤ ਨੇ ਘਰਵਾਲੇ ਨਾਲ ਮਿਲ ਕੇ ਸੇਵਾਮੁਕਤ ਆਈਏਐਸ ਦੇ ਥੱਪੜ ਮਾਰਨੇ ਸ਼ੁਰੂ ਕਰ ਦਿੱਤੇ। ਘਟਨਾ ਦੀ ਸੂਚਨਾ ਮਿਲਣ 'ਤੇ ਸੈਕਟਰ-39 ਕੋਤਵਾਲੀ ਦੀ ਪੁਲਿਸ ਟੀਮ ਮੌਕੇ 'ਤੇ ਪਹੁੰਚ ਗਈ। ਹਾਲਾਂਕਿ ਦੋਵਾਂ ਧਿਰਾਂ ਵਿਚੋਂ ਕਿਸੇ ਨੇ ਵੀ ਇਸ ਮਾਮਲੇ ਵਿਚ ਕੋਈ ਸ਼ਿਕਾਇਤ ਦਰਜ ਨਹੀਂ ਕਰਵਾਈ।

(For more news apart from Retired IAS Officer and A woman' Video Goes Viral , stay tuned to Rozana Spokesman)