ਬੰਗਲੌਰ, 25 ਅਕਤੂਬਰ : ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਨੇ ਕਰਨਾਟਕ ਵਿਧਾਨ ਮੰਡਲ ਦੇ ਸਾਂਝੇ ਸੈਸ਼ਨ ਵਿਚ ਮੈਸੂਰ ਦੇ ਬਾਦਸ਼ਾਹ ਟੀਪੂ ਸੁਲਤਾਨ ਦਾ ਨਾਮ ਲਿਆ ਤਾਂ ਸੱਤਾਧਿਰ ਕਾਂਗਰਸ ਅਤੇ ਵਿਰੋਧੀ ਧਿਰ ਭਾਜਪਾ ਵਿਚਕਾਰ ਸਿਆਸੀ ਸ਼ਬਦੀ ਜੰਗ ਛਿੜ ਗਈ। ਇਹ ਘਟਨਾਕ੍ਰਮ 10 ਨਵੰਬਰ ਨੂੰ ਟੀਪੂ ਸੁਲਤਾਨ ਦੀ ਜਯੰਤੀ ਮਨਾਉਣ ਦੇ ਰਾਜ ਸਰਕਾਰ ਦੇ ਫ਼ੈਸਲੇ 'ਤੇ ਮਚੇ ਵਿਵਾਦ ਵਿਚਕਾਰ ਹੋਇਆ। ਭਾਜਪਾ ਇਸ ਫ਼ੈਸਲੇ ਦਾ ਪੁਰਜ਼ੋਰ ਵਿਰੋਧ ਕਰ ਰਹੀ ਹੈ। ਉਸ ਦਾ ਦੋਸ਼ ਹੈ ਕਿ ਸ਼ੇਰ-ਏ-ਮੈਸੂਰ ਦੇ ਨਾਮ ਨਾਲ ਮਸ਼ਹੂਰ 18ਵੀਂ ਸਦੀ ਦਾ ਮੈਸੂਰ ਦਾ ਸ਼ਾਸਕ ਹਿੰਦੂ ਵਿਰੋਧੀ ਅਤੇ ਬਲਾਤਕਾਰੀ ਸੀ। ਰਾਸ਼ਟਰਪਤੀ ਨੇ ਅਪਣੇ ਸੰਬੋਧਨ ਵਿਚ ਕਰਨਾਟਕ ਨੂੰ ਯੋਧਿਆਂ ਦੀ ਧਰਤੀ ਦਸਦਿਆਂ ਕਿਹਾ, 'ਟੀਪੂ ਸੁਲਤਾਨ ਬ੍ਰਿਟਿਸ਼ ਰਾਜ ਨਾਲ ਲੜਦਿਆਂ ਬਹਾਦਰਾਂ ਦੀ ਮੌਤ ਮਰਿਆ। ਉਹ ਵਿਕਾਸ ਦਾ ਪ੍ਰੇਰਣਾ ਸਰੋਤ ਸੀ ਅਤੇ ਜੰਗ ਵਿਚ ਉਸ ਨੇ ਮੈਸੂਰ ਰਾਕੇਟ ਦੀ ਵਰਤੋਂ ਕੀਤੀ ਸੀ। ਇਹ ਤਕਨੀਕ ਬਾਅਦ ਵਿਚ ਯੁਰੋਪਵਾਸੀਆਂ ਨੇ ਅਪਣਾਈ।' ਇਸ ਤੋਂ ਪਹਿਲਾਂ ਕੋਵਿੰਦ ਨੇ