ਲੰਦਨ, 15 ਮਾਰਚ : ਸੰਯੁਕਤ ਰਾਸ਼ਟਰ ਵਲੋਂ ਜਾਰੀ ਨਵੀਨਤਮ ਖ਼ੁਸ਼ਹਾਲੀ ਰੀਪੋਰਟ ਵਿਚ ਭਾਰਤ ਨੂੰ ਪਾਕਿਸਤਾਨ ਅਤੇ ਬੰਗਲਾਦੇਸ਼ ਸਮੇਤ ਅਪਣੇ ਗਵਾਂਢੀ ਰਾਜਾਂ ਤੋਂ ਵੀ ਹੇਠਾਂ 133ਵਾਂ ਸਥਾਨ ਮਿਲਿਆ ਹੈ। ਰੀਪੋਰਟ ਵਿਚ ਫ਼ਿਨਲੈਂਡ ਸੱਭ ਤੋਂ ਖ਼ੁਸ਼ਹਾਲ ਦੇਸ਼ ਰਿਹਾ ਅਤੇ ਇਸ ਮਗਰੋਂ ਨਾਰਵੇ ਅਤੇ ਡੈਨਮਾਰਕ ਦਾ ਨਾਮ ਹੈ। ਖ਼ੁਸ਼ਹਾਲੀ ਦੇ ਮਾਮਲੇ ਵਿਚ ਸੱਭ ਤੋਂ ਅੰਤਮ ਸਥਾਨ 'ਤੇ ਬਰੂੰਡੀ ਦਾ ਨਾਮ ਹੈ। ਸੰਯੁਕਤ ਰਾਸ਼ਟਰ ਵਲੋਂ ਤਿਆਰ ਰੀਪੋਰਟ ਮੁਤਾਬਕ ਭਾਰਤ 0.698 ਅੰਕ ਦੀ ਗਿਰਾਵਟ ਨਾਲ ਪਿਛਲੇ ਸਾਲ ਦੇ ਅਪਣੇ 128ਵੇਂ ਸਥਾਨ ਤੋਂ ਹੇਠਾਂ ਚਲਿਆ ਗਿਆ। ਵਿਸ਼ਵ ਖ਼ੁਸ਼ਹਾਲੀ ਦਿਵਸ 20 ਮਾਰਚ ਨੂੰ ਮਨਾਇਆ ਜਾਂਦਾ ਹੈ। ਛੇਵੀਂ ਵਿਸ਼ਵ ਖ਼ੁਸ਼ਹਾਲੀ ਰੀਪੋਰਟ ਵਿਚ ਪਲਾਇਨ ਨੂੰ ਵੱਡਾ ਮੁੱਦਾ ਮੰਨਿਆ ਗਿਆ ਹੈ।